2 Samuweli 22:47 - Bhibhiliya Nya Guage

⁴⁷ A na vbanye Pfhumu Nungungulu, a na rungudzwe muvhikeli wangu a na khusedzwe Nungungulu, muvbanyisi wangu;

2 Samuweli 22:47 Iomraidhean Croise

2 Samuweli 22:3

Nungungulu wangu, giwindri gyangu nyi thavelago avbo; khuye gitshangu gyangu, tshivba nya guvbanyiswe gwangu; ni likhokhola langu li khusegidego Ama muvbanyisi wangu, u nyi vbanyiside, vbakari nya pfilupfilu.

Joba 19:25

Kholu nyi ngu dziti gukheni muvhikeli wangu a ngu vbanya, ni gukheni, guhegisani a na ema vbatshani nya mafu.

Dzindzimo 89:26

Uye a na nyi embela, khuye: “Uwe u babe wangu, u Nungungulu wangu, u muvhikeli ni muvbanyisi wangu.”

Dzindzimo 89:27

Eni nyi na mu phara kha nga gyanana gyangu nya matiwula, nyi mu khusedza vbatshani ga vafumeli nya litigo.

Ekisodha 15:2

Pfhumu Nungungulu khuye tshivba ni ndzimo yangu. Khuye muvbanyisi wangu. Khuye Nungungulu wangu, nyi na mu rungudza; Nungungulu wa vababe vangu; khu guralo, nyi na mu khusedza.

Luka 1:47

ni monyo wangu wu ngu nengela ga Nungungulu, Muvbanyisi wangu,