Dhaniyeli 4:13 - Bhibhiliya Nya Guage

¹³ Umo nya siwoniso sangu na nyi lade dawuni gwangu, nyi di wona moyo nya muwoneleli, ngilozi, nya guage na yi relela khu ndzadzini,

Dhaniyeli 4:13 Iomraidhean Croise

Joba 12:24

Khuye a dusago mapimo ga vafumeli va mafuni, a va dzimedza va legalega giwulani nyambana ndzila.

Dzindzimo 103:20

Bongani Pfhumu Nungungulu enu dzingilozi dzaye, enu mu gu na ni tshivba mu landrisago milayo yaye ni gu yingisa magana yaye.

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Dhaniyeli 4:10

Siwoniso nyi nga si wonago na nyi lade dawuni gwangu khesi: Nyi di wona mbeli gwangu simbo nya gulaphe ngudzu nari vbakari nya mafu.

Dhaniyeli 4:17

Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Dhaniyeli 4:23

Gasi esi uwe mufumeli, u wonidego muwoneleli, ngilozi nya guage yi nga relela khu ndzadzini, khiyo: Pilani simbo, mu wu mbembisa, aholu tshina ni mikhamba yaye, si digeni mafuni, mu yi hunga khu makhetshe nya simbi ni sugu, mwasini wa khabini, si naganiswa khu hunguva ya ndzadzini, a kavedwa gumogo ni sirengo sa khabini, kala guvbindra livbandre na sivili sikhati,

Dhaniyeli 4:5

Na nyiri ligovbeni, nyi lora ndroro yi nga nyi thavisago, hungo wangu wu di hambanega mapimo khu kotani nya siwoniso nyi nga si wonago.

Dhaniyeli 7:1

Khu mwaga nya guhegule nya gufume ga Bhalitazari, mufumeli wa Bhabhiloni, Dhaniyeli a di lora nari ligovbeni, a wona giwoniso. Uye a di dzegela gu lova ndroro yoyo, bwelo khavbo a sasamedzela dzindrima dzakone.

Dhaniyeli 7:17

Sirengo sesi nya sina, khu vafumeli vana va na dugago omu mafuni.

Dhaniyeli 7:23

Khu guralo, a di nyi ninga tshamuselo yoyu, khuye: Girengo nya wu na, khu mufumo nya wu na wa mafuni, wu na gu hambanago ni mifumo yatshavbo. Wu na sasela mayigo yatshavbo, wu ma gandredzela khu migondro wu ma phwatisela.

Dhaniyeli 8:13

Khu hwane, nyi dipwa gihathwa gi nga bani gi ganela; gimbe gihathwa gi di embela gile gi nga bani gi ganela, khigyo: “Silo sesi nyi si wonago khu giwoniso, si na simama kala lini si ganelago khu phaso nya litshigu ni litshigu, khu gughoha, si nga pfhungumudzisago nyumba nya miphaso, ni sivangwa si ningedwago si gandredzedwa khu migondro nya kheho, na?”

Zakariya 14:5

Enu mu na tutuma mu thava khu releloni vbakari nya sigomo sangu, kholu kova wu na relela kala Azeli, mu na thavani kharati kha nga idzo mu tutumidego khidzo gikhati nya girevareva gi manegidego matshiguni ya Uziya, mufumeli wa Judha; khavbo avbo, a na vboha Pfhumu Nungungulu wangu na randredwe khu sihathwa satshavbo.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Marko 1:24

“Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Luka 4:34

“Ginani hi nga gu ghohela, Jesu wa Nazareta? Wa gu tela guta hi mbembisa, gani? Eni nyi ngu guti gwadi gukheni: Khuwe Gihathwa gya Nungungulu.”

Dhewuteronome 33:2

Khu guralo, a di ganela, khuye: Pfhumu Nungungulu dzude khu Sinayi, a dzi wonegiside gwawe khu Seyiri, a ngangamela gukhugela gigomoni ga Parani; a dita ni gidzemo nya likhumi magumi mazana (10.000) va nya guaga, khu nyamudye gwaye, wu di romo nilo nya Nayo wu lumbago avo.

Judha 1:14

Khu kotani yawe, Enoki nuye, gitugulwana nya livbandre na sivili ga Adhamu, profetide khu kotani yawe, khuye: “Wonani, Pfhumu a nguta gumogo ni mabutho nya mazanazana nya sihathwa saye, gasi,

Gutuledwa 14:10

uye a na sela gambe vbinyu nyamba futungedzwa nya likhulo la Nungungulu, li guhudwago ni tshivba yaye yatshavbo gikombeni nya gulamule. Gambe a na dayiswa khu nilo ni sufula mbeli nya dzingilozi nya gukatege ni Nvutana.