Dhaniyeli 4:17 - Bhibhiliya Nya Guage

¹⁷ Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Dhaniyeli 4:17 Iomraidhean Croise

1 Dzipfhumu 21:25

Aholu, mwalo ni moyo a nga girago kha nga Akabi, a nga dzi rengisago khu silo nya guvivbe si nyenyezidego mahoni ga Pfhumu Nungungulu; kholu a di kutsedzedwa khu mwangadzi waye, Jezabheli.

2 Dzikoronika 28:22

Ambari ulo a nga bani a gu vbanya gutshanisekani, Akazi a di simama gu ghohela Pfhumu Nungungulu.

Dzindzimo 103:19

Pfhumu Nungungulu tiyiside gikhalo nya wufumu Waye Ndzadzini, wufumu waye womo vbatshani nya silo satshavbo.

Dzindzimo 12:8

Vathu nya guvivbe va gu legalega maphuvbo yatshavbo, vatshavbo va gu ninga wuzundzo silo nya gunyenyeze.

Dzindzimo 9:16

Pfhumu Nungungulu a dzi yeyedzide, khu gulamula gwaye nya gululame; oyu nya guvivbe monyo, a di konwa khu malipha yaye.

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Isaya 6:3

Mweyo ni mweyo, yi di khusa lito yi ganela ga dzimbe, khiyo: “Agide, Agide, Agide Pfhumu Nungungulu nya Tshivba Yatshavbo, mafuni gwatshavbo gu tade khu wudhumo waye.”

Isaya 6:8

Khu hwane nya ugo, nyi dipwa lito la Pfhumu, li nga nyi embela, khilo: “Nyi na ruma mani, khu mani a na hongolago khu lina lathu?” Eni nyi di hakha, kheni: “Nyi womo avba. Nyi rume.”

Ezekiyeli 25:17

Nyi na thuma gwawe gu phodza nya gukhongolo, gambe nyi na va tsayisa khu likhulo langu. Khu guralo, gikhati nyi na phodzago gwawe, khavbo va na dzitigo gukhavo Eni kheni Pfhumu Nungungulu.”

Ezekiyeli 7:24

Nyi na rumela va nya mayigo nya dzihanyi ngudzu, gasi va ta wandra dzindranga dzawe; nyi na vbedza matshandza nya sitetema ni malangani yawe nya miphaso ma na nyenyeziswa.

Dhaniyeli 11:21

Khu hwane gwaye, a na emiswa mwama nya nyalidede, uye a nga bani nari mwalo fanelo nya gufume; uye a nata na va divade, ata dzega wufumu khu mano.

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Dhaniyeli 4:2

Nyi di wona na si lulamide gu yeyedza siwonegiso ni siliwugiso Nungungulu a khusegidego ngudzu, a si giridego avbo gwangu.

Dhaniyeli 4:25

Uwe u na lundrwa vbakari nya vathu, uya vbanya vbakari nya sirengo sa khabini, u hodza mwasi nga dzimombe, u wedwa khu hunguva ya ndzadzini. Gu na vbindra livbandre na sivili sikhati, kala u dziti nya gukhuwe uye a Khusegidego ngudzu, a ngu fuma vbakari nya mifumo nya vathu, ni gu dzega wufumu a ninga uye a mu golago.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

Varoma 13:1

Muthu ni muthu gu vbwetega a yingela vathangeli va vegidwego khu nayo, wu mwalo mufumo wu ngamba vegwa khu Nungungulu, kholu wufumu watshavbo wa guta khu ga Nungungulu.

1 Vakorinto 1:28

Nungungulu hathide silo nya nyalidede niso nyamba phasa gilo tigoni, gasi afela gu tshisa vbavbatshi iso si wonegago gukhwatshi si na ni lisima.

1 Thimoti 5:21

Nyi ngu gu lomba, mbeli ga Nungungulu ni Kristo Jesu ni dzingilozi nya guage, u gira wuhindzi u sayise sileletelo sesi, u si lamuli mahungu khu gupima gwago, ni gihathela.

Gutuledwa 4:8

Gimwegyo ni gimwegyo nya sirengo sesi gi na ni livbandre na limwedo mambapi nya gutale gwatshavbo khu maho, khu ndrani ni vbavbandze. Wutshigu ni mihani sa gu embelela nyamba garala, khiso: “U agide, U agide, U agide, Pfhumu Nungungulu nya Tshivba Yatshavbo, wule a nga bani ari uye, wule a gu uye, wule a na tago.”

1 Samuweli 2:8

A ngu khusa gisiwana umo nya kudzudzwane ni gu dusa wusiwanani muhamugi, gasi gu va khadzisa gumogo ni dzipfhumu; ni gu va ninga thomba nya gikhalo nya wudhumo; kholu siseketelo nya mafu khya Pfhumu Nungungulu, vbatshani nya iso, handzegide litigo.