Agewu 1:14 - Bhibhiliya Nya Guage

¹⁴ Khu guralo, Pfhumu Nungungulu, a di khendzugisa liphuvbo la Zorobhabheli, mwamana wa Salatiyeli, mwamangulu wa Judha, ni liphuvbo la Josuwa, mwamana wa Jozadhaki, muphasi nya khongolo nya mhamba, ni liphuvbo la mitshaledwa yatshavbo, va ta thuma thumo nya guvbahedze Nyumba ya Pfhumu Nungungulu, nya Tshivba Yatshavbo, Nungungulu wawe,

Agewu 1:14 Iomraidhean Croise

1 Dzikoronika 5:26

Avbo Nungungulu wa Israyeli a nga kutsedzelago liphuvbo la Puli, mufumeli wa Asiriya, gumogo ni liphuvbo la Tigelati-Pileseri, mufumeli wa Asiriya, gu mola va na Rubheni, va na Gadhi ni gipandre nya lihundzu la na Manasi a va yisa Hala, Habhori ni Hara ni tsongoni wa Gozani, a va vbagela a va gira dzikhumbi umo va vbahidego umo kala na muhuno.

2 Dzikoronika 36:22

Aholu khu mwaga nya guphele nya gufume ga Kiro, mufumeli wa Perisiya, (gasi gu tadzisega magana ya Pfhumu Nungungulu, ma nga dugago khu kanani ga Jeremiya), Pfhumu Nungungulu a di khendzugisa Kiro, mufumeli wa Perisiya, a gimbila a huwelela mufumoni gwaye gwatshavbo, bwelo khavbo a lova ni khwepa a ganela, khuye:

Ezira 1:1

Khu mwaga nya guhegule nya gufume ga Kiro, mufumeli wa Perisiya (gasi gu tadzisega magana ya Pfhumu Nungungulu, ma nga dugago khu kanani ga muprofeti Jeremiya). Pfhumu Nungungulu a di khendzugisa liphuvbo la Kiro, mufumeli wa Perisiya, a huwelela tigoni gwaye gwatshavbo bwelo khavbo a lova khu khwepa a ganela, khuye:

Ezira 1:5

Khavbo avbo, va di khuga vathangeli nya dzinyumba dza Judha, ni dza Bhejami, vaphasi nya mhamba ni Valevhi, gumogo ni vatshavbo va nga khendzugiswago khu liphuvbo la Nungungulu gasi va gwele va ya vbaha Nyumba ya Pfhumu Nungungulu, a guromo Jerusalema.

Ezira 5:2

Khavbo avbo, gu di khuga Zorobhabheli, mwamana wa Salatiyeli, ni Jesuwa mwamana wa Jozadhaki, va pheledza guvbaha Nyumba ya Nungungulu, yi manegago Jerusalema; va phasedzedwa khu vaprofeti va Nungungulu.

Ezira 5:8

A na khale na gu dziti mufumeli gukhuye, ethu hi endrede gipandrengulu gya Judha, nyumbani ga Nungungulu nya khongolo yi vbahwago khu siwindri nya sikhongolo, mapulango ma phedwe gu khokhothedwa umo nya sidza, thumo wowu wa gu tutuma khu tshivba khu mandzani gwawe.

Nehemiya 4:6

Kholu ha guvbaha libhiyo; libhiyo latshavbo hi li tshanganiside kala vbakari ni vbakari guya vbatshani, kholu vathu va thumago va di gu dzi ningedzela ngudzu.

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Agewu 1:1

Khu mwaga nya wuvili nya mufumo wa mufumeli Dhariyo, khu litshigu nya guhegule nya ngima nya livbandre na moyo, magana ya Pfhumu Nungungulu ma dita khavbo ga muprofeti Agewu, a ma vbohisa ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa Jozadhaki, muphasi nya khongolo nya mhamba, khuye:

Agewu 1:12

Khu guralo, Zorobhabheli, mwamana wa Salatiyeli, ni Josuwa, mwamana wa Jozadhaki, muphasi nya khongolo nya mhamba, ni yatshavbo mitshaledwa nya vathu, avbo va ngapwago lito la Pfhumu Nungungulu wawe, ni magana ya muprofeti Agewu, a nga ma ganelago khu gu rumedwa khu Pfhumu Nungungulu wawe, vatshavbo va di thava mbeli ga Pfhumu Nungungulu.

Agewu 1:15

khu litshigu nya magumavili na mana matshigu nya ngima nya livbandre na moyo, khu mwaga nya wuvili nya gufume ga Dhariyo.

Agewu 2:2

“Ganela olu ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa muphasi nya khongolo nya mhamba Jozadhaki, gumogo ni ga mitshaledwa nya vathu, khuwe:

Agewu 2:21

Embela Zorobhabheli, mwamangulu wa Judha, khuwe: Nyi na tsekatsekisa ndzadzini ni mafuni,

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

2 Vakorinto 8:16

A na bongwe Nungungulu, a ningidego ligolo monyoni ga Tito, nga eli nyi gu nalo neni khu enu.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.