Dhaniyeli 2:9 - Bhibhiliya Nya Guage

⁹ Ni gukheni mwa gumba kodza gu nyi ninga tshamuselo mwatshavbo tsayiso wanu moyo basi! Kholu mu lugide makungo nya malipha gasi guta nyi kanganyisa khayo kala gikhati gi vbindra. Gasi olu, nyi embeleni ndroro gasi nyi kodze gu wona gukheni mu ngu kodza gu nyi ningani tshamuselo.”

Dhaniyeli 2:9 Iomraidhean Croise

1 Dzipfhumu 22:22

Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

Esiteri 4:11

“Sithumi satshavbo sa mufumeli ni vathu vatshavbo va phalalegidego khu sipandrengulu satshavbo nya mufumo, ni wevbini muthu nya mwama mwendro nyamayi, a ngu dziti gwadi gukhuye uye a belago ndrani nya nyumba nya wufumu gasi guya wonana ni mufumeli, nyamba ranwa, nayo moyo basi wu emisidwego; fanede gu songwa, vbavbandze gwa gu mufumeli a gu khusedza ndronga yaye nya ndralama a mu dzumedzisa gukhuye a na vbanye; aholu gu ngu ninga magumararu matshigu mufumeli na si gu nyi rani.

Mavingu 12:19

Magana nya lisine ma gu simama kala gupindruga, aholu lidimi li ganelago malipha, kha li vbohi hwindzo.

Isaya 41:23

Hi embeleni ginani gi na gu giregago mindru ga litshigu, gasi hi kodze gu dziti gukhethu khenu vanungungulu; girani gilo nya gyadi mwendro nya guvivbe, gasi hatshavbo hi si wone, hi liwuga.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Ezekiyeli 13:17

Gasi olu, uwe mwamana wa muthu, thendregedza u khedza vanyamahegyane va vathu vago va profetago iso va si pimisago khu myonyoni gwawe. Profeta gwawe, u va embela, khuwe:

Ezekiyeli 13:19

Enu mu nyi ghohede vbakari ga vathu vangu, mu girela gu mana dzitshotanyana nya sivbila ni sipandryana nya gibaba, gasi gu songani mihefemulo yi ngamba yela gu songwa, mu vegedza mihefemulo yi gu mwalo fanelo nya guvbanye, mu liphela kharati vathu vangu va yingisa malipha yanu.”

Ezekiyeli 13:6

Siwoniso sawe kha si phasi gilo, ni nyatumbatumbane wawe khwa malipha, avo va ganelago, khavo: Pfhumu Nungungulu ganede; narigu kha va rumedwa khu Pfhumu Nungungulu; khu guralo, va gu lindrela gukhavo magana yawe ma girege.

Dhaniyeli 2:16

Khavbo avbo, Dhaniyeli a di hongola ga mufumeli, aya mu lomba gukhuye a mu ninge gikhati nya gu mu tshamusele ndroro yaye.

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Dhaniyeli 2:8

Mufumeli a di va hakha, khuye: “Nyi ngu dziti gwadi gukheni enu mwa gu vbweta gu ndrindra gikhati, kholu mu ngu dziti gukhenu eni nyi fungide gu mi tsayisa mwa gumba nyi ninga tshamuselo nya ndroro yeyi.

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 5:28

PERESI: Gu tshamusela gupwani: Mufumo wago, wu na kabaniswa khu vbakari wu ningedwa Vamedhi ni Vaperesi.

Dhaniyeli 5:31

Wulangani nya mufumo waye, Dhariyo nya lifumbu nya Vamedhi, a dita khala uye mufumeli nya litigo nari ni tanga nya livbandre na limwedo magumi ni myaga mivili.

Dhaniyeli 7:25

Mufumo wowu, wu nata ganela malito nya guwugele oyu a Khusegidego ngudzu, wu tshanisa sihathwa saye, wu na zama gu vbindrugedza milayo ni matshigu; sihathwa saye si na ningedwa mandzani gwaye khu gikhati nya guningane myaga miraru ni gipandre.

2 Vakorinto 2:17

Khu guralo ethu kha hi giri nga vambe va nya gutala va girago wugwewo khu mahungu ya Nungungulu. Aholu, nga sithumi sa Nungungulu, ha gu tshumayela khu Kristo, myonyo yathu na yi agide mahoni gwa Nungungulu.