Dhaniyeli 10:16 - Bhibhiliya Nya Guage

¹⁶ Khavbo avbo, givangwa gimwegyo nya gufanane ni sanana nya vathu, gi di nyi kuha gihofu, khavbo avbo, nyi di tula likana nyi ganela, nyi embela wule a nga bani na emide mbeli gwangu, kheni: “Pfhumu yangu, nyi ngu saniseka ngudzu khu mahungu nya giwoniso nyi gi wonidego, nyi rerekide nyi vbela tshivba.”

Dhaniyeli 10:16 Iomraidhean Croise

Ekisodha 4:10

Khavbo avbo, Mosi a di embela Pfhumu Nungungulu, khuye: “U na nyi divalela, Pfhumu yangu, eni khandri nyi muthu nya gukodze gu ganela, kholu gukhugela gale ni gale, eni nyi muthu nya gilimiti ni gukangamela gu ganela.”

Ekisodha 4:13

Aholu Mosi a di hakha, khuye: “Nyi divalele, Pfhumu yangu, rumela mumbe u na mu manago guvbindra eni.”

Muhevbudzi 1:18

Kholu avbo wu etago wugengeli, gu tade sigaradzo, ni avbo gu etago mapimo nya guti, gutshaniseka gungi.

Isaya 6:7

Yi di nyi pfodza likana khu ligala, yi nyi embela, khiyo: “Wona nya gukhuwe nyi khuhide sihofu sago; sighoho sago si handzidwe, sihoso sago si ditshedzidwe.”

Jeremiya 1:9

Khu gulandrela, Pfhumu Nungungulu a di thawuludza gyandza gyaye, a kuha likana langu a ganela, khuye: “Wona, nyi ngu vega magana yangu kanani gwago.

Ezekiyeli 1:26

Khu vbatshani nya rodha nya mihungo yawe, gu diromo gilo nya gufanane ni gikhalo nya wufumu nya gukhedzige nga giwindri nya safira; khu vbatshani nya igyo nya gufanane ni gikhalo nya wufumu, gu diromo gilo nya gufanane ni muthu khu vbatshani gwaye.

Ezekiyeli 3:27

Aholu, gikhati nyi ganelago nago, nyi na tula likana lago u va embela, khuwe: Pfhumu Nungungulu a ngu ganela kharati, khuye: Nyi na ni magana nyi vbwetago gu mi embela. Uye a dzinago gu yingisa, a na yingise; uye a si dzinigo gu yingisa a na bombe, kholu avo vathu nya gukanyise.

Ezekiyeli 33:22

Gasi khu silambo si vbindridego, Pfhumu Nungungulu a di nyi handzega mandza, na si gu vbohi mwama a nga vbulugago; a di nyi tula likana langu, na li tulegide gima kha nya nga degula gambe.

Dhaniyeli 12:8

Mahungu yaya, nyi di mapwa aholu kha nya ma pima gilo. Khu guralo, nyi di wudzisa, kheni: “Mune wangu, si na hegisa kharini silo sesi?”

Dhaniyeli 4:19

Khavbo avbo, Dhaniyeli, a nga bani na gu ranwa khu lina la Bhalitazari, a di huye kape gikhati nya gulaphe, na gu thava khu maalakanyoni gwaye. Khavbo avbo, mufumeli a di mu embela, khuye: “Bhalitazari, u nga thurugiswi khu kotani nya ndroro ni tshamuselo yaye.” Bhalitazari a di mu hakha, khuye: Mune wangu, ndroro yeyi yi na thonone avo va gu zondrago, ni tshamuselo waye wu na thonone valala vago!

Dhaniyeli 7:15

Eni Dhaniyeli, hefemulo wangu wu di vbela tshivba, kholu siwoniso sesi si di nyi thurugisa.

Dhaniyeli 7:28

Gi di vbela avba giwoniso gyangu. Eni Dhaniyeli, nyi di vbisega ngudzu mapimoni gwangu gu vbindrugedza ni khovbe yangu, aholu silo sesi, si di khala monyoni gwangu, nyamba embela muthu.

Dhaniyeli 8:15

Avbo eni Dhaniyeli, nyi nga wonago giwoniso gegi, na nyi nga gu vbweta guti tshamuselo waye, gu di wonega givangwa mbeli gwangu nya gufanane ni muthu.

Dhaniyeli 8:17

Avbo a nga hidzimela vbafuvbi gwangu, nyi di mu wona, nyi tala khu hwanga nyi thega khu khovbe mafuni. Uye a di nyi embela, khuye: “Gyanana nya muthu, dziti nya gukhuwe giwoniso u gi wonidego, gya gu ganela khu matshigu nya guhegise.”

Dhaniyeli 8:18

A di ganela ni eni, na nyi titivade, khovbe yangu na yi pfugunyede mafuni. Khavbo avbo, uye a di nyi kuha a nyi khusa nyi ema.

Dhaniyeli 8:27

Gasi eni Dhaniyeli, nyi di vbela tshivba nyi dwala matshigwana. Khu hwane nyi di khuga nyi wuya thumoni ga mufumeli. Nyi di samadziswa ngudzu khu giwoniso gegi; mwalo a nga kodza gu gi pima.

Dhaniyeli 9:21

na nyi nga gu lombelela, a dita Gabriyeli, mwama yoyu nyi nga bani nyi mu wonide guhegulani khu giwoniso, na gu vbuvba khu guvbiredza ata nyi kuha khu gikhati nya phaso nya silambo.

Luka 1:64

Khavbo avbo, likana laye li di tulega, ni lidimi laye, li nga bani li tsharamede, li di tshulega nilo, a gu phela gu ganela a rungudza Nungungulu.

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Johane 20:28

Tomasi a di khuye: “Pfhumu yangu, Nungungulu wangu!”

Josuwa 5:14

Uye a di hakha, khuye: “Ahihi, eni nyi muthangeli nya nyimbi ya Pfhumu Nungungulu, olu nyi womo avba.” Josuwa a di noga a thega vbavbatshi khu khovbe, a mu wudzisa, khuye: “Ginani u gu nagyo pfhumu yangu gasi gu embela githumi gyago?”

Gutuledwa 1:13

Vbakari nya livbandre na dzimbili dzikandriya, nyi di wona moyo nya gufanane ni Mwamana wa Muthu, na ambade ngandzu nya gulaphe, na hungide libhandri nya ndralama vbakhanatunu.

Valamuli 13:8

Khavbo avbo, Manowa a di lombelela khu tshivba ni tshivba ga Pfhumu Nungungulu a ganela, khuye: “Oh! Pfhumu yangu, nyi ngu lomba gukheni muthu wa Nungungulu, u mu rumedego, a nate gambe avbo gwathu, a ta hi hevbudza iso hi yelago gu gira khu gyanana gi na velegwago.”

Valamuli 6:13

Aholu Gidhiyoni a di phindrula, khuye: “Nyi pwele wuhindzi uwe mune wangu, nari gukhwatshi Pfhumu Nungungulu a na ni ethu, khu ginani hi dugeledwago khu satshavbo sesi? Somo hayi siliwugiso saye satshavbo esi vababe vathu va hi embeledzelago, khavo: Pfhumu Nungungulu a hi duside tigoni ga Egipito? Khu guralo, olu Pfhumu Nungungulu a hi digide, bwelo khavbo, a hi ningela mandzani ga Vamedhiyani.”

Valamuli 6:15

Gidhiyoni a di mu hakha, khuye: “Nyi pwele wuhindzi, mune wangu, nyi na dzi kodza kharini eni gu tshudzisa va na Israyeli? Olu ndranga yangu a gu iyo nya wusiwana ngudzu ga lihundzu gu ilo nya lidugwane ga Manasi, eni kheni nya dugwane wakone wa ndrangani ga babe wangu.”