Amosi 9:1 - Bhibhiliya Nya Guage

¹ Nyi di wona Pfhumu na emide vbafuvbi ni giluvelo, a nyi embela, khuye: “Veta mihungo nya madingo, gasi gu ndrendremedzisa mihasimo. U yi pandrelela yi khala sipandre si thegela vbatshani nya mihungo ya vathu vatshavbo va guromo umo; nyi na va songa khu litshari, kala nyi vboha ga uye nya mahegiso wawe. Mwalo ni moyo wawe a na tutumago, ambari gu vbuluga.

Amosi 9:1 Iomraidhean Croise

2 Dzikoronika 18:18

Mikeya a di engedza, khuye: “Olu yingisani lito la Pfhumu Nungungulu: Nyi di wona Pfhumu Nungungulu na khade vbagikhalotunu gwaye nya wufumu, nari gumogo ni dzinyimbi dzaye dza ndzadzini, na dzi emide khu nyamudye gwaye gumogo ni nyambade gwaye.”

Dzindzimo 68:21

Nungungulu a na pfara mihungo ya valala vaye, mihungo ya vale va simamago gu ghoha.

Dzindzimo 68:22

Pfhumu ganede, khuye: “Nyi na bweledza valala vanu khu tigoni ga Bhasani, nyi na va bweledza, guetani nya linene.

Isaya 30:16

Aholu mu di phindrula, khenu: “Ahihi! Hi na thava na hi khilede dzikavalu nya mazambo!” Ina mu na thava! Mu engedza, khenu: Hi na khilela dzikavalu nya mazambo. Khu guralo, idzo nya mazambo ngudzu, khidzo dzi na gu mu lundrago.

Isaya 6:1

Khu mwaga a fudego khuwo mufumeli Uziya, nyi wonide Pfhumu na khade vbagikhalotunu nya gikhongolo nya wufumu nya gukhugege, guambala gwaye gu di fenengedza Nyumba nya Miphaso.

Jeremiya 11:11

Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 42:16

wonani nya gukhenu, matshari mu ma thavago, ma na mi landra tigoni ga Egipito, ni ndzala mu yi thavago, mu na bani muri nayo tigoni ga Egipito, mu naya fela iyoyo.

Jeremiya 48:44

Uye a khalago hwanga a thava, a na thegela phalani, ni uye a na dugago khu phalani, a na modwa khu naphwi. Kholu nyi na resa avbo gwaye navbo ga Mowabhi, mwaga nya tsayiso waye, a ngu ganela Pfhumu Nungungulu.

Ezekiyeli 1:28

Gu di gira kha nga khwatshi wulaho wa nyazimu mapfhini litshigu nya guwe ndzadzi, gu diri kharati gungangamela gu nga bani gu mu randrede. Igyogyo a diri gilo nya gufanane ni wudhumo wa Pfhumu Nungungulu. Gikhati nyi nga wu wona, nyi di thega khu khovbe vbavbatshi, gambe nyi dipwa lito nya muthu nya gukari na gu ganela.

Ezekiyeli 10:4

Khu guralo, wudhumo wa Pfhumu Nungungulu wu di duga khu vbatshani nya dzikerubhimi wu ya ema vbamwanyatunu nya Nyumba ya Nungungulu. Lipfhi li di tadza Nyumba ya Nungungulu, ni likupakupa li di manwa khu gungangamela nya wudhumo wa Pfhumu Nungungulu.

Ezekiyeli 15:7

Nyi na va wugela; avo va na duga khu niloni, aholu, nilo wu na va dagaredzisa; khavbo mu na dzitigo gukhenu Eni kheni Pfhumu Nungungulu, gikhati nyi na gu va wugelago.

Ezekiyeli 9:2

Nyi di wona livbandre na moyo vama na va guta khu mwanya nya wukhongolo, moyo ni moyo nari ni litshari nya gusonge mandzani. Va diri ni mwama moyo a nga bani a ambade dzingandzu nya seda na khwetedzide libhandrini gwaye gilo nya gulove. Va di bela vaya khala khu phuvbo nya giluvelo nya sugu.

Amosi 3:14

Khu litshigu nyi natago nyita tsayisa Israyeli khu kotani nya sighoho saye, nyi na khungumula siluvelo sa Bheteli ni dzikeho nya siluvelo dzi na pidwa dzi thega vbavbatshi.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Amosi 7:9

Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”

Habhakuka 3:13

U dugide gasi gu ya vbanyisa vathu vago, guya vbanyisa uye u nga mu todza khu mafura, u pfhungumula nyumba ya muthu nya guvivbedwe khu monyo, u khungumula nyumba kala ni giseketelo gyaye.

Sofoniya 1:12

Khu gikhati gyogyo, nyi na setsha gwadi Jerusalema nyi mu wenga khu myenge gasi gu tsayisa vale va gu ghaghaa vbamagimbatunu gwawe, va khalago na va levide khu vbinyu, va ganela khu myonyoni gwawe, khavo: Pfhumu Nungungulu kha kodzi gu gira gilo nya gyadi ambari nya guvivbe.

Sofoniya 2:14

Vbakari gwaye, gu na khala mazumbo nya mitshambi, nya mafumbu yatshavbo nya sirengo sa khabini; matembe ni sisungurukhuru si na mana wuthavelo vbatshani nya madingo yawe; ligwaha nya sinyoni, li na pwala khu sihogoni nya dzinyumba, vamahigonganye khu myanyani, kholu si guledwe mihasimo nya mapulango nya sena.

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 1:32

Johane a di fakaza, khuye: “Nyi wonide Liphuvbo nya Guage na li gu tshiga khu Ndzadzini lita mbaka vbatshani gwaye kha nga lituva.

Mithumo 26:13

Nyi diri vbakari nya ndzila, amanawe mufumeli, ni vbakari nya mihani, gikhati khigyo nya midiya, nyi di wona gu wenengedza nya gukhongolo, nya gute khu Ndzadzini, nya gungangamele guvbindra lidambo, nyi fenengedzwa khu safa eni ni avo nyi nga bani nyi gu endra navo.

Josuwa 10:18

Josuwa a di va hakha, khuye: “Rwalani livbandre siwindri nya sikhongolo mu ya si handzega vbatshani nya liphala, mu vegani vama vbale gasi va li ghadhi.

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Gutuledwa 8:3

Yimbe ngilozi yi dita ema vbafuvbi ni giluvelo, na yi pharide gifugwana nya guwumbwe khu ndralama, na gi tade khu libani. Va yi ningide libani nya lingi gasi gu li vbisa gumogo ni milombelo nya sihathwa satshavbo vbagiluvelotunu nya ndralama gi guromo mbeli nya gikhalo nya wufumu.