2 Samuweli 20:16 - Bhibhiliya Nya Guage

¹⁶ Khavbo avbo, nyamayi moyo nya gugengele a di laledza nari khu ndrani nya lidhoropa, khuye: “Yingisani, yingisani; embelani Jowabhi, khenu a vbohe eno gasi nyi ta ganela naye.”

2 Samuweli 20:16 Iomraidhean Croise

2 Samuweli 14:2

a di rumela va mu resela khu Tekowa, nyamayi moyo nya gugengele ni guti ata mu embela, khuye: “Gira gukhwatshi wa gu vbisega ngudzu, u ambala dzitshalu nya gililo, u nga toli mafura, dzi gire kha nga khwatshi u malile khu gale khu kotani nya gufedwe.

2 Samuweli 20:17

Avbo a vbohidego avbo gwaye, nyamayi a di mu wudzisa, khuye: “Khuwe Jowabhi, gani?” Uye a di hakha, khuye: “Kheni.” Nyamayi a mu embela, khuye: “Yingisa magana ya githumi gyago.” Uye, khuye: “Nyi ngu yingisa.”

2 Samuweli 20:22

Nyamayi khu guti gwaye a diya tshangana ni vathu vatshavbo, va pila hungo wa Sebha, mwamana wa Bhikiri, va ya rinyela Jowabhi. Khavbo avbo, Jowabhi a di womba pundru, va di duga khu dhoropani muthu ni muthu a hongola tshatshani gwaye, Jowabhi nuye a di bwelela Jerusalema ga mufumeli.

Dhaniyeli 2:14

Khavbo avbo, Dhaniyeli a di ganela khu wusingalagadzi ni guti, ga Ariyoki, ndruna nya vavhikeli va mufumeli, uye a nga bani na ningidwe nayo nya gusonge vagengeli va tigoni ga Bhabhiloni.

1 Samuweli 25:3

Lina la mwama yoyo a diri uye Nabhali, mwangadzi waye a diri uye Abhigayili. Nyamayi yoyu a di gengede ni gumbura; aholu mwama waye a diri muthu nya makolo ni dzihanyi; nari wa nyumbani ga Kalebi.