Dhaniyeli 11:7 - Bhibhiliya Nya Guage

⁷ Aholu, moyo nya lihundzu lawe, a na emiswa gu khala mufumeli wulangani gwaye. Uye a na duga ni masotshwa yaye, a bela makhokholani ga mufumeli wa Wuronga, a va sasela a va pala.

Dhaniyeli 11:7 Iomraidhean Croise

Joba 14:7

Gyomo gitumbo ga simbo, kholu, ambari wa gu pidwa matamo yaye, wu ngu simama wu thunga, a manega ni mahagane nya gunyuge.

Dzindzimo 109:8

A na vbanye matshigwana madugwana, dzithomba dzaye dzi na hodzwe khu nombo.

Dzindzimo 55:23

Aholu uwe Nungungulu u ngu va gira va relela phalani nya guete; avo vathu nya sighevenga ni wukanganyisi, kha va na vbohisa vbakari nya matshigu yawe nya guvbanye; aholu eni nya gu tumba uwe!

Isaya 11:1

Khu tshinani ga Jese, gu na thunga litamo, khu mikhambani gwaye, gu na buga pfhundre.

Isaya 9:14

Khu guralo, Pfhumu Nungungulu a na pila hungo ni ngila va na Israyeli, a pila litamo nya ngindru ni tshava khu litshigu limwedo.

Jeremiya 12:2

U va yade, avo va thede mikhamba; va ngu dandra va ninga mihandro; va na ni Uwe khu magana, aholu khu myonyoni gwawe vomo hwindzo nago.

Ezekiyeli 17:18

Kha nga olu uye a yeyisidego gisambanyo, a fanya gidzumeledzwano gi giridwego khu gu pharana mandza, a gira silo satshavbo sesi, kha na vbuluga ne vbadugwana.

Dhaniyeli 11:40

Khu mahegiso nya gikhati, mufumeli wa Marandzi a nata dwana naye, aholu mufumeli wa Wuronga a na mu khinga khu dzikareta, vakhileli nya dzikavalu ni dzingalava nya dzingi. A na bela mayigoni a va kukuluta nga ndrambi nya mati.

Dhaniyeli 11:6

Aholu khu hwane nya myaga, va na bwelo va pwanana, nyamahegyane wa mufumeli wa Marandzi a nata dzegana ni mufumeli wa Wuronga, gasi va kodze gu gira gidzumeledzwano. Aholu kha na tiyisa tshivba nya libogo laye, ni livelego laye kha li na nga vbanya matshigu nya gulaphe. Kholu khu matshigu yoyo, uye a na ningedwa gasi a songwa, ni vatshavbo va nyumbani gumogo ni babe waye, ni vatshavbo va nga mu seketelago khu gikhati gyogyo.

Malakiya 4:1

Kholu wonani nya gukhenu nya guvbise kha nga nilo nya magala; vatshavbo va nya matshandza, ni vatshavbo va girago guvivba va na gira kha nga mwasi nya gubange; litshigu lolo li na vbohago, li na va vbisa nyamba tshiya gilo gwawe, ambari khamba mwendro matamo, a ngu ganela Pfhumu Nungungulu nya Tshivba Yatshavbo.

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’