Dhaniyeli 3:29 - Bhibhiliya Nya Guage

²⁹ Khu guralo, eni nyi leletede gukheni muthu watshavbo wa levbini litigo, lifumbu ni lidimi a na ganelago guvivba khu Nungungulu wa Sadraki, Misaki ni Abhedhi-Negho, a na vbadzuledwe ni dzinyumba dzawe dzi na khale matala nya marumbi, kholu mwalo mumbe nungungulu a kodzago gu vbanyisa kha nga oyu.”

Dhaniyeli 3:29 Iomraidhean Croise

2 Dzipfhumu 10:27

Va pandrelela gambe gifananiso gya Bhahali, va khungumulela ni nyumba ya Bhahali, va yi gira hanyumba kala na muhuno.

Ezira 6:11

Eni nyi ngu leletela gambe gukheni: Muthu watshavbo wule a na ndragago sileletelo sesi, wu na sigudwa simbo wa nyumbani gwaye wu ta tsitswa gasi a vbahedwe avbovbo ni ndranga yaye yi na vbindrugedzwa yi khala litala.

Dzindzimo 3:8

Guvbanyiswa gwa guta khu ga Pfhumu Nungungulu, u tshisa makategwa ga vathu vago.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Dhaniyeli 1:19

Mufumeli a diya bhula navo, aholu li mwalo lidzaha li nga bani li tsakisa gu fanana ni Dhaniyeli, Hananiya, Misayeli ni Azariya; khu guralo, va di hathwa gu thumela nyumbani ga mufumeli.

Dhaniyeli 1:7

Muthangeli nya sithumi sa mufumeli, a di va thangisa mambe malina, a gu aya: Dhaniyeli a mu riya lina la Bhalitazari, Hananiya, khuye khu Sadraki, Misayeli khuye khu Misaki, Azariya khuye khu Abhedhi-Negho

Dhaniyeli 2:17

Dhaniyeli a di wuya gaya, ata embeledzela mahungu yaya dzipari dzaye Hananiya, Misayeli ni Azariya,

Dhaniyeli 2:47

Mufumeli a di embela Dhaniyeli, khuye: “Kha nyi kanakani nyi ngu tiyisa gukheni Nungungulu wanu, Nungungulu nya vanungungulu, ni Pfhumu nya vafumeli, khuye a tugulago iso si sihadego, kholu u kodzide gu nyi tshamusela sihalo yoyu.”

Dhaniyeli 2:49

Dhaniyeli a di lomba ga mufumeli gu a emisa Sadraki, Misaki ni Abhedhi-Negho, gu khala dzindruna nya gipandrengulu gya Bhabhiloni, gasi Dhaniyeli a di tshala umo nya huwo ya mufumeli.

Dhaniyeli 2:5

Mufumeli a di ninga phindrulo Vakalidhiya, khuye: “Nyi fungide gukheni mwa gumba nyi ningani tshamuselo nya ndroro yeyi, mwatshavbo mu na vbadzuledwa mu tshala khu sipandre, dzinyumba dzanu dzi khala matala.

Dhaniyeli 3:12

Vomo Vajudha nya gukari avo u nga va emisago gu khala dzindruna nya gipandrengulu gya Bhabhiloni, a gu Sadraki, Misaki ni Abhedhi-Negho, vama vava, kha va khathali khuwe mufumeli, ni gu khozela vanungungulu vago, ambari gifananiso nya ndralama, u gi emisidego, kha va gi khozela.”

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 3:17

Sa gu girega kharato, Nungungulu wathu hi mu khozelago, khuye a yelago gu hi vbulugisa mandzani gwago uwe mufumeli, ni gu hi dusa khu niloni gidhingiseloni nya gudzure.

Dhaniyeli 3:28

Nabhukodhonosori a di ganela, khuye: “A na dhumiswe Nungungulu wa Sadraki, Misaki ni Abhedhi-Negho, a rumedego ngilozi yaye yita vbanyisa sithumi saye, si mu tumbidego, kholu kha va dzumela gu landrisa magana ya mufumeli, si hatha gu ningela sivili sawe, guvbindra gu khozela mumbe nungungulu, vbavbandze ga Nungungulu wawe.”

Dhaniyeli 6:28

Khu guralo, Dhaniyeli a di pwala gidhumo gikhatini nya gufume ga Dhariyo ni Kiro Muperesi.

Dhewuteronome 32:31

Kholu muvhikeli wawe, kha fanani ni Muvhikeli wathu, ni valala vathu, dzifakazi nya isoso.