Dhaniyeli 4:30 - Bhibhiliya Nya Guage

³⁰ mufumeli a di ganela, khuye: “Khandrilo eli lidhoropa nya likhongolo la Bhabhiloni nyi li vbahidego khu tshivba yangu gu khala tsindza nya gu dhumiswe wugulu wangu gani?”

Dhaniyeli 4:30 Iomraidhean Croise

Genesi 10:10

Phede khu gu fumela madhoropa yaya: Bhabheli, Ereki, Akade ni Kaline yatshavbo ya gipandrengulu gya Sinari.

Esiteri 1:4

Gasi guta va yeyedza dzithomba ni guzundzega nya mufumo waye, a va yeyedza gambe wumburi ni wugulu nya mufumo waye kala guvbela lizana ni livbandre na mararu magumi (180) matshigu.

Dzindzimo 104:1

Uwe hefemulo wangu, bonga Pfhumu Nungungulu! Pfhumu Nungungulu wangu, u khongolo ngudzu! U ambade gungangamela ni wugulu!

Dzindzimo 49:20

Muthu a tadego khu dzithomba aholu na si pimisi, a gu fanana ni sirengo sifago.

Dzindzimo 73:8

Va gu gola gu poyila ni gu ganelela sihonohono; va gu dzi gugumugisa va gira gikungo nya gutshanise.

Mavingu 11:2

Avbo gu guromo matshandza, dzomo gambe dzitshoni, aholu ga avo va dzi nogisago, gomo guti.

Mavingu 16:18

Matshandza ma gu rana libango, ni gu dzi khusedza gwa gu thangela lufu.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Isaya 13:19

Bhabhiloni, oyu a gu mburi ga mifumo yatshavbo, lidhoropa nya matshandza ya Vakalidhiya ni wuzundzo wawe, li na fanana ni Sodhoma ni Ghomora, ayo Nungungulu a nga ma mbembisago.

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Dhaniyeli 4:31

Avbo mufumeli a nga bani nasi vbedzi gu ganela, gu di pwala lito khu ndzadzini, khilo: Mufumeli Nabhukodhonosori, mufumo wago wu dusidwe.

Habhakuka 1:11

Avo va na vbindra va ya mbeli nga phuvbo, va va gandra, va rwega vathu milandru, kholu nungungulu wawe, khu tshivba yawe.

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

Luka 14:9

khu kharato, mune ndranga, a nata gu embela, khuye: ‘Nga leya avbovbo u ningela wulanga oyu.’ U na khuga khu vbale u na tade khu dzitshoni uya khala wulanga wa hwane.

1 Vakorinto 10:31

Khu kharato, gani mwa gu hodza, gani mwa gu sela, ni gevbini gimbe gilo mu girago, satshavbo girelani gu rungudza Nungungulu.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”

Gutuledwa 14:8

Yi di landrela yimbe ngilozi nya wuvili yi huwelela, khiyo: “Mbembide! Mbembide Bhabhiloni lidhoropa lile nya likhongolo! Uye a nga levisa mayigo yatshavbo khu vbinyu nya likhulo nya wubhemba waye.”

Gutuledwa 16:19

Lidhoropa nya likhongolo li di pandrega khu sipandre siraru, madhoropa ya va nya mayigo ma gu khungumuga. Nungungulu a di dundruga Bhabhiloni nya gukhongolo a gu sedza gikombe nya guvile khu vbinyu nya likhulo laye.

Gutuledwa 17:5

Vbagiwombotunu gwaye gu di lovidwe lina nya sihalo gupwani: “Bhabhiloni nya Khongolo, Melegi nya sibhayi ni Guvivba ga tigoni.”

Gutuledwa 18:10

Va na ema khu hwindzo khu gu thava gutshaniseka gwaye, khavo: “Libango! Libango lago uwe lidhoropa nya likhongolo la Bhabhiloni, lidhoropa nya gutale khu tshivba! Kholu u vbohedwe khu gikhati nya gutsayiswe gwago.”

Gutuledwa 18:21

Khavbo avbo, ngilozi nya tshivba yi di khusa giwindri nya gikhongolo nya nga gitshindro yi gi rinya nondrwani, khiyo: “Khidzo kharati li na mbembiswago khidzo lidhoropa nya likhongolo la Bhabhiloni; mwalo a na li wonago gambe.