Dhaniyeli 3:25 - Bhibhiliya Nya Guage

²⁵ Uye a di hakha, khuye: “Eni nya gu wona vama vana nyamba hungwa va gimbila gimbilago vbakari nya nilo nyambavbya, giyemo gya uye nya wu na gya gu fanana ni mwamana wa vanungungulu.”

Dhaniyeli 3:25 Iomraidhean Croise

Joba 1:6

Tshigu mwedo sanana sa Nungungulu si ngaya dzi wonegisa mbeli ga Pfhumu, Sathane nuye a diri navo.

Joba 38:7

avbo dzithandra nya gugye dzi nga embelelago gumogo, ni sanana sa Nungungulu si nga bani si gu womba mikulungwane.

Joba 5:19

Ambari wa gu dugeledwa khu livbandre na mweyo dzimhango, uye a na gu vbulugisa, guvivba ga iyo nya livbandre na dzimbili, kha gu na nga gutshanisa.

Dzindzimo 34:7

Ngilozi ya Pfhumu Nungungulu ya gu vhikela vale va mu ningago githawo yi va vbanyisa.

Mavingu 30:4

Khu mani a gwedego ndzadzini bwelo khavbo a wuya? Khu mani a kodzago gufumbaredza phuvbo khu mandza yaye? Khu mani a fumbelago mati mwendrani gwaye? Khu mani a emisidego dzikhona nya mahegiso nya litigo? Khuye mani lina laye, ni lina la mwanaye, mwendro sago u ngu liti?

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Jeremiya 1:19

“Va na dwana nago, aholu kha va na gu pala; kholu eni nyi na bani nyiri nago gasi gu gu vbulugisa; a ngu ganela Pfhumu Nungungulu.”

Jeremiya 1:8

U nga va thavi, kholu eni nyi nago gasi gu gu vbulugisa, a ngu ganela Pfhumu Nungungulu.

Jeremiya 15:21

Nyi gu vbulugisa mandzani ga va nya guvivbedwa khu monyo, ni gu gu vbulugisa mandzani ga va nya tshivba.”

Dhaniyeli 3:18

Ambari a gumba hi vbulugisa, dziti gwadi uwe mufumeli, gukhuwe ethu gima kha hi na nga khozela vanungungulu vago, ambari gu khozela gifananiso nya ndralama u gi emisidego.”

Dhaniyeli 3:24

Khavbo avbo, Mufumeli Nabhukodhonosori a di samala a dzegela gu khuga a ema, a embela dzindruna dzaye, khuye: “Gasi khandri vama vararu hi nga va rinyago niloni, gani?” Avo va di embela mufumeli, va hakha, khavo: “Ina Mufumeli, lisine u ganelago!”

Dhaniyeli 3:28

Nabhukodhonosori a di ganela, khuye: “A na dhumiswe Nungungulu wa Sadraki, Misaki ni Abhedhi-Negho, a rumedego ngilozi yaye yita vbanyisa sithumi saye, si mu tumbidego, kholu kha va dzumela gu landrisa magana ya mufumeli, si hatha gu ningela sivili sawe, guvbindra gu khozela mumbe nungungulu, vbavbandze ga Nungungulu wawe.”

Dhaniyeli 6:23

Mufumeli a di tsaka ngudzu a ruma gukhuye va dusa Dhaniyeli khu phalani. Hwane nya gu bani va mu duside khu phalani, va di wona nya gukhavo uye ne mbanga mweyo nya gubayiswe a diri mwalo nayo, kholu uye a di gu tumba Nungungulu waye.

Marko 16:18

va na mola dzinyoga khu mandza; ambari va sela rendre nya gusonge, kha wu na va gira gilo; va na handzega mandza va nya gudwala, va gu va vbanyisa.”

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Mithumo 28:5

Pawulo a di mitedza nyoga yi thegela niloni, nyamba dugedwa khu mhango.

Varoma 1:4

Khu tshivba nya Liphuvbo nya Guage, Jesu Kristo Pfhumu yathu wonegisidwe gupwani Mwamana wa Nungungulu nya Tshivba Yatshavbo, khu guwuga gwaye khu ga vafudego

1 Pedro 3:13

Enu, mwa gu vbweta gu gira esi nya sadi, khu mani a na mi girelago guvivba?