Dhaniyeli 4:19 - Bhibhiliya Nya Guage

¹⁹ Khavbo avbo, Dhaniyeli, a nga bani na gu ranwa khu lina la Bhalitazari, a di huye kape gikhati nya gulaphe, na gu thava khu maalakanyoni gwaye. Khavbo avbo, mufumeli a di mu embela, khuye: “Bhalitazari, u nga thurugiswi khu kotani nya ndroro ni tshamuselo yaye.” Bhalitazari a di mu hakha, khuye: Mune wangu, ndroro yeyi yi na thonone avo va gu zondrago, ni tshamuselo waye wu na thonone valala vago!

Dhaniyeli 4:19 Iomraidhean Croise

Genesi 31:35

Rakeli a di embela babe waye, khuye: “U nga khunguvanyegi mune wangu khu gumba khuga, mbeli gwago, nya gu sindrwa gu khuga khu kotani nya migima yi talago gu wonwa khu vanyamayi.” Laboni a di simama a khedzisa aholu kha nga va mana vanungungulu nya dzinguluve dzaye.

Genesi 32:18

Uwe u na mu hakha, khuwe: “Eyi sagwati yi rumedwago khu githumi gyago Jakobe ga pfhumu yangu Esawu. Uye a nguta khu hwane gwathu.”

Genesi 40:12

Josefa a di mu hakha, khuye: “Upwa tshamuselo, khowu: Matamo mararu gu tshamusela matshigu mararu.

1 Dzipfhumu 18:7

Avbo Obhadhiya, a nga bani nari ndzilani, a di tshangana ni Eliya; na mutide, a di noga a thega khu khovbe yaye, a mu wudzisa, khuye: “Khuwe mune wangu Eliya, gani?”

Ekisodha 32:32

Ambari ulo, gira wuhindzi u va tsetsela gighoho gegi. Wa gumba dzina gu va tsetsela, dusa lina langu libhukuni u nga lovago.”

Jeremiya 29:7

Lidhoropa nyi mi yisidego umo kha nga dzikhumbi li suveleni makategwa, lombelelani khu ilo ga Pfhumu Nungungulu, kholu la gu katega, enu nenu mu na katega.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Dhaniyeli 1:7

Muthangeli nya sithumi sa mufumeli, a di va thangisa mambe malina, a gu aya: Dhaniyeli a mu riya lina la Bhalitazari, Hananiya, khuye khu Sadraki, Misayeli khuye khu Misaki, Azariya khuye khu Abhedhi-Negho

Dhaniyeli 2:26

Mufumeli a di wudzisa Dhaniyeli, a nga bani na gu ranwa gambe pwani khu Bhalitazari, khuye: “Ina uwe u nga dzi kodza gu nyi pwadzela ndroro nyi nga yi wonago ni gu nyi ninga tshamuselo waye, gani?”

Dhaniyeli 2:37

Uwe pfhumu, mufumeli nya khongolo guvbindra vafumeli vatshavbo, Nungungulu wa ndzadzini a gu ningide mufumo, gufuma, tshivba ni wugulu.

Dhaniyeli 4:24

owu khuwo tshamuselo wago uwe mufumeli, ni nayo wa oyu a Khusegidego ngudzu, wu na gutago avbo ga mufumeli mune wangu.

Dhaniyeli 5:12

Gu manegide ga mwama yoyu Dhaniyeli, mufumeli a nga mu thangisago lina la Bhalitazari, a diri ni liphuvbo nya gusamadzise, nya guti ni mapimo, a ninga tshamuselo nya dzindroro ni gu ninga phindrulo dzitekatekane, ni gu dusa gukanakana ga mahungu nya gulemele, avbo mufumeli a nga mu thangisago lina la Bhalitazari. Rumela gu ya ranwa Dhaniyeli, uye a nata gu ninga tshamuselo nya milowo.

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Dhaniyeli 5:19

Khu kotani nya wugulu a nga ningwago khu Nungungulu, vathu vatshavbo, mayigo ni mafumbu nya guhambanelane va di ndrendremela mbeli gwaye; a diri ni tshivba nya gusonge uye a mu golago, ni gu diga uye a mu golago. A di khusedza uye a mu golago ni gu vbwasamisa uye a mu golago.

Dhaniyeli 7:15

Eni Dhaniyeli, hefemulo wangu wu di vbela tshivba, kholu siwoniso sesi si di nyi thurugisa.

Dhaniyeli 7:28

Gi di vbela avba giwoniso gyangu. Eni Dhaniyeli, nyi di vbisega ngudzu mapimoni gwangu gu vbindrugedza ni khovbe yangu, aholu silo sesi, si di khala monyoni gwangu, nyamba embela muthu.

Dhaniyeli 8:27

Gasi eni Dhaniyeli, nyi di vbela tshivba nyi dwala matshigwana. Khu hwane nyi di khuga nyi wuya thumoni ga mufumeli. Nyi di samadziswa ngudzu khu giwoniso gegi; mwalo a nga kodza gu gi pima.

Habhakuka 3:10

Sigomo si di gu wona, si ndrendremela, mati ma di goga ma relela khu gigaha gu pwala lito laye guetani; a khusedza mavimbi yaye.

1 Samuweli 1:15

Aholu Ana a di hakha, khuye: “Ahihi mune wangu, eni nyi nyamayi nyi tshanisekago ngudzu hefemuloni; kha nya sela vbinyu mwendro wadwa nya guvave; aholu nyi dzude gasi guta phofumula wuvi wangu mbeli ga Pfhumu Nungungulu.

1 Samuweli 24:8

Khu hwane, Dhavhidhe a di duga khu phagoni a huwata Sawule, a mu rana, khuye: “Ama mufumeli, mune wangu!” Avbo Sawule a nga khedza hwane, Dhavhidhe a di noga a yeyedza githawo, a tsitsa khu khovbe mafuni.

1 Samuweli 26:15

Khavbo avbo, Dhavhidhe a di embela Abhineri, khuye: “Ina kamwe u mwama uwe? Khu mani a fananago nago omu tigoni ga Israyeli? Ina ka, khu ginani u ngamba wonelela mufumeli mune wago? Kholu, womo a dzudego wa vbakari nya vathu gasi guta songa mufumeli a gu mune wago.

1 Samuweli 3:17

Khu guralo, Eli a di mu wudzisa, khuye: “Ginani a nga gu embela Pfhumu Nungungulu?” U nga nyi siheli gilo. Pfhumu Nungungulu a na gu tsayise khu tshivba ni tshivba wa gu tshiya gilo nya gukari nya satshavbo esi Uye a gu embedego.