2 Samuweli 15:10 - Bhibhiliya Nya Guage

¹⁰ Abhisalamo a di rumela myango yi ya lembedza mahundzu yatshavbo ya na Israyeli, a va embela, khuye: “Mwa gupwani gudzuma nya pundru, mu na ganelani, khenu: Abhisalamo fumide Hebroni!”

2 Samuweli 15:10 Iomraidhean Croise

2 Samuweli 13:28

Abhisalamo a di leletela madzaha yaye, khuye: Khedzani gwadi, gikhati monyo wa Amoni wu na gu bani wu tsakide khu wadwa, eni nyi na mi embelani, kheni: Songani Amoni, enu mu songeni nyambana hwanga, kholu kheni nyi mi rumago! Tiyani mu khale vama nya dzindrena.

2 Samuweli 14:30

Khavbo avbo, Abhisalamo a di embela sithumi saye, khuye: “Wonani, lithembwe la Jowabhi ilo li dinganidego ni langu li na ni sivbila, indrani mu ya li vbisa khu nilo.” Sithumi sa Abhisalamo si diya li vbisa.

2 Samuweli 15:9

Khavbo avbo, mufumeli a di mu embela, khuye: “Indra khu gurula.” Khavbo avbo, uye a di khuga a hongola Hebroni.

2 Samuweli 19:10

Abhisalamo uye hi nga mu todzago hi mu emisa mbeli gwathu, uye fude nyimbitunu; olu khu ginani mu degulago mu si vbweti makungo nya gu wuyise mufumeli.”

2 Samuweli 2:1

Khu hwane nya esi, Dhavhidhe a di wudzisa ga Pfhumu Nungungulu, khuye: “Ina nyi na gwela ga lidhoropa nya gukari la Judha, gani?” Pfhumu Nungungulu a di mu hakha, khuye: “Indra.” Dhavhidhe, khuye: “Nyiya hayi?” A di phindrudwa gupwani: “Hebroni.”

2 Samuweli 2:11

Matshigu Dhavhidhe a fumidego, a nga fumago linyumba la Judha dhoropani ga Hebroni, ma diri livbandre na mivili myaga ni livbandre na moyo migima.

2 Samuweli 5:5

A fumede va na Judha dhoropani ga Hebroni livbandre na mivili myaga ni livbandre na moyo migima, a fumela Jerusalema magumararu na miraru myaga va na Judha ni Israyeli watshavbo.

1 Dzipfhumu 1:11

Khavbo avbo, Natani a di embela Bhate-Sebha, mayi wa Solomoni, khuye: “Khwa dzipwa gilo nya gupwani Adhoniya, mwamana wa Hagiti, a ngu fuma, mufumeli wathu Dhavhidhe, na si dziti, gani?

1 Dzipfhumu 1:34

Iyoyo, muphasi nya mhamba Sadhoki, ni muprofeti Natani, va naya mu todza khu mafura a khala mufumeli wa na Israyeli. Khavbo avbo, mu na womba pundru mu ganela, khenu: A na vbanye mufumeli Solomoni!

2 Dzipfhumu 9:13

Khavbo avbo, va di dzegela gu; muthu ni muthu a dusa mwendra waye a wu ladza vbavbatshi nya migondro yaye gasi gu gira sigandro, va womba pundru va huwelela, khavo: “Jewu a ngu fuma!”

1 Dzikoronika 11:3

Khu guralo, madhota yatshavbo ya na Israyeli ma dita wonana ni mufumeli dhoropani ga Hebroni; ni Dhavhidhe a di gira navo gidzumeledzwano Hebroni, mbeli ga Pfhumu Nungungulu. Va di todza mafura Dhavhidhe gasi a khala mufumeli wa Israyeli kha nga guganela ga magana ya Pfhumu Nungungulu, a nga ma rumelago khavbo ga Samuweli.

1 Dzikoronika 12:23

Oyu khu tengo nya vama va ngatago ga Dhavhidhe dhoropani ga Hebroni, na va somide gasi guta mu dandrisa a khala mufumeli, vbawulangatunu ga Sawule, kha nga guruma ga Pfhumu Nungungulu.

1 Dzikoronika 12:38

Tengo watshavbo yoyu nya vama nya nyimbi va di yiswa Hebroni, na va sasamedzedwe khu sikwata nya nyimbi, na va dzi emisede khu monyo wawe watshavbo guya emisa Dhavhidhe gu khala mufumeli wa Israyeli; ni va na Israyeli vatshavbo; ni mitshaledwa yatshavbo ya Israyeli, va di dzi emisede guya pharisa Dhavhidhe ndronga nya wufumu.