Amosi 5:4 - Bhibhiliya Nya Guage

⁴ Kholu Pfhumu Nungungulu a ngu ganela kharati ga nyumba ya Israyeli, khuye: Nyi vbweteni gasi mu mane guvbanya!

Amosi 5:4 Iomraidhean Croise

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 20:3

Josafati a di khala hwanga, aya lombelela ga Pfhumu Nungungulu, a laya va na Judha vatshavbo gukhuye va hala, nyamba hodza gilo.

2 Dzikoronika 20:4

Va na Judha va di tshangana va tombana gumogo gasi va lomba giphaso ga Pfhumu Nungungulu; gu dita gambe khu madhoropani gwatshavbo ga va na Judha, vathu nya gute lombelela ga Pfhumu Nungungulu.

2 Dzikoronika 34:3

Khu mwaga nya livbandre na miraru nya gufume gwaye, na ngari lidzaha, phede gu vbweta Nungungulu wa babe waye Dhavhidhe; khu mwaga nya likhumi na mivili, a di phela gu agisa va na Judha ni vavbanyi va Jerusalema, a dusa malangani nya sigomo, sihuru nya miphaso, ni sifananiso nya guvatwe niso nya gupfhudwe.

Dzindzimo 14:2

Pfhumu Nungungulu a di noga a khedzisa khu ndzadzini, a wona sanana nya vathu, khuye a na mana moyo nya wadi, mwendro moyo a vbwetago Nungungulu.

Dzindzimo 22:26

Sisiwana si na hodza si khura; avo va vbwetago Pfhumu Nungungulu, va na mu rungudza. Myonyo yawe yi na vbanye kala gupindruga.

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Dzindzimo 69:32

Avo va sanisekago va na si wone va nengela khiso; gasi enu mu vbwetago Nungungulu, myonyo yanu yi na tsake

Dzindzimo 69:33

kholu Pfhumu Nungungulu a ngu yingisa dzikhulungu kha divali vale va tshaniswago mapasoni.

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Jeremiya 38:20

Jeremiya a di hakha, khuye: Khu na ningedwa mandzani ga vathu vovo; yingisa magana ya Pfhumu Nungungulu nyi gu embedego; gimwalo gi na gu gu dugelelago ni gu gambe, u na vbanyisa womi wago.

Ezekiyeli 18:9

Uye a gu thuma gukhedza khu sileletelo sangu, a yingisa milayo yangu khu gutumbega. Muthu yoyo lulamide; khu lisine a na vbanya, a ngu ganela Mune Pfhumu Nungungulu.

Hoseya 10:12

Dzi yaleleni gululama mwabune, mu vbwera mihandro nya wuwadi limani wulime nya mahange yanu, kholu egi khu gikhati nya guvbwete Pfhumu Nungungulu, kala a wuya, ata vbaladza gululama vbakari gwanu.

Amosi 5:6

Vbwetani Pfhumu Nungungulu, mu na vbanya; gasi a si thegeli ga nyumba ya Josefe kha nga nilo, a yi mbembisa, gu si manegi dhoropani ga Bheteli muthu nya gu wu tshime.

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Matewu 7:8

Kholu muthu watshavbo a lombago, a ngu ningwa; uye a vbwetago a ngu si mana, ni uye a khokhothago, a ngu tuledwa.

Dhewuteronome 32:46

a di va embela, khuye: Vegedzani myonyoni gwanu magana yatshavbo yaya nyi mi fakazelago muhuno; mu na leletelani sanana sanu gasi si dzi wonele khu gu vegedza magana yatshavbo nya Nayo yoyu.

Dhewuteronome 32:47

Kholu, magana yaya, khandri ya nyalidede ni gumbana lisima, aholu khya guvbanya gwanu; khu magana yaya ya mamowo, mu na engedzelani matshigu yanu nya guvbanye ga litigo mu na ya li fumelago na mu tshatugide tsongo wa Joridhani.

Dhewuteronome 4:29

Khu iyoyo, u naya vbweta Pfhumu Nungungulu wago, gambe u na mu mana, wa gu mu vbweta khu monyo wago watshavbo, ni hefemulo wago watshavbo.