Dhaniyeli 4:6 - Bhibhiliya Nya Guage

⁶ Nyi di vega nayo nya guranise vagengeli vatshavbo va Bhabhiloni, gasi guta nyi ninga tshamuselo nya ndroro nyi nga lorago.

Dhaniyeli 4:6 Iomraidhean Croise

Ekisodha 7:11

Aholu Faro nuye a di rana va nya guti ni dzinyanga, avo navo va nya guti va Egipito, va di gira navo idzosaye khu wugengeli wawe nya gusihalege.

Isaya 8:19

Vambe va na mi kutsedzela, khavo: Wudzisani maphuvbo ya vale va fudego ni valoli nya dzisolo va ngurangurago ni gu lembelana; ina kamwe va na Israyeli va gu bani vari ni mahungu kha va na ngaya wudzisa Nungungulu wawe, gani? Ina avo va vbanyago va ngu yela guya wudzisa avo va fudego, gani?

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 2:2

Khu guralo, mufumeli a di rumela gu tombaniswa dzinyanga, valoli nya dzisolo, va nya sikwembu ni vagengeli nya Vakalidhiya, vata mbeli ga mufumeli gasi vata mu ninga tshamuselo nya esi a nga lorago,

Dhaniyeli 2:48

Khavbo avbo, mufumeli a di dandrisa Dhaniyeli, a mu ninga sihiwa nya singi, ni gu mu emisa gu khala mwamangulu nya gipandrengulu gya Bhabhiloni, gumogo ni gu khala muthangeli wa vagengeli vatshavbo va Bhabhiloni.

Dhaniyeli 4:15

Tshina ni mikhamba yaye, si digeni mafuni, yi hungeni khu makhetshe nya simbi ni sugu mwasini wa khabini, wu naganiswa khu hunguva ya ndzadzini, wu na kavedwe gumogo ni sirengo mwasi wa khabini.

Dhaniyeli 5:11

Womo mwama moyo vbakari nya mufumo wago a gu ni liphuvbo la vanungungulu va agidego; matshiguni ya babe wago, gu di manwa avbo gwaye wenengedzo, gupimisa ni wugengeli, nya gufanane ni wugengeli wa vanungungulu. Babe wago, mufumeli Nabhukodhonosori, a mu emiside gu khala muthangeli nya dzinyanga, nya va nya sikwembu, nya Vakalidhiya, ni va nya gulola dzisolo.

Dhaniyeli 5:7

Mufumeli a di vbisega a rumela gu raniswa dzinyanga, ni vagengeli, ni Vakalidhiya, ni va nya sikwembu; ata embela vagengeli vava va Bhabhiloni, khuye: “Uye a na gu hevbulago milowo yeyi bwelo khavbo a nyi ninga tshamuselo yaye, nyi na mu ambagisa dzingandzu nya siwunguwungu, bwelo khavbo nyi mu ambagisa karara nya ndralama thamoni gwaye, nyi na mu emisa a khala vbagikalotunu nya wuraru nya mufumo wangu.”