Dhaniyeli 2:44 - Bhibhiliya Nya Guage

⁴⁴ Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 2:44 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

2 Samuweli 7:13

Uye a na vbaha nyumba yi na gu lumbago lina langu, Eni nyi na tiyisa gikhalo nya wufumu waye kala gupindruga.

2 Samuweli 7:16

Ndranga ni mufumo wago, si na simama kala gupindruga mbeli gwangu. Ni gikhalo nya wufumu wago gi na simama kala gupindruga.”

Dzindzimo 145:13

Mufumo wago wu ngu simama kala gupindruga, Uwe u na fumela mimela ni mimelana yatshavbo, Pfhumu Nungungulu tumbegide gikhati gyatshavbo, a gu gira mithumo yaye yatshavbo khu lihaladzo.

Isaya 60:12

Kholu litigo ni mufumo va na gumba gu thumela, va nafa; mayigo yoyo ma na pfhungumudwa hayo bhi.

Ezekiyeli 37:25

Va na vbanya tigoni nyi ningidego githumi gyangu Jakobe, umo va vbanyidego umo vababe vanu. Va na vbanya umo, avo ni sanana sawe, gumogo ni situgulwana sawe, kala gupindruga; Dhavhidhe, githumi gyangu, a na khala uye mufumeli wawe kala gupindruga.

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Dhaniyeli 2:34

Avbo u nga bani u gi wona, gu di thindriliga giwindri khu gigomoni nyamba rinywa khu muthu gi ta veta migondro nya gifananiso gi khungumuga.

Dhaniyeli 2:35

Khavbo avbo, simbi, libumba, sugu, parata ni ndralama si di khungumuledwa, si gira nga mungu nya tirigu nya guvbudwe vbamarongatunu, si di vbuvbiswa khu phuvbo si mwalalega. Aholu giwindri gi nga pandra gifananiso gi di vbindrugedza gi khala gigomo nya gikhongolo gi fenengedza litigo latshavbo.

Dhaniyeli 2:37

Uwe pfhumu, mufumeli nya khongolo guvbindra vafumeli vatshavbo, Nungungulu wa ndzadzini a gu ningide mufumo, gufuma, tshivba ni wugulu.

Dhaniyeli 2:43

Kha nga u wonidego gukhuwe, simbi yi di patedzedwe ni libumba, va na patedzelana khu gu dzegana ni mambe mafumbu, aholu kha va na tshangana gwadi khu gu vbelela, kholu simbi ni libumba kha si pfangani.

Dhaniyeli 4:3

Idzo si gu sikhongolo khidzo siwoniso saye, nidzo si gu ni tshivba khidzo! Mufumo waye khwa gu kala gupindruga, gufuma gwaye gwa gu thaphela mimela ni mimelana.

Dhaniyeli 4:34

Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Dhaniyeli 6:27

Uye ngu vbulugisa ni gu vbanyisa; a ngu gira siwoniso ni siliwugiso ndzadzini ni mafuni. Uye a vbulugiside Dhaniyeli tshivbani nya dzinghala.

Dhaniyeli 7:27

Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Dhaniyeli 8:25

Khu kotani nya wugengeli ni mano yaye, a na dugelela ngudzu, monyoni gwaye gu na tala khu matshandza, a na mbembisa nya vangi va mu tumbago, bwelo khavbo a wugela ni Pfhumu nya dzipfhumu. Ambari khu kharato, a na mbembiswa, aholu nasiri khu mandza nya vathu.

Mikeya 4:7

Avo va ndzodolago nyi na va gira mitshaledwa, ni avo va nga bani va phalalegisidwe va yiswa hwindzo, nyi na va gira litigo nya tshivba; Pfhumu Nungungulu a na fuma vbatshani gwawe gigomoni gya Siyoni, gukhugela olu kala gupindruga.

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Agewu 2:7

Nyi na tsekatsekisa mayigo yatshavbo, gasi ma rese eno dzithomba dzawe dzatshavbo; nyi na tadza nyumba yeyi khu wudhumo; a ngu ganela Pfhumu Nungungulu nya Tshivba Yatshavbo.

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Johane 12:34

Gidzemo gi di mu hakha, khigyo: “Nayo wu ngu hi hevbudza nya gukhuwo Kristo a na vbanya kala gupindruga. Khu ginani u gukhuwe Mwamana wa Muthu a na ni fanelo nya gu khusedzwe? Khu mani Mwamana yoyo wa Muthu?”

Vahebheru 12:28

Khu guralo, hongoleni hi bonge, kholu, hi hakhide Mufumo wa ndzadzini, owu wu si kodzigo gu kutsungwa. Hongoleni hi bonge, hi khozela Nungungulu khu magirelo nya gu mu tsakise ni githawo.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 2:27

A na ma fuma khu ndronga nya dzisimbi, a na ma pandrelela kha nga edzi gu pandredwago khidzo dzikhali nya libumba.