Dhaniyeli 5:11 - Bhibhiliya Nya Guage

¹¹ Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

Dhaniyeli 5:11 Iomraidhean Croise

Genesi 41:38

Faro a di embela madhota yaye, khuye: “Ina hi na mu mana mumbe mwama nya nga oyu nya gutale khu liphuvbo la Nungungulu, gani?”

2 Samuweli 14:17

Githumi gyago nya nyamayi gi engedzide gambe, khigyo: Lito la mufumeli ni mune wangu li na nyi ninga gurula, kholu, mufumeli wangu, a ngu fanana ni ngilozi ya Nungungulu, guti wuwadi ni wuvivbi; khu guralo Pfhumu Nungungulu wago, a na khale ni uwe!”

Ezekiyeli 28:3

Lisine, uwe u nguti ngudzu guvbindra Dhaniyeli, wu mwalo ni sihalo moyo wu gu hangago.

Ezekiyeli 28:4

Khu guti gwago ni wugengeli wago, u manide dzithomba, u wungedzede ndralama ni parata sisangalani gwago;

Dhaniyeli 1:4

Madzaha nyamba hasa, nya wumburi, va hevbudego, nya gugengele ni guti, na vari ni mapimo, na va vbelede gululama, na va hevbude ni tshivba, gasi guya vegwa nyumbani nya wufumu, va hevbudzwa milowo ni lidimi nya Vakalidhiya.

Dhaniyeli 2:11

Iso u si lombago uwe mufumeli si ngu garadza, mwalo ni moyo a na gu emago mbeli ga mufumeli a mu ninga tshamuselo, vbavbandze nya vanungungulu, va gumba khala nyamani nya vathu.

Dhaniyeli 2:22

Uye a ngu tugudzisa silo nya guete niso si sihadego; khuye atigo iso si guromo gidemani guwonegela gwa gu khala avbo gwaye.

Dhaniyeli 4:18

Eyi khiyo ndroro nyi loridego eni mufumeli Nabhukodhonosori. “Olu uwe Bhalitazari, nyi ninge tshamuselo yaye, kholu vagengeli vatshavbo va tigoni gwangu, kha va dzi khodza gu nyi tshamusela. Gambe uwe, u ngu dzi kodza, kholu liphuvbo la vanungungulu va agidego lomo vbatshani gwago.”

Dhaniyeli 4:5

Na nyiri ligovbeni, nyi lora ndroro yi nga nyi thavisago, hungo wangu wu di hambanega mapimo khu kotani nya siwoniso nyi nga si wonago.

Dhaniyeli 4:6

Nyi di vega nayo nya guranise vagengeli vatshavbo va Bhabhiloni, gasi guta nyi ninga tshamuselo nya ndroro nyi nga lorago.

Dhaniyeli 5:14

Va ngu nyi embela gupwani liphuvbo la vanungungulu lomo vbakari gwago, gumogo ni wenengedzo ni mapimo, ni guti nya gusamadzise.

Dhaniyeli 5:7

Mufumeli a di vbisega a rumela gu raniswa dzinyanga, ni vagengeli, ni Vakalidhiya, ni va nya sikwembu; ata embela vagengeli vava va Bhabhiloni, khuye: “Uye a na gu hevbulago milowo yeyi bwelo khavbo a nyi ninga tshamuselo yaye, nyi na mu ambagisa dzingandzu nya siwunguwungu, bwelo khavbo nyi mu ambagisa karara nya ndralama thamoni gwaye, nyi na mu emisa a khala vbagikalotunu nya wuraru nya mufumo wangu.”

Mithumo 12:22

Vathu va di kulungela, khavo: “Lito la Nungungulu, khandri lito nya muthu.”

Mithumo 14:11

Na va wonide esi si nga girwago khu Pawulo, gidzemo gi di gira ligwaha gi gu ganela khu lidimi la Likawoniya, khigyo: “Vanungungulu va tshigidego gwathu khu giyemo nya wuthu”

Mithumo 16:16

Tshigu mwedo, na hi gu hongola nombelotunu, hi di khingwa khu nyamahegyane moyo nya khumbi, a nga bani ari ni mandriki nya wutumbe; uye a di fumisa ngudzu vaphari vaye khu gulola gwaye.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.