Dhaniyeli 4:9 - Bhibhiliya Nya Guage

⁹ Bhalitazari, muthangeli nya vagengeli, nyi ngu dziti gukheni avbo gwago lomo liphuvbo la vanungungulu va agidego, mwalo sihalo u tandrwago khuwo. Nga nyi embela siwoniso nyi si wonego ndroroni gwangu ni gu nyi ninga tshamuselo yaye.

Dhaniyeli 4:9 Iomraidhean Croise

Genesi 41:38

Faro a di embela madhota yaye, khuye: “Ina hi na mu mana mumbe mwama nya nga oyu nya gutale khu liphuvbo la Nungungulu, gani?”

Isaya 33:18

Myonyo yawe yi na alakanya tshanisa ya gale, va ganela, khavo: “Womo hayi mulovi? Womo hayi uye a nga bani a pima tengo nya gikhaba, womo hayi uye a nga sayelago makhokhola?”

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Ezekiyeli 17:23

Nyi na li yala vbatshani nya gigomo nya gulaphe gya Israyeli. Li na thunga matamo, li ninga mihandro ni gu khala sedhari nya dandrangulu. Umo sinyoni nya singi nya mafumbo yatshavbo ya mafuni si na gu khalago mutsani gwaye, ni guvbaha sihaga sawe matamoni gwaye.

Ezekiyeli 28:3

Lisine, uwe u nguti ngudzu guvbindra Dhaniyeli, wu mwalo ni sihalo moyo wu gu hangago.

Dhaniyeli 1:20

Mahunguni gwatshavbo nya wugengeli ni guti, gu di manega avo na vari mbeli likhumi dzinyondro guvbindra dzinyanga ni valoli nya dzisolo dza tigoni gwaye gwatshavbo.

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 2:48

Khavbo avbo, mufumeli a di dandrisa Dhaniyeli, a mu ninga sihiwa nya singi, ni gu mu emisa gu khala mwamangulu nya gipandrengulu gya Bhabhiloni, gumogo ni gu khala muthangeli wa vagengeli vatshavbo va Bhabhiloni.

Dhaniyeli 4:18

Eyi khiyo ndroro nyi loridego eni mufumeli Nabhukodhonosori. “Olu uwe Bhalitazari, nyi ninge tshamuselo yaye, kholu vagengeli vatshavbo va tigoni gwangu, kha va dzi khodza gu nyi tshamusela. Gambe uwe, u ngu dzi kodza, kholu liphuvbo la vanungungulu va agidego lomo vbatshani gwago.”

Dhaniyeli 4:5

Na nyiri ligovbeni, nyi lora ndroro yi nga nyi thavisago, hungo wangu wu di hambanega mapimo khu kotani nya siwoniso nyi nga si wonago.

Dhaniyeli 4:8

Khu guhegisa, gu dita mbeli gwangu Dhaniyeli, uye a tidwago khu lina la Bhalitazari, a gu lina nya nungungulu wangu, uye li vbanyago gwaye liphuvbo la vanungungulu va agidego, eni nyi di mu embela ndroro yangu kheni:

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

1 Samuweli 4:8

Libango lathu! Khu mani a na hi vbulugisago mandzani ga vanungungulu vava nya tshivba? Khavo vanungungulu vovo va nga bayisa Vagipiti khu mitungu yatshavbo nya guhambanelane giwulani.