Dhaniyeli 3:24 - Bhibhiliya Nya Guage

²⁴ Khavbo avbo, Mufumeli Nabhukodhonosori a di samala a dzegela gu khuga a ema, a embela dzindruna dzaye, khuye: “Gasi khandri vama vararu hi nga va rinyago niloni, gani?” Avo va di embela mufumeli, va hakha, khavo: “Ina Mufumeli, lisine u ganelago!”

Dhaniyeli 3:24 Iomraidhean Croise

2 Dzikoronika 22:4

A di gira mithumo nya guvivbe mbeli ga Pfhumu Nungungulu, kha nga vathu va nyumbani ga Akazi, kholu avo khavo va nga bani vari vasingalagadzi yaye hwane nya gufe ni gumbemba ga babe waye.

Dhaniyeli 3:17

Sa gu girega kharato, Nungungulu wathu hi mu khozelago, khuye a yelago gu hi vbulugisa mandzani gwago uwe mufumeli, ni gu hi dusa khu niloni gidhingiseloni nya gudzure.

Dhaniyeli 3:23

Vama vava va vararu, Sadraki, Misaki ni Abhedhi-Negho, va di thega gidhingiseloni nya nilo nya gudzure na va hungidwe.

Dhaniyeli 3:25

Uye a di hakha, khuye: “Eni nya gu wona vama vana nyamba hungwa va gimbila gimbilago vbakari nya nilo nyambavbya, giyemo gya uye nya wu na gya gu fanana ni mwamana wa vanungungulu.”

Dhaniyeli 4:22

simbo wowo, gu thudwa uwe mufumeli, u dandridego u khala muthu nya tshivba, wugulu wago wu vboha kala damboni, gufuma gwago gu nava kala mahegiso nya litigo.

Dhaniyeli 4:27

Khu guralo, uwe mufumeli, dzumela gulaya gwangu, u diga sighoho ni guvivba gwago u gira gululama, u pwela wuhindzi sisiwana, a gu dzina saye matshigu yago nya gu tsake ma na simama.

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Dhaniyeli 5:6

Khavbo avbo, mufumeli a di vbindrugedza khovbe a thuruga khu hwanga, a hambanega mapimo, dzinyonga dzaye dzi tsekatseka, ni mazolo yaye ma ghumana.

Dhaniyeli 6:22

Nungungulu wangu rumede ngilozi yaye yita sega likana nya dzinghala. Idzo kha dza nyi gira gilo, kholu nyi wonidwe na nyiri mwalo nandru mbeli ga Nungungulu. Ambari avbo gwago gimwalo nyi ghohidego.”

Dhaniyeli 6:7

Hatshavbo ethu vawoneleli nya litigo lago ni dzindruna dzatshavbo, vathangeli, dzindruna nya nyimbi ni vamwamangulu, hi pwananide nya gukhethu uwe mufumeli, dusa khwepa nya nayo wu na gu thumago ndrani nya magumararu matshigu, nya gu ni wevbini muthu a na gu girago gilombo ga mumbe nungungulu ni mumbe muthu, vbavbandze gwago uwe mufumeli, a na dzegwe a rinywa phalani nya dzinghala.

Mithumo 12:13

Na khokhothile lidimba la nyangwatunu, gi di hongola githumi nya gyagadzyana nya gupwani khu Rodhe, gu yati khu mani.

Mithumo 26:13

Nyi diri vbakari nya ndzila, amanawe mufumeli, ni vbakari nya mihani, gikhati khigyo nya midiya, nyi di wona gu wenengedza nya gukhongolo, nya gute khu Ndzadzini, nya gungangamele guvbindra lidambo, nyi fenengedzwa khu safa eni ni avo nyi nga bani nyi gu endra navo.

Mithumo 26:27

Mufumeli Agiripa, u ngu khodwa ga vaprofeti, gani? Eni nyi ngu dziti gukheni u ngu khodwa.”

Mithumo 9:6

ambari ulo khuga u bele dhoropani, va na gu embela esi u fanedego gu gira.”

1 Samuweli 17:55

Avbo Sawule a nga wonago Dhavhidhe na duga gu yela Mufilisitiya, a di wudzisa Abhineri, muthangeli nya nyimbi, khuye: “Abhineri, gasi mwamana wule lidzaha la mani.” Abhineri a di mu hakha, khuye: “Nyi ngu sambanya khu lisine kha nga u vbanyago uwe pfhumu, gukheni, kha nyi muti.”