Dhaniyeli 4:21 - Bhibhiliya Nya Guage

²¹ na wuri ni mahagane nya wumburi, ni mihandro nya yingi, na wuri ni guhodza nya gu enedze vathu vatshavbo, sirengo sa khabini si nga bani si zumba mutsani gwaye, sinyoni sa damboni si vbaha sihaga matamoni gwaye,

Dhaniyeli 4:21 Iomraidhean Croise

Dzindzimo 104:17

sinyoni sa ndzadzini sa gu gira umo sihaga sawe, va nya mangondrongondrwane va gu vbaha dzinyumba dzawe mindzirini.

Ezekiyeli 17:23

Nyi na li yala vbatshani nya gigomo nya gulaphe gya Israyeli. Li na thunga matamo, li ninga mihandro ni gu khala sedhari nya dandrangulu. Umo sinyoni nya singi nya mafumbo yatshavbo ya mafuni si na gu khalago mutsani gwaye, ni guvbaha sihaga sawe matamoni gwaye.

Ezekiyeli 31:6

Sinyoni satshavbo sa damboni si di vbaha sihaga sawe matamoni gwaye, sirengo satshavbo sa khabini si di gu velegela vbavbatshi nya matamo yaye, ni mayigo yatshavbo nya makhongolo ma di vbahide mutsani gwaye.

Dhaniyeli 2:38

Malangani yatshavbo a gu ningide vathu, sirengo sa khabini ni sinyoni sa damboni, a si ningede mandzani gwago, gasi satshavbo si fumwa khuwe, hungo nya ndralama khuwe.

Dhaniyeli 4:11

Simbo yoyu wu di dandra ngudzu wu mana tshivba, wu lapha kala damboni; wu wonwa tigoni gwatshavbo.

Dhaniyeli 4:20

Simbo u nga wu wonago, wu dandra wu mana tshivba, wu lapha kala damboni, wu nga wonwago tigoni gwatshavbo,

Dhaniyeli 4:22

simbo wowo, gu thudwa uwe mufumeli, u dandridego u khala muthu nya tshivba, wugulu wago wu vboha kala damboni, gufuma gwago gu nava kala mahegiso nya litigo.

Luka 13:19

Wu ngu fanana ni mbewu nya ginapi, yi nga dzegwago khu muthu a yala thembweni gwaye. Na yi dandride, yi ngu khala simbo, sinyoni sita vbaha sihaga sawe matamoni gwaye.”