2 Samuweli 21:16 - Bhibhiliya Nya Guage

¹⁶ Isibhi-Benobi, moyo nya vadandrangulu, uye gulemela nya litshari laye li nga bani liri ni pimo nya dzikilu dzitharu dzisikulu nya sugu, na hungide giwununi litshari nya liphya, a di zama gu songa Dhavhidhe.

2 Samuweli 21:16 Iomraidhean Croise

Genesi 14:5

Khu mwaga nya likhumi na mina, Kedhorilawomeri a dita gumogo ni vafumeli vale a nga bani a pwananide navo, va ta pala Varefayi wulanga wu ranwago gupwani Asiteroti-Karinayimi; va vbindra va ya khinyela Vazuzi, wulanga wu ranwago pwani Hami; khu vbale, va diya pala Vaemisi wulanga wu ranwago pwani Savhe-Kiriyatani;

Genesi 6:4

Matshigu yoyo, ni matshigu ma landrelago, tigoni gu di romo vathu nya sidandrangulu ni tshivba, gikhati sivangwa sa ndzadzini si nga tshanganago ni vanyamahegyane va mafuni, va gu velega sanana, sanana sesi nya sidandrangulu, khu dzingwazi dzi nga pwala ndruma gu matshigu ya gale.

2 Samuweli 21:18

Khu hwane nya esi, gu manegide gambe yimbe nyimbi tigoni ga Gobhe, ni Vafilisitiya; khavbo avbo, Sibhekayi, nya Muhusati, a di songa Safi moyo nya sanana sa vadandrangulu.

2 Samuweli 21:20

Gu di manega yimbe nyimbi, tigoni ga Gati, avbo a nga bani na romo mwama moyo nya dandrangulu, limwedo ni limwedo nya mandza yaye ni moyo ni moyo ngondro waye nari ni livbandre na mweyo dzinyala, dzatshavbo dzi gira magumavili na dzina, oyu nuye a diri lifumbu nya vadandrangulu.

2 Samuweli 21:22

Ava nya vana va velegedwe khu vadandrangulu tigoni ga Gati, va thegide khu mandza ya Dhavhidhe ni mandza ya vathu vaye.

2 Samuweli 5:18

Vafilistiya, va di ta mbambamela kovani wa Refayimi.

Mitengo 13:22

Va di gwela khu Negebhi va vboha Hebroni, avbo va nga bani va romo Ayimani, Sesayi ni Talimayi, livelego la Anaki. Lidhoropa la Hebroni khilo li nga phela gu vbahwa, livbandre na mivili myaga na li si gu vbahwi la Sowani ga Egipito.

Mitengo 13:28

Aholu, vathu va vbanyago tigoni momo va na ni tshivba ngudzu, va na ni madhoropa nya makhongolo ngudzu ma bhiyidwego, iyoyo hi wonide gambe situgulwana sa Anaki.

Dhewuteronome 1:28

Hi na hongola hayi? Vandriyathu va hi pide hwambo, khavo: Vangi gambe sidandrangulu; madhoropa yakone makhongolo na ma bhiyidwe khu makhokhola kala damboni. Hi wonide gambe iyoyo vathu nya sidandrangulu sanana sa gidandrangulu Anaki.”

Dhewuteronome 2:10

Khu gale ga matshigu gu di gu vbanya tigoni ga Ari va na Emi, vathu nya tshivba ni wungi wawe, na vari ni giemo nya gulaphe kha nga situgulwana sa gidandrangulu Anaki.

Dhewuteronome 2:11

Avo va di tidwa kha nga va na Refayini, aholu avo va diri situgulwana sa Anaki; va na Mowabhi va di gu va rana khavo va na Emi.

Dhewuteronome 2:21

vathu nya gutale nya sidandrangulu kha nga Vaanaki; Pfhumu Nungungulu a di va mbembisa mbeli ga va na Amoni; avo, va di va tutumisa, va khala avo wulangani gwawe;

Dhewuteronome 3:11

Kholu Ogi, mufumeli wa Bhasani, khuye enga a nga bani na tshade nya lihundzu nya sidandrangulu, Varefayini; lidawu laye a diri la simbi li nga bani liri ni pimo nya livbandre na mina mikono gulapha, guanama li diri ni mikono mina, mayelano khu pimo wu nga bani wu thumiswa gikhati gyogyo. Li nga romo kala na muhuno.

Dhewuteronome 9:2

Vathu vaye nya gulaphe nya sidandrangulu, sanana sa Anaki, avo u vatigo gambe u pwidego na gu ganedwa, khavo pwani: Khu mani a va tiyelago va na Anaki?

Josuwa 11:22

Mwalo ni moyo basi nya muanaki a tshadego nya guvbanye tigoni ga sanana sa Israyeli; vbavbandze basi tigoni ga Gaza, Gati ni Asidhodhi khumo va tshadego vadugwana nya gukari.

Josuwa 15:14

Kalebi a di tutumisa sanana siraru sa Anaki madhoropani mule, a gu esi: Sesayi, Ayimani ni Talimayi.

1 Samuweli 17:7

Vbini nya giholoma gyaye wu di gu fanana ni giwiliwindzi nya gulugele myendra, tshoka yaye yi di gu lemela pimo nya livbandre na limwedo mazana nya sikulu nya dzisimbi. Muphari waye nya matshari a di gu thanga mbeli gwaye.