Dhaniyeli 4:34 - Bhibhiliya Nya Guage

³⁴ Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.

Dhaniyeli 4:34 Iomraidhean Croise

2 Samuweli 22:31

Ndzila ya Nungungulu yi lulamide, magana ya Pfhumu Nungungulu ma tumbegide, khuye gitshangu ga vatshavbo va thavelago gwaye.

1 Dzikoronika 29:10

Khavbo avbo, Dhavhidhe a di rungudza Nungungulu, na gu wonwa khu tshangano watshavbo, khuye: U na bongwe Uwe Pfhumu Nungungulu wa babe wathu Israyeli, khu gupindruga ni gupindruga!

1 Dzikoronika 29:13

Khu guralo, olu Uwe Nungungulu wathu, ethu hi ngu gu bonga ni gu rungudza lina lago nya wudhumo.

Joba 1:21

a ganela, khuye: “Nyi dugide khu ndrani ga mayi wangu nyiri mwalo gilo, nyi na bwelela gambe nyiri mwalo gilo. Pfhumu Nungungulu a nyi ningide, Pfhumu Nungungulu dzegide; li na bongwe lina la Pfhumu Nungungulu!”

Dzindzimo 10:16

Pfhumu Nungungulu, a ngu fuma kala gupindruga; va nya mayigo va na tutumiswa tigoni gwaye.

Dzindzimo 102:24

Nyi di ganela, kheni: “Nungungulu wangu, u nga nyi dzegi na nyi ngari vbakari nya matshigu nya guvbanye.” Myaga yago yi thaphelago mimela ni mimelana.

Dzindzimo 107:15

Rungudzani Pfhumu Nungungulu khu lihaladzo laye, khu mithumo nya gusamadzise a girelago vathu!

Dzindzimo 107:22

Mu ningeni miphaso nya dzimhamba nya gubonge, mu tivisa mithumo yaye khu gutsaka.

Dzindzimo 107:31

Rungudzani Pfhumu Nungungulu khu lihaladzo laye, khu mithumo nya gusamadzise a girelago vathu!

Dzindzimo 107:8

Rungudzani Pfhumu Nungungulu khu lihaladzo laye, khu mithumo nya gusamadzise a girelago vathu!

Dzindzimo 111:7

Mithumo nya mandza yaye khya gutumbega ni lisine, sileletelo saye satshavbo si tiyide.

Dzindzimo 121:1

Nya gu khusedza maho nyi wona sigomo, nya gu dzi wudzisa, kheni: Gi nata khu hayi giphaso?

Dzindzimo 123:1

Nyi ngu khusa maho yangu nyi khedza iyo gwago, Uwe u khalago ndzadzini.

Dzindzimo 145:13

Mufumo wago wu ngu simama kala gupindruga, Uwe u na fumela mimela ni mimelana yatshavbo, Pfhumu Nungungulu tumbegide gikhati gyatshavbo, a gu gira mithumo yaye yatshavbo khu lihaladzo.

Dzindzimo 146:10

Pfhumu Nungungulu a na fuma kala gupindruga; Nungungulu wago uwe Siyoni, a na fuma mimela yatshavbo kala gupindruga. Aleluya! A na dhumiswe Pfhumu Nungungulu!

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Dzindzimo 66:7

A gu fuma khu tshivba yaye kala gupindruga, gikhati gyatshavbo a gu khedzisela vathu va tigoni, gasi avo nyambana githawo va si dzi khusedzi.

Dzindzimo 7:17

Nyi na bonga Pfhumu Nungungulu khu gululama gwaye, nyi na embelela nyi rungudza lina la Pfhumu Nungungulu a guromo vbatshani ngudzu.

Dzindzimo 9:2

Nyi na tsaka nyi nengela khu uwe, nyi na dhumisa lina lago khu dzindzimo, uwe u khusegidego vbatshani ngudzu.

Dzindzimo 92:1

Gwadi gu gu bongwa Pfhumu Nungungulu ni gu rungudza lina lago khu dzindzimo, uwe u Khusegidego ngudzu,

Isaya 13:11

Nyi na tsayisa litigo khu kotani nya guvivbe gwaye, ni va nya guvivba khu kotani nya gughohe gwawe, nyi fuvisa matshandza ya avo va dzi khusedzago, nyi thela dzitshoni avo va dzi gugumugisago ni va nya dzihanyi.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 24:15

Khu guralo, dhumisani Pfhumu Nungungulu khu phuvbo ga Khugadambo, ni sidwani sa phwani, huwelelani lina la Pfhumu, Nungungulu wa Israyeli.

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Gililo 3:38

Makategwa ni dzimhango kha si dugi khu kanani ga wule a Khusegidego Ngudzu, gani?

Dhaniyeli 12:7

Mwama wule a nga bani na ambade dzingandzu nya seda na khade vbatshani nya mati nya tsongo, avbo a nga khusedzago mandza yaye ya nyamudye ni nyambade nyi di mupwa na gu sambanya khu wule a vbanyago kala gupindruga, khuye. “Si na dzega myaga miraru ni gipandre. Avbo va na gu vbedzago gu tshanisa ni gu mbembisa vathu nya guage, silo sesi satshavbo, si na tadzisega.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 4:2

Nyi di wona na si lulamide gu yeyedza siwonegiso ni siliwugiso Nungungulu a khusegidego ngudzu, a si giridego avbo gwangu.

Dhaniyeli 4:26

Sileletelo nya gudige tshina nya simbo ni mikhamba yaye, mufumo wago u na bweledzedwa khu hwane nya gu bani na wu gu dzitide nya gukhuwe uye a guromo vbatshani ngudzu, a ngu fuma.

Dhaniyeli 4:3

Idzo si gu sikhongolo khidzo siwoniso saye, nidzo si gu ni tshivba khidzo! Mufumo waye khwa gu kala gupindruga, gufuma gwaye gwa gu thaphela mimela ni mimelana.

Dhaniyeli 4:32

Uwe u na lundrwa vbakari nya vathu, u ya vbanya gumogo ni sirengo sa khabini, u na hodza mwasi nga sirengo sa khabini gipimo nya livbandre na sivili sikhati, kala u pima nya gukhuwe uye a Khusegidego ngudzu, a ngu fuma mifumo nya vathu ni gu wu dzega a ningela uye a mu golago.

Dhaniyeli 4:36

Khu gikhati gyogyo, ma di wuya mapimo yangu, nyi bwelo khavbo nyi mana wuzundzo, wugulu ni wudhumo nya mufumo wangu, nyita dzegwa khu dzindruna ni vathangeli vangu, nyi bweledzedwa mufumo wangu, nyi engedzedwa wudhumo guvbindra guhegulani.

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Dhaniyeli 5:21

A di duswa vbakari nya vathu, a ningwa monyo nya gufanane ni girengo, aya vbanya gumogo ni dziburu nya likhabi, a hodza mwasi nga dzimombe, a naganiswa givili gyaye khu hunguva ya damboni, kala a dziti nya gukhuye Nungungulu a Khusegidego ngudzu a na ni tshivba nya gufumele mifumo nya vathu ni gu emisa vbatshani gwawe uye a mu golago.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Dhaniyeli 7:27

Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Dhaniyeli 9:14

Khu guralo, Pfhumu Nungungulu kha kanakana gu hi resela libango leli avbo gwathu, kholu Pfhumu Nungungulu wathu lulamide ga satshavbo a girago; ambari khu guralo, ethu kha hi mu yingisi.

Jona 1:14

Avo va di lila ga Pfhumu Nungungulu, khavo: “Pfhumu Nungungulu, hi ngu gu lomba! U nga hi digi hifa khu gu dusa hefemulo wa mwama yoyu, hi nga thegedwi khu libango khu kotani nya gusonge muthu nyambana nandru, uwe Pfhumu Nungungulu u giride iso u nga bani u si vbweta.”

Mikeya 4:7

Avo va ndzodolago nyi na va gira mitshaledwa, ni avo va nga bani va phalalegisidwe va yiswa hwindzo, nyi na va gira litigo nya tshivba; Pfhumu Nungungulu a na fuma vbatshani gwawe gigomoni gya Siyoni, gukhugela olu kala gupindruga.

Luka 1:33

A na fuma ndranga ya Jakobe kala gupindruga; mufumo waye gima kha wu na nga vbela.”

Luka 18:13

Gasi muhengisi nya khupho, a di ema khu hwindzo, nyamba tiyela ni gu khusedza thamo, a di dzipwa nandru, a veta khana na gu khuye: ‘Nungungulu, nyi tsetselele, kholu nyi gighohi.’

Johane 5:26

Kha nga ulo Babe a vbanyago khu tshivba yaye, ningide Mwanaye guvbanya nuye khu tshivba yaye.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

1 Thimoti 1:17

Khu guralo, ga uye Pfhumu nya gupindruge, rungudzo ni gidhumo si na vegwe gwaye Nungungulu nyamba fa nyamba wonwa khu maho khu gupindruga ni gupindruga Amen.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

Gutuledwa 10:6

yi gu sambanya khu lina la wule a vbanyago kala gupindruga, a gu uye muvangi nya ndzadzi ni satshavbo si guromo umo; ni mafu ni satshavbo si guromo umo; ni yiphwa ni satshavbo si guromo umo, khiyo: “Gikhati gi vbede!

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 4:10

madhota yatshavbo nya magumavili na mana ma gu khidzima mbeli ga wule a khadego vbagikhalotunu nya wufumu, gasi gu khozela wule a vbanyago kala gupindruga, va gu tshula sihugu sawe nya wufumu va si vega mbeli nya gikhalo nya wufumu, na va gukhavo:

Gutuledwa 4:9

Gikhati sirengo sesi si dhumisago ni gu rungudza ni gu bonga wule a khadego vbagikhalotunu nya wufumu, a gu uye a vbanyago kala gupindruga,