Amosi 3:6 - Bhibhiliya Nya Guage

⁶ Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Amosi 3:6 Iomraidhean Croise

Genesi 50:20

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

2 Dzipfhumu 6:33

Na nga guganela navo, wu di relela mwango wu ta mu embela, khuwo: “Wona nya gukhuwe libango leli la guta khiyo ga Pfhumu Nungungulu, ginani hi nga gu gi lirelago gambe khiyo ga Pfhumu Nungungulu, na?”

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 4:5

Tivisani tigoni gwa Judha! Mu huwelela Jerusalema, khenu: Wombani pundru tigoni momu gwatshavbo! Khusani malito mu laledza mu ganela, khenu: Tombanani! Hongoleni hi thave hi tutumela madhoropani nya makhokhola!

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Jeremiya 6:1

Enu sanana sa Bhejami, thavani vbakari ga Jerusalema; wombani pundru tigoni ga Tekowa, khusedzani giyeyedzo nya nilo tigoni ga Bheti-Hakerimi; kholu libango li nguta ni valala khu phuvbo ga Wuronga ni wusaseli nya wukhongolo.

Ezekiyeli 33:3

a gu wona gukhuye nyimbi yi nguta gasi guta sasela litigo, a na wombe pundru gasi gu tivisa vathu;

Hoseya 5:8

Wombani pundru dhoropani ga Gibheya, mu womba pundru dhoropani ga Rama, laledzani khu tshivba Bheti-Avheni! Dzi woneleni enu va na Bhejami.

Amosi 3:5

Ina ginyoni gi ngu modwa khu naphwi, wa sa dembwago, gani? Ina naphwi wu ngu kodza gu tshaphuga, nyamba mola gilo nya gukari, gani?

Sofoniya 1:16

Litshigu nya guwombwe pundru, gu wombwa huwa nya nyimbi nya gudhumedwe madhoropa ma bhiyidwego khu siwindri nya tshivba ni dzilangwe nya gulaphe.

Zakariya 8:10

Kholu na gu si gu vbohi matshigu yaya, mwalo ni moyo a nga bani a gu hakha nivbo nya thumo waye a nga bani a wu thuma, ambari ni thumo nya sirengo wu di si phasi gilo; gambe gu diri mwalo gurula ni gutangala ga vale va nga bani va dzi ningedzela mithumoni gwawe khu kotani ga nala; nyi di kutsedzela gu, moyo ni moyo a wugela muthu kwawe.

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 4:28

vafela gu gira esi u nga si dongisela khu gale khu tshivba ni guti gwago.

2 Vakorinto 5:11

Olu hi gutigo gu thavisega ga Pfhumu, hi ngu dzi garadza khu gu embela lisine vathu. Nungungulu a ngu hiti gwadi, nyi ngu tumba nya gukheni enu nenu mu ngu hitini khu myonyoni gwanu.