Amosi 2:9 - Bhibhiliya Nya Guage

⁹ Kheni nyi mbembisidego Vaamori mbeli gwawe, ambari va nga bani va laphide ngudzu kha nga misedhari, va tiyidego gu fanana ni miguhu. Eni nyi kutsungide mihandro yawe ya vbatshani, nyi sigula mikhamba yawe khu vbavbatshi.

Amosi 2:9 Iomraidhean Croise

Genesi 15:16

Ga melana nya wu na, situgulwana sago si na wuya gambe tigoni momu. Kholu Vaamori va si gu tadzisi pimo nya sihoso sawe va kodza gu hakha tsayiso wu va fanelago.”

1 Dzikoronika 1:14

ni Vajebhusi, Vaamori ni Vagirigasi,

Joba 18:16

Mikhamba yawe yi na banga khu vbavbatshi, matamo yawe ma wu na khu vbatshani.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Ekisodha 34:11

Vegedza gwadi esi nyi gu rumago muhuno. Nyi na tutumisa mbeli gwago Vaamori, Vakhanani, Vahiti, Vaperezi, Vahevhi ni Vajebhuzi.

Isaya 10:33

Aholu, wona nya gukhuwe Pfhumu Nungungulu nya Tshivba Yatshavbo, a na pila matamo khu gigaha, misimbo ya sigomoni yi na siguledwa, matamo nya gulaphe, ma na vbadzuledwa.

Isaya 5:24

Kha nga malavbelavbe nya nilo ma vbisago dzitshava ni mwasi nya gubange, kharato nugo, mikhamba yaye yi na hina ni senge saye si na vbuvba kha nga kudzudzwane, kholu va yeyiside Nayo wa Pfhumu Nungungulu, nya Tshivba Yatshavbo, ni gu bomba magana ya uye a Agidego wa Israyeli.

Ezekiyeli 17:9

Va embele, khuwe: Mune Pfhumu Nungungulu a ngu wudzisa kharati, khuye: “Ina uwo wu na andra, gani? Ina lighama kha la kula mikhamba yaye ni gu pila mihandro yaye, gasi wu bange, gani? Ni mahagane nya mathungedwa yaye ma na banga; khandri khu libogo nya tshivba ambari khu vathu nya vangi, va na wu kulago ni mikhamba yaye.

Malakiya 4:1

Kholu wonani nya gukhenu nya guvbise kha nga nilo nya magala; vatshavbo va nya matshandza, ni vatshavbo va girago guvivba va na gira kha nga mwasi nya gubange; litshigu lolo li na vbohago, li na va vbisa nyamba tshiya gilo gwawe, ambari khamba mwendro matamo, a ngu ganela Pfhumu Nungungulu nya Tshivba Yatshavbo.

Mitengo 32:13

Khu guralo, Pfhumu Nungungulu a di goroga, a wugela va na Israyeli, a va gira va legalega giwulani gipimo nya magumana myaga, kala gu vbela melana watshavbo nya vale va nga gira guvivba mbeli ga Pfhumu Nungungulu.

Dhewuteronome 1:28

Hi na hongola hayi? Vandriyathu va hi pide hwambo, khavo: Vangi gambe sidandrangulu; madhoropa yakone makhongolo na ma bhiyidwe khu makhokhola kala damboni. Hi wonide gambe iyoyo vathu nya sidandrangulu sanana sa gidandrangulu Anaki.”

Dhewuteronome 3:11

Kholu Ogi, mufumeli wa Bhasani, khuye enga a nga bani na tshade nya lihundzu nya sidandrangulu, Varefayini; lidawu laye a diri la simbi li nga bani liri ni pimo nya livbandre na mina mikono gulapha, guanama li diri ni mikono mina, mayelano khu pimo wu nga bani wu thumiswa gikhati gyogyo. Li nga romo kala na muhuno.

Josuwa 10:12

Litshigu Pfhumu Nungungulu a nga ningela Vaamori mandzani ga sanana sa Israyeli, Josuwa a di Embela Pfhumu Nungungulu vbakari ga vatshavbo va na Israyeli, khuye: “Uwe lidambo ema vbatshani ga Gibheyoni; ni uwe ngima, mikovani ya Ayijalomi.

Josuwa 3:10

A engedza gambe, khuye: “Kharato mu na dzitini nya gukhenu Nungungulu a vbanyago womo vbakari gwanu, Uye gima kha na diga gu bhobha mbeli gwanu Vakhanani, Vahiti, Vahevhi, Vaperezi, Vagerezi, Vaamori, ni Vajebhuzi.