Agewu 2:5 - Bhibhiliya Nya Guage

⁵ Kha nga gidzumeledzwano nyi giridego nanu, gikhati mu dugidego khu tigoni ga Egipito, Liphuvbo langu li ngu vbanya vbakari gwanu; mu nga thavi gilo.

Agewu 2:5 Iomraidhean Croise

2 Dzikoronika 20:17

Ga nyimbi yeyi khandri enu mu na gu dwanago, folani mu eme mu na wona idzo Pfhumu Nungungulu a na gu mi vbanyisani khidzo, mu nga thavi enu vavbanyi va Judha ni Jerusalema, ambari gu thurugiswa khu gilo; mindru khugani mu ya tshangana navo, kholu Pfhumu Nungungulu a na bani nari nanu.”

Nehemiya 9:20

U va ningide liphuvbo lago nya ladi gasi li va hevbudza, gima khwa va himbedzela gu hodza manaha yago, ni gu va ninga mati nya gutshime lidora.

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Ekisodha 19:4

Enu mu si wone esi nyi giridego ga Vagipiti, ni edzi nyi mi rwadego khidzo khu dzimbapi nya lighama nyi gu mi wuyisa avbo gwangu.

Ekisodha 19:6

Enu mu na khalani litigo nya vaphasi nya mhamba, litigo li agidego. Aya khu magana u na ya embelago sanana sa Israyeli.”

Ekisodha 24:3

Mosi a di wuya a ta embeledzela vathu magana yatshavbo a nga ganelago Pfhumu Nungungulu, ni sileletelo satshavbo; vathu va di hakha khu lito limwedo, khavo: “Ethu hi na landrisa magana yatshavbo aya a ganedego Pfhumu Nungungulu.”

Ekisodha 24:8

Khu guralo, Mosi a di dzega novba a gu mitegedzela khuwo vathu, khuye: “Owu khu novba nya gidzumeledzwano egi Pfhumu Nungungulu a hungidego nanu khu magana yatshavbo yaya.”

Ekisodha 34:10

Khavbo avbo, a di hakha, khuye: “Nyi na hunga nago gidzumeledzwano. Nyi na gira siliwugiso mbeli nya vathu vatshavbo, esi nya gu gima si si gu wonwi ga limbe litigo mwendro ga limbe lihundzu, gasi vathu vatshavbo va gu randredego va fela gu wona mithumo ya Pfhumu Nungungulu, kholu si ngu samadzisa ngudzu sigiro nyi na gu si thumago khu mandza yago.”

Ekisodha 34:8

Mosi a di dzegela gu noga ngudzu kala vbavbatshi a gu khidzima a khozela;

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 41:13

Kholu eni, Pfhumu Nungungulu wago, nyi ngu gu phara khu libogo lago la nyamudye, nyi gu embela, kheni: U nga thavi, eni nyi ngu gu phasa.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Zakariya 8:13

Kha nga mu nga bani muri givalo vbakari nya mayigo, enu linyumba la Judha ni Israyeli, kharato gambe olu nyi na mi vbanyisa gasi mu khale gikategiso; mu nga thavi, tiyani longo.”

Zakariya 8:15

kharato gambe olu, ga matshigu yaya, nyi na tumbisa gu girela wuwadi Jerusalema ni nyumba ya Judha; mu nga thavi.

Matewu 28:5

Aholu ngilozi yi di khusa lito, yi embela vanyamayi vale, khiyo: “Mu nga thavi; nyi ngu dziti nya gukheni mwa gu vbweta Jesu a nga khokhothedwago.

Mithumo 27:24

yita nyi embela, khiyo: ‘Pawulo, u nga khali hwanga kholu uwe u ngu vbwetega guya vboha mahoni ga Sezari. Khu kotani yago, Nungungulu a na vbanyisa vathu vatshavbo u gu navo ngalavani.’

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Josuwa 8:1

Pfhumu Nungungulu a di embela Josuwa, khuye: “U nga thavi gambe u nga vbeli tshivba, dzega vama vatshavbo va somidego, u gwela u ya dwana ni Ayi; wona gukhuwe nyi ningede mandzani gwago mufumeli wa Ayi, gumogo ni vathu vaye, lidhoropa laye ni litigo laye.

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

1 Samuweli 12:20

Khavbo avbo, Samuweli a di embela vathu khuye: “Mu nga khali hwanga; ambari olu mu giridego guvivba nya gukhongolo! Igyo gi vbwetegago, khu gu mu si hambani ni Pfhumu Nungungulu, aholu, mu thumela Pfhumu Nungungulu khu monyo wanu watshavbo.