2 Samuweli 16:23 - Bhibhiliya Nya Guage

²³ Matshiguni yale, magana nya nga aya ma nga ganedwa khu Ayitofeli, gu di khwatshi, magana ya Nungungulu, a diri nayo wa Ayitofeli a nga bani a gu ninga ga Dhavhidhe ambari ga Abhisalamo.

2 Samuweli 16:23 Iomraidhean Croise

2 Samuweli 15:12

Avbo Abhisalamo a nga bani a ningela miphaso, a di rana Ayitofeli nya Mugiloni, a nga bani nari moyo nya madhota ya Dhavhidhe nari dhoropani gwaye gwa Gilo. Gikungo gegi gi di tiya kholu, tengo nya vathu va nga bani va ema ni Abhisalamo wu di engedzelana gutala.

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 17:1

Ayitofeli a di engedza a embela Abhisalamo, khuye: Nyi dzumedzise nyi hatha likhumi na mavili magumi mazana (12.000) vama, nyi landra Dhavhidhe wutshigu wowu.

2 Samuweli 17:14

Abhisalamo ni vatshavbo va na Israyeli, va dipwa gikungo gya Husayi Muaraki nari gyadi gu vbindra gya Ayitofeli. Kholu Pfhumu Nungungulu a di gode gukhuye gi fuviswa gikungo nya gyadi gya Ayitofeli, gasi Abhisalamo a kodze gu thegedwa khu libango.

2 Samuweli 17:23

Avbo Ayitofeli a nga wonago gukhuye makungo yaye kha ma landriswa, a di ghabhatisa buru yaye, a khuga a hongola dhoropani gwawe. A di mana sileletelo satshavbo sa ndrangani gwaye; khu hwane aya dzi hunga afa, a dzingwa thowoni ga babe waye.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Joba 5:12

Uye a ngu Pfhungumula makungo ya va nya mano, gasi mandza yawe ma si dugeleli ga makungo yawe.

Dzindzimo 19:7

Nayo wa Pfhumu Nungungulu wu lulamide, wu ngu hefemudza monyo; wufakazi wa Pfhumu Nungungulu wu tiyide, gihevbudzo ga oyu nyambati gilo.

Dzindzimo 28:2

Yingisa lito langu nya gudilele gikhati nyi lilago avbo gwago, gikhati nyi khusedzago mandza, Pfhumu Nungungulu nyi nonedze wulanga wago nya guage ngudzu.

Muhevbudzi 10:1

Phuga nya gufe yi ngu kodza gu ghoha mafura nya gunungele, kharato nugo wupumbu wudugwana wu ngu kodza gu ghoha wugengeli ni wuzundzo nya muthu nya guti.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 8:9

Va nya guti va na thedwa dzitshoni, va na ndrendremela va modwa; kholu va hambanide ni magana ya Pfhumu Nungungulu; gasi guti muni gogo va gu nago?

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

Luka 16:8

Pfhumu yi di zundza muthangeli wule nyamba tumbega khu wugengeli waye. Khu lisine, vathangeli nya silo nya mafu va gengede guvbindra vathangeli nya silo sa Nungungulu umo nya wugwewo wawe ni vathu vakwawe.

Varoma 1:22

Va gu dzi randra vathu nya guti, aholu na vari sipumbu.

1 Pedro 4:11

Oyu a tivisago, a na tivise Mahungu ya Nungungulu. Oyu a thumago, a na thume khu tshivba a ningwago khu Nungungulu. Girani kharati gasi mithumoni yanu yatshavbo a rungudzwe Nungungulu khu ga Jesu Kristo, a gu na ni wudhumo ni tshivba kala gupindruga! Amen.

1 Samuweli 30:8

Khavbo avbo, Dhavhidhe a di wudzisa ga Pfhumu Nungungulu, khuye: “Nyi ngu yela gu lundra tsawa yoyu nya sighevenga, gani? Nyi na va mana, gani?” Khavbo avbo, Pfhumu Nungungulu a di mu hakha, khuye: “Va landre, kholu nyi ngu tiyisa gukheni u na va mana u tshudzisa vatshavbo.”