2 Samuweli 20:10 - Bhibhiliya Nya Guage

¹⁰ Amasa kha nga khedza gwadi litshari li nga bani liri mandzani ga Jowabhi, uye a di mu paya khilo girumbu mahembe yaye ma vbalaga vbavbatshi. Kha nga engedza gu mu paya gambe nya wuvili, a di dzegela gufa. Khavbo avbo, Jowabhi ni ndriyaye Abhisayi, va di lundra Sebha, mwamana wa Bhikiri.

2 Samuweli 20:10 Iomraidhean Croise

Genesi 4:8

Kayimi a di embela ndriyaye Abheli, khuye: “Hongole thembweni hi ya pepa.” “Na va vbohide thembweni, Kayimi a di wugela ndriyaye Abheli a mu songa.”

2 Samuweli 2:23

Ambari khu guralo, Asayeli a di bomba gu ndreya; khavbo avbo, Abhineri a di mu paya khu tshokha nya litshari khu vbambambotunu, litshari li di vbondza khu hwane gwaye a thega afela avbovbo. Vatshavbo avo va nga bani va gu vbindra khu wulanga wule a nga thegela avbo Asayeli afa, va diya ema.

2 Samuweli 20:9

Khavbo avbo, Jowabhi a di embela Amasa, khuye: “Ndriyangu, u nga gu vbanya gwadi, gani?” Jowabhi a di mola giledzu gya Amasa khu mandza ya nyamudye gasi gu mu bhejari.

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

1 Dzikoronika 12:2

Va di somide malaho ni gu kodza gu rinya siwindri khu nyamudye ambari khu nyambade, ni gu khwandra siholoma. Va diri vandruye va Sawule, nya lihundzu la na Bhejami.

Jeremiya 41:2

Ismayeli, mwamana wa Netaniya, gumogo ni likhumi vama va nga bani va mu bangaladza, va di khuga va songa Gedhaliya, mwamana wa Ayikamo, mwamana wa Safani, khu litshari, va songa wule a nga vegwago khu mufumeli wa Bhabhiloni gu khala mwamangulu nya litigo.

Mitengo 35:20

Khu guralo, muthu nya gukari, khu kotani nya lidiwo, a liginya mumbe, mwendro gu mu veta khu gimbe gilo khu gu vengana naye, uye afa,

Valamuli 3:15

Khavbo avbo, va na Israyeli va di lila gambe ga Pfhumu Nungungulu, uye Pfhumu a di va emisela mutshudzisi, a gu Ewudhi, mwamana wa Gera, nya lihundzu la Bhejami, mwama nya guthume khu nyambade. Va na Israyeli, va di rumela khu mandzani gwaye, miningelo nya guluve Egiloni, mufumeli wa na Mowabhi.

Valamuli 3:21

Khavbo avbo, Ewudhi a di homola litshari nyongani gwaye ya nyamudye, a mu paya girumbu,

1 Samuweli 26:8

Khavbo avbo, Abhisayi a di embela Dhavhidhe, khuye: “Nungungulu muhuno ningede mandzani gwago nala wago, nyi dige nyi mu paya gumogo khu litshari nyi li vbondzisa mafuni; kha gu na vbwetega gu mu engedza gambe.”