Dhaniyeli 12:3 - Bhibhiliya Nya Guage

³ Va nya gugengela, va na ngangamela gu fanana ni damboni, ni avo va ndrindrelago nya vangi guya gululamani, va na fanana ni dzinyeledzi kala gupindruga.

Dhaniyeli 12:3 Iomraidhean Croise

Ekisodha 34:35

Khu guralo, sanana sa Israyeli si di wona gukhiso khovbe ya Mosi yi ngu ngangamela, aholu Mosi a di fenengela gambe khovbeni khu mwendra, kala a gu ya bela gambe, gasi gu ganela ni Nungungulu.

Mavingu 11:30

Handro wa muthu nya gululame, simbo wu ningago womi, muthu a dwanelago mihefemulo, muthu nya guti.

Mavingu 3:35

Wuzundzo thomba ya va nya guti, aholu sipumbu si na hakha tshatshazelo nya dzitshoni.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Muhevbudzi 12:9

Muhevbudzi vbatshani nya gu bani ari muthu nya guti, a di hevbudza vathu wugengeli. A di hevbula gwadi, a tugula ni gu sasamedza mavingu nya mangi.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Jeremiya 23:22

Aholu nari pwani va di landrisa gugola gwangu, na va tiviside vathu magana yangu, gasi va vbindrugedze mavbanyelo yawe nya guvivbe va wuya ndzilani nya gululame.

Dhaniyeli 11:33

Vbakari gwawe, vale vatigo, va na hevbudza nya vangi, aholu khu gikhati nya gukari, va na sasedwa khu matshari ni nilo, va yiswa wugumbitunu, ni gu wandredwa silo sawe.

Dhaniyeli 11:35

Aholu vambe va nya guti, va na songwa gasi gu lingwa, ni gu agiswa kala gikhati nya mahegiso, kholu guhegisa gu na vboha khu gikhati gi emisidwego.

Dhaniyeli 12:10

Va nya gutala va na handzwa va aga ni gu lingwa, aholu va nya guvivbedwa khu myonyo va na gira silo nya guvivbe, mwalo nya avo a na gu si pimago, aholu va nya guti, va na si pima.

Matewu 13:43

Gasi va nya ndruda va na ngangamela kha nga lidambo, mufumoni wa Babe wawe. Uye a gu ni dzindzeve a na yingise.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Matewu 24:45

“Khu gevbini githumi nya guthembege, nya gugengele, gile gi na gu vegwago mbeli nya sithumi sikwawe khu pfhumu, gasi gu si ninga guhodza khu gikhati gi vbwetegago?

Johane 4:36

Muvbweri phede gu hakha, gambe a ngu havela mihandro nya guvbanye gu si vbeligo, gasi muyali a tsaka gumogo ni muvbweri.

Johane 5:35

Johane a diri mwenge wu nga bani wu gu khondra wu wenengedza vbakari gwanu; enu khu matshigwana madugwana, mu di tsakiswa khu mwenge waye.

Mithumo 13:1

Umo nya libandla nya vakhodwa va Antiyokiya, va diromo vaprofeti ni vahevbudzi: Bharinabha ni Simoni a nga bani a gu ranwa pwani Nigeri, ni Lusiyu wa Sirene, ni Manaheme a nga dandra gumogo ni mufumeli Herodhi, ni Sawule.

1 Vakorinto 3:10

Khu wuhigo nyi ningidwego khu Nungungulu, nyi zamide gu thuma gwadi kha nga muvbahi a wu pimago thumo. Nyi kembide gwadi giseketelo nyi tadza khokhweni, gasi oyu a khusago nyumba mumbe. Aholu muthu ni muthu a na pime edzi a vbahago khidzo.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.

Vahebheru 5:12

Khu gikhati gyatshavbo mu hevbudego, mu di hadza olu na muri vahevbudzi, aholu, mu nga gu vbweta gambe gu hevbudzwa dzindrima nya guphele nya Mahungu ya Nungungulu. Wulanga nya gu olu na mu gu hodza guhodza nya gutiyele, enu mu nga gu vbwetani sanu gu mama mahwe.

2 Pedro 3:15

Dzitini gukhenu gutimisela ga Pfhumu yathu, a gu girede gu hi vbanyisa. Ndriyathu Pawulo, khu wugengeli a ningidwego khu Nungungulu, a mi lovedeni khu mahungu yaya.

Gutuledwa 1:20

Sihalo nya livbandre na dzimbili dzinyeledzi u nga dzi wonago na nyi pharide khu nyamudye, nuwo nya livbandre na dzimbili dzikandriya nya ndralama, tshamuselo wakone khoyu: Livbandre na dzimbili dzinyeledzi dza gu tshamusela dzingilozi dza Nungungulu nya livbandre na mavili mabandla. Gasi, livbandre na dzimbili dzikandriya dza gu tshamusela livbandre na mavili mabandla.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”