Dhaniyeli 1:2 - Bhibhiliya Nya Guage

² Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.

Dhaniyeli 1:2 Iomraidhean Croise

Genesi 10:10

Phede khu gu fumela madhoropa yaya: Bhabheli, Ereki, Akade ni Kaline yatshavbo ya gipandrengulu gya Sinari.

Genesi 11:2

Aholu gu di vboha avbo va nga fulugago khu Khugadambo, va gimbila kala guya vboha panini ga Sinari, va gu vbaha umo.

2 Dzipfhumu 24:1

Matshiguni ya Jeyowakimi, Nabhukodhonosori, mufumeli wa Bhabhiloni a dita mu dhumela, uye a di khala githumi gyaye khu gipimo nya myaga miraru. Khu hwane a di vbindrugedza a mu wugela.

2 Dzikoronika 36:5

Jeyowakimi a diri ni magumavili na livbandre myaga gikhati a nga phela gu fuma; a di fuma Jerusalema likhumi na moyo myaga, a di thuma ugo guvivbidego mahoni ga Pfhumu Nungungulu waye.

2 Dzikoronika 36:7

Nabhukodhonosori a di dzega gambe ni simbe sombo sa Nyumbani ga Pfhumu Nungungulu, a si yisa Bhabhiloni aya si vega nyumbani ga vanungungulu vaye va Bhabhiloni.

Ezira 1:7

Mufumeli Kiro a di dusa nuye mikanvu ya Nyumbani ga Pfhumu Nungungulu, iyo yi nga phangwago khu Nabhukodhonosori Jerusalema, aya yi vega nyumbani ga vanungungulu vaye.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 42:24

Khu mani a ningedego Jakobe a phangwa, ni Israyeli mandzani nya vaphangi? Ina khandri Pfhumu Nungungulu, oyu va mu ghohedego, gani. Khuye va nga ndreyago ndzilani gwaye, va si dzumeli gu yingisa nayo waye.

Jeremiya 25:1

Khu mwaga nya wu na nya gufume ga Jowakimi, mwamana wa Josiya, mufumeli wa Judha, gu rumedwe magana yaya ga Jeremiya, mayelano khu vathu va Judha; a diri mwaga nya guphele gufuma ga Nabhukodhonosori, mufumeli wa Bhabhiloni.

Jeremiya 27:16

Nyi di ganela gambe ni vaphasi nya mhamba gumogo ni vathu vatshavbo nyi va embela, kheni: Pfhumu Nungungulu a ngu ganela kharati, khuye: “Mu nga yingisini magana ya vaprofeti vanu va mi embelago, khavo: Sombo sa Nyumbani ga Nungungulu si na wuya nugunugu khu Bhabhiloni; kholu avo va gu profeta malipha.”

Jeremiya 28:3

Hwane nya gu bani na gu vbindride myaga mivili, nyi na wuya gambe ga wulanga wowu, nyi resa sombo satshavbo sa Nyumbani gwa Pfhumu Nungungulu, iso si nga dzegwago khu Nabhukodhonosori, mufumeli wa Bhabhiloni a hongola naso.

Jeremiya 35:11

Aholu, avbo Nabhukodhonosori, mufumeli wa Bhabhiloni, a nga saselago litigo leli, hi di khethu: Hongoleni hi khuge hiya Jerusalema, gasi hi vbuluge gu sasedwa khu Vakalidhiya, ni Vaasiriya, khigyo gighelo hi manegago khigyo eno Jerusalema.”

Jeremiya 50:2

Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Dhaniyeli 5:13

Khavbo avbo, Dhaniyeli a di reswa mbeli ga mufumeli. Mufumeli a di wudzisa Dhaniyeli, khuye: “Ina khuwe Dhaniyeli, moyo nya vale nya dzikhumbi dza Judha, mu nga reswago khu mufumeli, babe wangu khu tigoni ga Judha, gani?

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Habhakuka 1:16

Khu guralo, a gu girela miphaso ligoga laye, a vbisela libani miranga yaye, kholu khiso si mu nonisago, mabhindzu yaye ni guhodza gwaye.

Zakariya 5:11

Iyo yi di nyi hakha, khiyo: “Avo va guya wu vbahela nyumba tigoni ga Sinari, na va vbedzide gu vbaha nyumba, va na lulamisela umo wulanga waye, va wu handzega avbo.”

Dhewuteronome 32:30

Ga gu kodzega kharini muthu moyo basi a lundra likhumi mazana (1.000), ni vathu vavili va lundra likhumi magumi mazana (10.000) vathu? Kholu Muvhikeli wawe, ava digidego, Pfhumu Nungungulu a va rengiside ga valala.

Valamuli 2:14

Khu guralo, Pfhumu Nungungulu a di gorogela va na Israyeli, a gu va ningela mandzani nya vaphangi, va va phanga, bwelo khavbo, a va ningela mandzani ga valala, va tandrega ni gu ema mbeli gwawe.

Valamuli 3:8

Khavbo avbo, Pfhumu Nungungulu a di gorogela va na Israyeli, a va ningela mandzani ga Khusani-Risatayimi, mufumeli wa Mesopotamiya, va na Israyeli, va di fumedwa khu Khusani-Risatayimi, livbandre na miraru myaga.

Valamuli 4:2

Pfhumu Nungungulu a di va ningela mandzani ga Jabhimi, mufumeli wa Khanani, a nga bani na gu fuma dhoropani ga Hazori. Sisera a diri ndruna yaye nya nyimbi, uye a di gu vbanyela tigoni ga Haroseti-Hagoyimi.

1 Samuweli 5:2

Vafilistiya va di dzega Ngasa ya Nungungulu va yi vega nyumbani ga Dhagoni, vbafuvbi ni gifananiso gyaye.