Amosi 5:9 - Bhibhiliya Nya Guage

⁹ Uye a resago gumbembiswa ga muthu nya tshivba khu githugedza, a khungumula makhokhola ma khala marumbi.

Amosi 5:9 Iomraidhean Croise

2 Dzipfhumu 13:17

A ganela, khuye: “Tula gihogo khu phuvbo ga Khugadambo.” Uye a di tula. Khavbo avbo, Elizewu a di khuye: “Khwandra u tshapwisa.” A di tshapwisa; a ganela, khuye: “Egi gighalala nya gupale ga Pfhumu Nungungulu ni gighalala nya gupale Vaasiriya; kholu u na sasela Vaasiriya tigoni ga Afeka kala u va mbembisa.”

2 Dzipfhumu 13:25

Jeyowasi, mwamana wa Jeyowakazi, a di nyaluphye a dzega mandzani ga Bheni-Hadhadhi, madhoropa ma nga bani ma wandridwe ga babe waye Jeyowakazi khu litunga. Jeyowasi a di mu pala nyondro tharu, a bwelo khavbo a wandra madhoropa ya na Israyeli.

Isaya 29:5

Gidzemo ya valala vago, gi na fanana ni lipfhi nya kudzudzwane, ni gidzemo nya vatshanisi, gi na fanana ni mavivi ma vbuvbiswago khu phuvbo; khu gikhati gidugwana, isoso si na girega.

Jeremiya 37:10

Ambari nari gupwani Vakalidhiya, mu di va sasede vatshavbo va vbela, gu tshala basi vale nya gu bayisedwe mitshatshani gwawe, moyo ni moyo a di hadza gu duga khu tshatshani gwaye ata vbisa khu nilo lidhoropa leli.

Amosi 2:14

Muthu nya mazambo kha na vbuluga, ambari muthu nya tshivba a na vbeledwa khu tshivba, ni ndrena kha yi na vbulugisa womi waye.

Mikeya 5:11

nyi na khungumulela madhoropa ya tigoni gwago, nyi thesa vbavbatshi makhokhola yago yatshavbo.

Vahebheru 11:34

Va di tshima nilo nya tshivba, va vbuluga gu songwa khu matshari. Va diri mwalo tshivba, aholu, va khade va nya tshivba. Va khade dzindrena litungani, va pala mabutho ya va nya guta.