Dhaniyeli 4:12 - Bhibhiliya Nya Guage

¹² Mahagane yaye ma di mburide, na wuri ni mihandro nya yingi, vathu vatshavbo va di mana umomo guhodza; sirengo nya likhabi si di zumba mutsani gwaye, ni sinyoni sa damboni si di vbaha umomo sihaga sawe, sivangwa satshavbo nya guvbanye si di hodziswa khuwo.

Dhaniyeli 4:12 Iomraidhean Croise

Joba 12:24

Khuye a dusago mapimo ga vafumeli va mafuni, a va dzimedza va legalega giwulani nyambana ndzila.

Joba 14:7

Gyomo gitumbo ga simbo, kholu, ambari wa gu pidwa matamo yaye, wu ngu simama wu thunga, a manega ni mahagane nya gunyuge.

Joba 14:9

simbo wowu wa gupwa mati, wu na wuga wu thunga matamo kha nga simbo nya wuphya.

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

Ezekiyeli 17:23

Nyi na li yala vbatshani nya gigomo nya gulaphe gya Israyeli. Li na thunga matamo, li ninga mihandro ni gu khala sedhari nya dandrangulu. Umo sinyoni nya singi nya mafumbo yatshavbo ya mafuni si na gu khalago mutsani gwaye, ni guvbaha sihaga sawe matamoni gwaye.

Ezekiyeli 31:17

Vatshavbo va nga bani va vbanyela mutsani gwaye, ni avo a nga bani na gupwanana navo vbakari nya mayigo, a diya dzingwa gumogo navo a patana ni avo va nga songwago khu matshari.

Dhaniyeli 4:14

na yi gu laledza khu tshivba, khiyo: Sigulani simbo, wu pileni matamo, mu kutsunga mahagane yaye, mu phalalegisa mihandro yaye. Tutumisani sirengo si khadego vbavbatshi gwaye ni sinyoni si vbahidego matamoni gwaye.

Matewu 13:32

Iyo yi dugwana guvbindra dzimbewu dzatshavbo, aholu, na yi dandride, yi ngu vbindra mitongwe yatshavbo ya thembweni, yi gu khala simbo nya khongolo, wu thela matamo, sinyoni sa damboni si tago sita vbahela umo sihaga sawe.”

Marko 13:32

Gasi gikhati ni litshigu, mwalo a dzitigo, ambari dzingilozi dza Ndzadzini, ambari Mwamana, sa gu tidwa khu Babe basi.

Marko 4:32

Aholu, na yi yadwe, yi ngu buga yi gu dandra guvbindra mitongwe yatshavbo, yi gu thela matamo nya makhongolo, ma girago mutsa, sinyoni sa Ndzadzini si dzi kodza guta girela umo sihaga sawe.”

Luka 13:19

Wu ngu fanana ni mbewu nya ginapi, yi nga dzegwago khu muthu a yala thembweni gwaye. Na yi dandride, yi ngu khala simbo, sinyoni sita vbaha sihaga sawe matamoni gwaye.”