Dhaniyeli 5:12 - Bhibhiliya Nya Guage

¹² Gu manegide ga mwama yoyu Dhaniyeli, mufumeli a nga mu thangisago lina la Bhalitazari, a diri ni liphuvbo nya gusamadzise, nya guti ni mapimo, a ninga tshamuselo nya dzindroro ni gu ninga phindrulo dzitekatekane, ni gu dusa gukanakana ga mahungu nya gulemele, avbo mufumeli a nga mu thangisago lina la Bhalitazari. Rumela gu ya ranwa Dhaniyeli, uye a nata gu ninga tshamuselo nya milowo.

Dhaniyeli 5:12 Iomraidhean Croise

Dzindzimo 16:3

Vanungungulu nya malipha va mafuni, avo va gupwani va na ni tshivba, avo gale nyi nga bani nyi va khozela, kha va phasi gilo.

Mavingu 12:26

Muthu nya gululame a gu yeyedza ndzila dzipari dzaye, aholu ndzila ya va nya guvivbedwa khu monyo, ya gu va yisa gumbembani.

Mavingu 17:27

Muthu nya gugengele kha ganeli nya muganele, ni muthu nya mapimo a gu dzi rudzisa.

Ezekiyeli 28:3

Lisine, uwe u nguti ngudzu guvbindra Dhaniyeli, wu mwalo ni sihalo moyo wu gu hangago.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 1:7

Muthangeli nya sithumi sa mufumeli, a di va thangisa mambe malina, a gu aya: Dhaniyeli a mu riya lina la Bhalitazari, Hananiya, khuye khu Sadraki, Misayeli khuye khu Misaki, Azariya khuye khu Abhedhi-Negho

Dhaniyeli 2:26

Mufumeli a di wudzisa Dhaniyeli, a nga bani na gu ranwa gambe pwani khu Bhalitazari, khuye: “Ina uwe u nga dzi kodza gu nyi pwadzela ndroro nyi nga yi wonago ni gu nyi ninga tshamuselo waye, gani?”

Dhaniyeli 4:19

Khavbo avbo, Dhaniyeli, a nga bani na gu ranwa khu lina la Bhalitazari, a di huye kape gikhati nya gulaphe, na gu thava khu maalakanyoni gwaye. Khavbo avbo, mufumeli a di mu embela, khuye: “Bhalitazari, u nga thurugiswi khu kotani nya ndroro ni tshamuselo yaye.” Bhalitazari a di mu hakha, khuye: Mune wangu, ndroro yeyi yi na thonone avo va gu zondrago, ni tshamuselo waye wu na thonone valala vago!

Dhaniyeli 4:8

Khu guhegisa, gu dita mbeli gwangu Dhaniyeli, uye a tidwago khu lina la Bhalitazari, a gu lina nya nungungulu wangu, uye li vbanyago gwaye liphuvbo la vanungungulu va agidego, eni nyi di mu embela ndroro yangu kheni:

Dhaniyeli 5:14

Va ngu nyi embela gupwani liphuvbo la vanungungulu lomo vbakari gwago, gumogo ni wenengedzo ni mapimo, ni guti nya gusamadzise.

Dhaniyeli 5:16

Va nyi embede gukhavo uwe u nga dzi kodza gu nyi ninga tshamuselo ni gu dusa gukanakana. Gasi olu, wa gu kodza gu hevbula milowo yeyi, ni gu nyi ninga tshamuselo yaye, nyi na gu ambagisa dzingandzu nya siwunguwungu, thamoni gwago nyi gu ambagisa karara nya ndralama, ni gu khala gikhalo nya wuraru nya mufumo wangu.”

Dhaniyeli 6:3

Khavbo avbo, Dhaniyeli a di hambanide ni vamwamangulu ni vathangeli vava, kholu uye a diri ni liphuvbo nya gusamadzise; avbo mufumeli a nga bani ari ni makungo nya gu mu emise gu khala muthangeli nya litigo laye latshavbo.

Dhaniyeli 6:4

Khu kotani nya kharato, vamwamangulu ni vathangeli, va di gu zama gu mana gihoso nya guvivbise khigyo Dhaniyeli thumoni gwaye nya mufumo, gambe va disi mani gihoso, kholu a di thuma khu gutumbega.

Vakolosi 1:29

Khiso nyi si thumelago ni gu si dwanela khu tshivba yatshavbo nyi yi manago tshivbani ga Kristo.