Dhaniyeli 4:14 - Bhibhiliya Nya Guage

¹⁴ na yi gu laledza khu tshivba, khiyo: Sigulani simbo, wu pileni matamo, mu kutsunga mahagane yaye, mu phalalegisa mihandro yaye. Tutumisani sirengo si khadego vbavbatshi gwaye ni sinyoni si vbahidego matamoni gwaye.

Dhaniyeli 4:14 Iomraidhean Croise

Joba 24:20

Va na divadwa khu vamayi vawe, siwungu si va hodza na si tsakide; mwalo a na gu va alakanyago; vathu nya sighohi va na sigudwa khu tshinani kha nga simbo.

Jeremiya 27:5

Eni nyi giride khu tshivba nya libogo langu, nyi vanga litigo, vathu ni sirengo si wonegago tigoni, nyi ngu si ningela ga wule nyi mu golago.

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Jeremiya 51:9

Hi di zamide gu vbodzisa silondra sa Bhabhiloni, aholu hi tandregide. Olu mu digeni hi hongole, muthu ni muthu a na bwelele tigoni gwawe, kholu gulamudwa gwaye gu vbohide kala damboni, gulapha kala mapfhini.

Ezekiyeli 31:10

Khu guralo, Pfhumu Nungungulu a ngu ganela kharati, khuye: Kha nga olu uwo wu nga lapha ngudzu, dzitshokha nya matamo yaye dzi kuha mapfhi, wu tala khu matshandza khu kotani nya wukhongolo waye,

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Dhaniyeli 3:4

Khavbo avbo, mutivisi nya mahungu nya litigo a di khusa lito a laledza, khuye: “Enu vathu nya mafumbu yatshavbo, mayigo ni vathu mu ganelago malimi nya guhambanelane, nyi ngu mi embelani, kheni:

Dhaniyeli 4:12

Mahagane yaye ma di mburide, na wuri ni mihandro nya yingi, vathu vatshavbo va di mana umomo guhodza; sirengo nya likhabi si di zumba mutsani gwaye, ni sinyoni sa damboni si di vbaha umomo sihaga sawe, sivangwa satshavbo nya guvbanye si di hodziswa khuwo.

Dhaniyeli 4:23

Gasi esi uwe mufumeli, u wonidego muwoneleli, ngilozi nya guage yi nga relela khu ndzadzini, khiyo: Pilani simbo, mu wu mbembisa, aholu tshina ni mikhamba yaye, si digeni mafuni, mu yi hunga khu makhetshe nya simbi ni sugu, mwasini wa khabini, si naganiswa khu hunguva ya ndzadzini, a kavedwa gumogo ni sirengo sa khabini, kala guvbindra livbandre na sivili sikhati,

Dhaniyeli 4:29

Hwane nya likhumi na mivili migima, avbo mufumeli wa Bhabhiloni, a nga bani na gu gimbilagimbila vbatshani nya gitezi nya nyumba nya wufumu,

Dhaniyeli 5:20

Aholu avbo a nga phela gu dzi dandrisa, a di bangisa hungo waye wu tala khu matshandza, a di duswa vbagikhalotunu gwaye nya wufumu, a dzegedwa wudhumo waye.

Dhaniyeli 5:21

A di duswa vbakari nya vathu, a ningwa monyo nya gufanane ni girengo, aya vbanya gumogo ni dziburu nya likhabi, a hodza mwasi nga dzimombe, a naganiswa givili gyaye khu hunguva ya damboni, kala a dziti nya gukhuye Nungungulu a Khusegidego ngudzu a na ni tshivba nya gufumele mifumo nya vathu ni gu emisa vbatshani gwawe uye a mu golago.

Matewu 3:10

Ambari ulo, gibhewula gi vegidwe mikhambani nya simbo; simbo watshavbo wu si ningigo mihandro wu na kokwa, wu gu rinywa niloni.

Matewu 7:19

Simbo watshavbo wu si velegigo mihandro nya yadi wu ngu kokwa wu rinywa niloni.

Luka 3:9

Gibhewula gyomo tshinani nya misimbo. Khu kharato, simbo watshavbo wu si ningigo mihandro nya yadi wu na kokwa, wu rinywa niloni.”

Gutuledwa 10:3

yi di khusedza lito khu tshivba gu fanana ni nghala ya gu bani yi ngurangura. Gikhati yi khusedzidego lito, gu di pwala malito nya livbandre na mavili mabara.

Gutuledwa 18:2

Yi di huwata khu tshivba khu lito nya gukhugege, khiyo: “Thegide! Thegide Bhabhiloni nya khongolo, gu vbindrugedzide gu khala wulanga nya madhimoni, phago nya maphuvbo yatshavbo nya guvivbe, ni wuthavelo nya sinyoni satshavbo nya gunyenyeze, si vengegago.