Agewu 1:1 - Bhibhiliya Nya Guage

¹ Khu mwaga nya wuvili nya mufumo wa mufumeli Dhariyo, khu litshigu nya guhegule nya ngima nya livbandre na moyo, magana ya Pfhumu Nungungulu ma dita khavbo ga muprofeti Agewu, a ma vbohisa ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa Jozadhaki, muphasi nya khongolo nya mhamba, khuye:

Agewu 1:1 Iomraidhean Croise

1 Dzipfhumu 10:15

gu diga nya edzi dza va nya wugwewo, ni varengisi, vafumeli vatshavbo va Arabhiya ni vamwamangulu vatshavbo va tigoni momo.

1 Dzipfhumu 14:18

Va di gi dzinga, litigo latshavbo li di gi lila, kha nga idzo a nga ganelago khidzo Pfhumu Nungungulu khu ga githumi gyaye, muprofeti Ayiya.

2 Dzipfhumu 14:25

Uye nuye a di wusedza mivbingano ya Israyeli, gukhugela nyangwani nya ndzila nya guhongole dhoropani ga Hamati, kala phwani ga Arabha, kha nga idzo Pfhumu Nungungulu wa Israyeli a nga bani a ganede khidzo khu magana ya githumi gyaye Jona, mwamana wa muprofeti Amitayi, givelegwa gya Gati-Heteri.

1 Dzikoronika 3:17

Sanana sa Jekoniya uye nya khumbi, khesi: Salatiyeli gyanana gyaye;

1 Dzikoronika 3:19

Sanana sa Pedhaya khesi: Zorobhabheli, ni Simaya. Sanana sa Zorobhabheli Khesi: Mesulamo, Hananiya ni ndriyawe Selomiti;

Ezira 1:8

Kiro, mufumeli wa Perisiya, a di dusa sombo sesi, khu mandzani ga Metiredhati, musayisi nya thomba yaye, a si ningela mandzani ga Sesibhazari, linganagana la Judha.

Ezira 10:18

Gu di manega nugo vbakari ga sanana sa vaphasi nya mhamba avo va nga bani va dzeganide ni vanyamayi va mambe mayigo, a gu ava: Vbakari ga sanana sa Jesuwa, mwamana wa Jozadhaki, gumogo ni vandriyaye, ni Maseya, Eliyezeri, Jaribhi ni Gedhaliya.

Ezira 2:2

Avo va nga wuyago ni Zorobhabheli khava: Khu Jesuwa, Nehemiya, Seraya, Reyelaya, Moridhekayi, Bhilisani, Misipari, Bhigivhayi, Rewumi ni Bhahana. Tengo nya vama va na Israyeli wu diri owu:

Ezira 2:63

Mufumeli wawe a di va embela gukhuye va si hodzi silo si agidego kala a manega muphasi nya mhamba a na emago ni solo Urimi ni Tumimi.

Ezira 3:2

A di khuga Jesuwa, mwamana wa Jozadhaki, ni va ndriyaye, vaphasi nya mhamba ni Zorobhabheli, mwamana wa Salatiyeli, gumogo ni vandriyaye, va ya vbaha giluvelo gya Nungungulu wa na Israyeli gasi va kodza gu payela avbo sifuyo nya miphaso nya guvbiswe, kha nga idzo gu lovidwego khidzo umo nya Nayo wa Mosi, muthu wa Nungungulu.

Ezira 3:8

Khu mwaga nya wuvili nya guwuye gwawe Jerusalema Nyumbani ga Nungungulu, khu ngima nya wuvili, Zorobhabheli, mwamana wa Salatiyeli, Jesuwa, mwamana wa Jozadhaki, ni vambe vandriyawe, vaphasi nya mhamba ni va na Levhi ni vatshavbo avo va nga wuyago Jerusalema khu wugumbitunu, va di emisa va na Levhi, avo va nga bani vari ni magumavili myaga guya mbeli, va rwala thumo nya gugimbidzise mithumo nya guvbahe Nyumba ya Pfhumu Nungungulu.

Ezira 4:2

va dita ga Zorobhabheli ni ga vathangeli nya dzinyumba dza vababe vawe va va embela, khavo: “Hi digeni hi vbahe nethu gumogo nanu kholu ethu nethu ha gu vbweta Nungungulu wanu; kha nga idzo mu girago enu, ethu nethu hi ngu ningela miphaselo gukhugela litshigu lile Esari-Hadhomi, mufumeli wa Asiriya a hi rumedego eno.”

Ezira 4:24

Khavbo avbo, va di diga thumo nya guvbahe Nyumba ya Nungungulu Jerusalema, yi ema kala mwaga nya wuvili nya gufume ga Dhariyo, mufumeli wa va Perisiya.

Ezira 5:1

Vaprofeti Agewu ni Zakariya mwamana wa Idho, va di profeta ga Vajudha va nga bani vari Jerusalema ni Judha; va di va profeta khu lina la Nungungulu wa Israyeli.

Ezira 5:3

Khu gikhati gyogyo, gu dita gwawe Tatenayi, mwamangulu wa khisikheyi nya tsongo, ni Setari-Bhozinayi gumogo ni vamata vaye vata va embela kharati, khavo: Khu mani a mu ningidego nayo nya guvbahe nyumba yeyi, na gu si gu wusedzwi likhokhola leli?

Ezira 6:14

Madhota nya Vajudha va di simama gu vbahedza Nyumba na va salade, na va gu tiyiswa khu wuprofeti wa muprofeti Agewu ni Zakariya mwamana wa Idho, va vbedza gu yi vbaha kha nga guruma ga Nungungulu wa na Israyeli, gumogo ni guruma ga Kiro, Dhariyo ni Aritasesi vafumeli va Perisiya.

Nehemiya 12:1

Khavo ava vaphasi nya mhamba ni va na Levhi va widego ni Zorobhabheli, mwamana wa Salatiyeli ni Jesuwa; Seraya, Jeremiya ni Ezira,

Nehemiya 12:10

Jesuwa a di velega Joyakimi, Joyakimi, a velega Eliyasibhi, Eliyasibhi, a velega Joyadha,

Nehemiya 5:14

Gukhugela litshigu nyi wumbedwego gu khala muthangeli nya litigo la Judha, gukhugela mwaga nya magumavili kala mwaga nya magumararu na mivili nya gufume ga mufumeli Aritaserisi, myaga yeyi nya likhumi na mivili, eni ni vandriyangu kha ha hodza guhodza gu lumbago muthangeli.

Nehemiya 7:7

Avo va nga wuya ni Zorobhabheli, khu Jesuwa, Nehemiya, Azariya, Rahamiya, Nahamani, Moridhekayi, Bhilisani, Misipereti, Bhigivhayi, Newumi ni Bhahana. Tengo nya vama va na Israyeli khowu:

Nehemiya 8:9

Avbo va nga yingisa magana yaya nya milayo, vathu vatshavbo va di lila. Aholu Nehemiya, a nga bani nari mwamangulu, Ezira nari muphasi nya mhamba bwelo khavbo nari mulovi, gumogo ni va na Levhi va nga bani na va gu hevbudza vathu, va di embela gidzemo, khavo: “Litshigu leli li agisedwe Pfhumu Nungungulu wanu, mu nga tshaniseki ambari gulila.”

Ekisodha 4:13

Aholu Mosi a di hakha, khuye: “Nyi divalele, Pfhumu yangu, rumela mumbe u na mu manago guvbindra eni.”

Agewu 1:12

Khu guralo, Zorobhabheli, mwamana wa Salatiyeli, ni Josuwa, mwamana wa Jozadhaki, muphasi nya khongolo nya mhamba, ni yatshavbo mitshaledwa nya vathu, avbo va ngapwago lito la Pfhumu Nungungulu wawe, ni magana ya muprofeti Agewu, a nga ma ganelago khu gu rumedwa khu Pfhumu Nungungulu wawe, vatshavbo va di thava mbeli ga Pfhumu Nungungulu.

Agewu 1:14

Khu guralo, Pfhumu Nungungulu, a di khendzugisa liphuvbo la Zorobhabheli, mwamana wa Salatiyeli, mwamangulu wa Judha, ni liphuvbo la Josuwa, mwamana wa Jozadhaki, muphasi nya khongolo nya mhamba, ni liphuvbo la mitshaledwa yatshavbo, va ta thuma thumo nya guvbahedze Nyumba ya Pfhumu Nungungulu, nya Tshivba Yatshavbo, Nungungulu wawe,

Agewu 1:15

khu litshigu nya magumavili na mana matshigu nya ngima nya livbandre na moyo, khu mwaga nya wuvili nya gufume ga Dhariyo.

Agewu 1:2

“Pfhumu Nungungulu nya Tshivba Yatshavbo a ngu ganela kharati, khuye: Vathu vava, va gu ganela, khavo: Gi si gu vbohi gikhati, hi yelago guvbahedza khigyo Nyumba ya Pfhumu Nungungulu.”

Agewu 1:3

Khu guralo, magana ya Pfhumu Nungungulu, ma dita khavbo nya thumo nya wuprofeti wa Agewu, khuye:

Agewu 2:10

Khu litshigu nya magumavili na livbandre na mana nya ngima nya livbandre na wu na, khu mwaga nya wuvili nya gufume gwa Dhariyo, lito la Pfhumu Nungungulu, li dzude khu ga muprofeti Agewu, a ganela, khuye:

Agewu 2:20

Mahungu ya Pfhumu Nungungulu ma dita nya wuvili avbo ga Agewu, khu litshigu nya magumavili na mana nya ngima, a mu embela, khuye:

Agewu 2:21

Embela Zorobhabheli, mwamangulu wa Judha, khuwe: Nyi na tsekatsekisa ndzadzini ni mafuni,

Agewu 2:4

Khu guralo, olu dzi garadze uwe Zorobhabheli; a ngu ganela Pfhumu Nungungulu, dzi garadze nuwe Josuwa, mwamana wa muphasi nya khongolo nya mhamba Jozadhaki, dzi garadzeni nenu vathu vatshavbo va tigoni, a ngu ganela Pfhumu Nungungulu, thumani; kholu eni nyi womo gumogo nanu; a ngu ganela Pfhumu Nungungulu nya Tshivba Yatshavbo.

Zakariya 1:1

Khu ngima nya livbandre na miraru nya mwaga nya wuvili nya gufume ga Dhariyo, lito la Pfhumu Nungungulu li dita ga muprofeti Zakariya, mwamana wa Bherekiya, mwamana wa Idho, khilo:

Zakariya 3:1

Khu hwane nya ugo, Uye a di nyi yeyedza Josuwa, muphasi nya khongolo nya mhamba, na emide mbeli ga ngilozi ya Pfhumu Nungungulu, Sathane na emide khu nyamudye, gasi gu mu thuledza.

Malakiya 1:8

Khandri gunyenyeza gu nyi reselani sirengo nya gufe maho, nya guhase nesi nya gudwale, gani? Nga hongolani mu ya luva khiso ga mufumeli wago. Ina si na mu tsakisa? Ina a na mi hakhani gwadi, gani? A ngu ganela Pfhumu Nungungulu nya Tshivba Yatshavbo.

Luka 3:27

wa Johane, wa Rasayi, wa Zorobhabheli, wa Salatiyeli, wa Neri,