2 Dzipfhumu 16:5 - Bhibhiliya Nya Guage

⁵ Khavbo avbo, Rezimi, mufumeli wa Siriya ni Peka, mwamana wa Remaliya, mufumeli wa Israyeli, va di gwela Jerusalema gu ya mu dhumela; va randrela Akazi, aholu kha va nga mu pala.

2 Dzipfhumu 16:5 Iomraidhean Croise

2 Dzipfhumu 15:37

Khu matshigu yoyo, Pfhumu Nungungulu a di phela gu rumela Rezimi, mufumeli wa Asiriya ni Peka, mwamana wa Remaliya, gu ya dhumela Judha.

Isaya 8:6

“Kha nga olu vathu vava va yeyisidego mati ya Silowe, ma gogago gwadi khu gutenga, va tsakiswa khu Rezimi ni mwamana wa Remaliya,

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

1 Dzipfhumu 11:36

Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

1 Dzipfhumu 15:4

Ambari khu kharato, khu lihaladzo ga Dhavhidhe, Pfhumu Nungungulu waye, a mu ningide mwenge nya guwenengedze Jerusalema, hwane gwaye, a di emisa mwanaye a tiyisa Jerusalema.

Ezekiyeli 16:57

na gu si gu huweledwi guvivba gwago. Olu, u khade kha nga uye, gilo nya gihegiso ga vanyamahegyane va Vaasiriya ni ga vatshavbo va vbafuvbyana gwaye vanyamahegyane va Vafilisitiya va nga bani va gu hembulula khu maphuvbo yatshavbo.