Agewu 1:4 - Bhibhiliya Nya Guage

⁴ “Ina khigyo egi gikhati nya gu enu mu khalani dzinyumbani nya gumburisedwe khu mapulango, aholu nyumba yeyi yi simama gu khala marumbi, gani?”

Agewu 1:4 Iomraidhean Croise

2 Samuweli 7:2

mufumeli a di ganela ni muprofeti Natani, khuye: “Nga wona, eni nya gu khala nyumbani nya gwadi nya sedhari, aholu Ngasa ya Pfhumu Nungungulu yi khala Tshatshani.”

2 Dzipfhumu 5:26

Aholu Elizewu a di mu embela, khuye: “Gasi hefemulo wangu wu diri mwalo nago gikhati mwama wule a nga tshiga khu karetani gwaye a gu khinga, gani? Khigyo gikhati gyakone u nga yela gu dzega parata, dzingandzu, miolivha, vhinya, dzinvuta, dzimombe ni sithumi nya vama ni vanyamayi, gani?”

Dzindzimo 102:14

Kholu, sithumi sago si ngu gola siwindri sa Siyoni, ni gupwa wuvi khu kotani nya marumbi yawe.

Dzindzimo 74:7

Va rothide nilo nyumbani gwago nya miphaso; va gu nyenyezisa, va thesa vbavbatshi nyumba nya lina lago.

Muhevbudzi 3:3

gikhati nya gusonge, ni gikhati nya guvbanyise; gikhati nya gupfhungumule, ni gikhati nya guvbahe;

Jeremiya 22:14

A ganela, khuye: “Nyi na dzi vbahela nyumba nya yikhongolo yi gu ni mihubhe!” A yi thela sihogo nya sikhongolo, a yi ambagisa khu mapulango nya sedhari, ni gu yi pendra khu tita nya gufuvile.

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 33:10

Pfhumu Nungungulu a ngu ganela kharati, khuye: Wulanga wowu mu wu ranago khenu giwula nyamba khadwa khu muthu ambari sirengo, khu guralo, madhoropani ya Judha ni dzindzilani ga Jerusalema, gu ghohetedwego nyamba manega muthu ambari gu khadwa khu vathu ni sirengo, gu nga na gu pwala gambe

Jeremiya 33:12

Pfhumu Nungungulu nya Tshivba Yatshavbo, a ngu ganela kharati, khuye: “Wulanga wowu wu gu giwula, nyambana vathu ambari sirengo, madhoropani gwawe gwatshavbo, gu nga na gu manega lizumbo avbo vahavisi va na gu hefemulago avbo ni mitshambi yawe.

Jeremiya 52:13

a ta vbisa Nyumba ya Pfhumu Nungungulu, nyumba ya mufumeli, dzinyumba dzatshavbo dza dhoropani ga Jerusalema gumogo ni dzinyumba dza vathu vatshavbo nya guthavisege.

Gililo 2:7

Pfhumu kha tsakiswa khu giluvelo gyaye, a di nyenya ni wulanga waye nya miphaso; a ningela mandzani ga valala dzindzari nya makhokhola yaye, va kulungela Nyumbani gwa Pfhumu Nungungulu, nga matshigu nya tshangano nya buzo. Heti

Gililo 4:1

Gasi yi pfhurede kharini ndralama! Ndralama yi hutidwego yi pfhurede kharini! Siwindri sa wulangani nya miphaso si mbambamede umo nya mahandzakanya yatshavbo nya dzindzila! Bet

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Levhi 19:25

Khu mwaga nya livbandre, mu na hodzani enu mihandro yakone, gasi misimbo yi mi velegela mihandro nya gutale. Eni kheni Nungungulu wanu.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Agewu 1:3

Khu guralo, magana ya Pfhumu Nungungulu, ma dita khavbo nya thumo nya wuprofeti wa Agewu, khuye:

Agewu 1:5

Olu, Pfhumu Nungungulu nya Tshivba Yatshavbo, a ngu ganela kharati, khuye: “Dzi khedzeni myonyoni gwanu khesi si dugelelago guvbanyani gwanu.

Agewu 1:9

Mu di gu lirela nya singi, aholu mu manide sidugwana; ambari esi nya sidugwana avbo mu nga si resani gaya, eni nyi di si furugedza si mwalalega. Khu kotani nya ginani? A ngu ganela Pfhumu Nungungulu nya Tshivba Yatshavbo, khuye: Khu kotani nya nyumba yangu yi khadego marumbi, gasi enu, muthu ni muthu a gu hongola gaya gwaye.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Vafilipi 2:21

Vatshavbo vambe va gudwanela basi gu gira guhaladza gwawe, nasiri ogu ga Kristo.