2 Dzipfhumu 4:1 - Bhibhiliya Nya Guage

¹ Nyamayi moyo, wa vbakari ga vagadzi va vapizane va vaprofeti, a di lila ga Elizewu a mu embela, khuye: “Githumi gyago, mwama wangu, fude; uwe u ngu dziti gwadi gukhuwe githumi gyago gi di gu thava Pfhumu Nungungulu, olu vbohide uye a nga bani nari ni mangava naye guta dzega sanana sangu sa sivili gasi guya si gira dzikhumbi.”

2 Dzipfhumu 4:1 Iomraidhean Croise

Genesi 22:12

Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

1 Dzipfhumu 18:3

Akabi a di rana Obhadhiya, musayisi nya nyumba yaye nya wufumu, muthu a nga bani a ninga githawo Pfhumu Nungungulu.

1 Dzipfhumu 20:35

Moyo nya sanana sa vaprofeti, khu guruma ga Pfhumu Nungungulu, a di embela moyo nya vabangaladzi vaye, khuye: “Nyi vete gibhakela; aholu mwama wule a di bomba gu mu veta.

2 Dzipfhumu 2:15

Vapizane va vaprofeti va nga bani va khade thonono ni Jeriko, na va mu wone, va di khavo: “Liphuvbo la Eliya li mbakide vbatshani ga Elizewu.” Va di mu khinga va ya mu khidzimela va thega khu dzikhovbe mbeli gwaye.

2 Dzipfhumu 2:3

Khavbo avbo, sanana sa vaprofeti si nga bani na siri Bheteli, si di duga si khinga Elizewu sita, khiso: “Ina u ngu dziti nya gukhuwe muhuno Pfhumu Nungungulu a na gu dzegela mune wago, gani?” Uye a di va embela, khuye: “Eni neni nyi ngu siti gwadi, aholu degulani.”

2 Dzipfhumu 2:5

Khavbo avbo, sanana sa vaprofeti si nga bani siri Jeriko, si di hidzimela ga Elizewu si ta, khiso: “Ina u ngu dziti nya gukhuwe muhuno Pfhumu Nungungulu a na gu dzegela mune wago a mu khusedzela vbatshani, gani?” Uye a di hakha khuye eni neni nyi ngu dziti, degulani.

2 Dzipfhumu 2:7

Avo va nga hongola va diri livbandre magumi vama nya sanana sa vaprofeti, va ya ema khu hwindzo gwawe va khedzana navo, avo navo khu wuvili wawe va ema khu bambe ga Joridhani.

2 Dzipfhumu 4:38

Khu hwane nya esi, Elizewu a di bwelela Giligali. Tigoni mule gu diri ni ndzala, avbo vapizane va vaprofeti va nga bani va khade mbeli gwaye, a di embela githumi gyaye, khuye: “Tshelega khali nya yikhongolo niloni, u phulela guhodza nya mitongwe vapizane va vaprofeti.”

2 Dzipfhumu 6:9

Aholu muthu wa Nungungulu a di rumela guya tivisa mufumeli wa Israyeli, khuye: “Dzi wonele, u nga vbindri khu wulanga wule; kholu Vaasiriya va relede vbale.”

Nehemiya 10:31

bwelo khavbo vathu vovo, va gu resa wugwewo mwendro ni levbini lifumbu nya silo nya guhodzwe khu litshigu nya Sabhadho guta rengisa, hi si va rengeli khu litshigu lolo, ambari khu limbe litshigu li agisedwego Pfhumu Nungungulu, gima kha hi na renga; ni gukhavo khu mwaga nya livbandre na mivili, malime yathu hi na ma hefemudza hi si ma limi, bwelo khavbo hi si henguli ni mevbini mangava.

Nehemiya 7:2

Nyi di vega ndriyangu Hanani, ni Hananiya, muthangeli nya likhokhola, gasi gu khala vakheviseli va Jerusalema; kholu Hananiya a diri mwama a tumbegidego guvbindra vathu vatshavbo, nari ni githawo ni Nungungulu;

Dzindzimo 103:11

Kha nga idzo ndzadzini a gu hwindzo ni mafuni, kharati nilo lihaladzo laye likhongolo ga vale va mu ningago githawo.

Dzindzimo 103:17

Aholu, wuhindzi wa Pfhumu Nungungulu, wu ngu simama kala gupindruga ga vale va mu ningago githawo, gululama gwaye gu ngu wonega kala ga situgulwana sawe;

Dzindzimo 115:13

A na kategisa avo va khodwago ga Pfhumu Nungungulu, avo nya vadugwane ni ava nya vakhongolo.

Dzindzimo 147:11

Pfhumu Nungungulu a gu tsakiswa khu vale va gu ni githawo gwaye, ni vale va tumbago wuhindzi waye.

Mavingu 22:7

Gisiwana gya gufumedwa khu gitetema, ni uye a fiyarigo mangava, a gu khala khumbi ya mufiyarisi.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Muhevbudzi 8:12

Gighohi gya gu ghoha lizana dzinyondro, ambari gya gu vbanya matshigu nya gutale mafuni, eni nyi ngu dziti khu lisine gukheni avo va thavago Nungungulu va na dugelela, kholu va ngu mu thumela.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 34:14

Hwane nya livbandre na mivili myaga, muthu ni muthu a ngu yela gu tshula ndriyaye nya Muhebheru nga rengisedwago, na gu thumede livbandre na moyo myaga, u ngu yela gu mu tshula. Aholu, vababe vanu kha va nyi yingisa, ambari gu khathala.

Levhi 25:48

hwane nya gu bani a dzi rengiside, a na ni fanelo nya gu dzegiswe; moyo nya vandriyaye a ngu dzi kodza gu mu dzegisa.

Malakiya 3:16

Va di ganela khu gyawe kharati vale va thavago Pfhumu Nungungulu. Aholu Pfhumu Nungungulu a di riya ndzeve a yingisa. Mbeli gwaye gu lovidwe libhuku nya sialakanyiso, sa vale va thavago Pfhumu Nungungulu, va tumbago lina laye.

Malakiya 4:2

Aholu gwanu enu mu ningago githawo lina langu, gu na ngangamela lidambo nya wululamo li na resago guvbanyisa dzimbapini gwaye; enu mu na duga na mu gu ndragandraga kha nga simombyana si dugago khu phandroni.

Matewu 18:25

Kha nga ulo a nga bani ari mwalo dzitsapawu nya gulivbe khidzo, pfhumu yile yi di ruma khiyo a rengiswe uye ni mwangadzi waye, ni sanana, ni thomba yaye yatshavbo, gasi gu mana iso nya gulivbe khiso mangava.

Matewu 18:30

Aholu uye kha nga dzumela; a di mu khothela pasoni kala a gu livba mangava yatshavbo.

Matewu 18:35

Khidzo kharati a na gu mi girago Babe wangu a guromo Ndzadzini, muthu ni muthu a gumba tsetselela khu monyo nya wadi ndriyaye.”

Mithumo 13:26

“Vandruye, mu gu sanana nya melego wa Abrahama, ni ava va guromo vbakari gwanu, va ningago githawo Nungungulu, mahungu yaya nya guvbanyise ma gu rumedwa avbo gwathu.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

Gutuledwa 19:5

Khu vbagikhalotunu nya mufumo gu di duga lito, khilo: “Rungudzani Nungungulu wathu, enu mwatshavbo sithumi saye, enu mu gu ni githawo gwaye, nya vadugwana ni vakhongolo.”

Rute 1:3

Elimeleki mwama wa Nowemi a difa; a tshala mwangadzi waye ni sanana saye sa sivili.

1 Samuweli 22:2

Vatshavbo vale va nga bani vari ni sigaradzo, ni vatshavbo vale va nga bani vari ni milandru gumogo ni vale va sa tsakago, va di ya tombana gwaye; uye a di khala muthangeli wawe. Va diromo gipimo nya mazana mana (400) vama a nga bani ari navo.