2 Dzipfhumu 1:9 - Bhibhiliya Nya Guage

⁹ Khavbo avbo, mufumeli a di vbiredza gu mu rumela muthangeli waye nya gikwata nya livbandre magumi, gumogo ni masotshwa yaye nya livbandre magumi. Aya ga Eliya a nga bani na khade tshokatunu nya gigomo, a mu embela, khuye: “Muthu wa Nungungulu, mufumeli a leletede gukhuye u tshiga khu guvbiredza!”

2 Dzipfhumu 1:9 Iomraidhean Croise

1 Dzipfhumu 17:18

Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

1 Dzipfhumu 18:10

Nyi ngu sambanya khu Pfhumu Nungungulu wago a vbanyago kheni, li mwalo litigo ambari mufumo omu mune wangu a ngamba rumela vathu gu gu vbweta, aholu va ta mu tivisa gukhavo kha va gu mana. Uye a di gurumedza mifumo ni mayigo, gu sambanya gukhavo uwe u mwalo iyo gwawe.

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

1 Dzipfhumu 18:42

Akabi a di gwela aya hodza ni gu sela, aholu Eliya a di gwela tshokatunu nya gigomo gya Karimelo, aya noga vbavbatshi, khovbe yaye a yi thela mazoloni gwaye.

1 Dzipfhumu 19:2

Khavbo avbo, Jezabheli a di rumela mwango guya embela Eliya, khuye: “Vanungungulu va na nyi songe, gya gu vboha gikhati gegi mindru na nyi si gu giri womi wago nya nga edzi uwe u giridego uwo wa vaprofeti.”

1 Dzipfhumu 22:8

Khavbo avbo, Akabi, mufumeli wa Israyeli, a di embela Josafati, khuye: “Womo mumbe mwama nya gupwani khu Mikeya, mwamana wa Inila, khavbo gwaye gu ngu kodzega gu wudzisa Pfhumu Nungungulu. Aholu eni nyi ngu mu nyenya, kholu uye gima a si nyi profeteli silo nya sadi, aholu a gu nyi embela iso nya guvivbe gikhati gyatshavbo.” Josafati, a di mu embela, khuye: “U nga ganeli kharato.”

2 Dzipfhumu 2:25

Khu vbale, uye a di gwela gigomoni gya Karimelo; aya khuga khavbo a wuya Samariya.

2 Dzipfhumu 4:25

Nyamayi a di khuga a hongola ga muthu wa Nungungulu, gigomoni gya Karimelo; avbo muthu wa Nungungulu a nga mu wona na ngari hwindzo, a di embela githumi gyaye Geyazi, khuye: “Khu mu woni wule nyamayi nya Musunami.

Jeremiya 35:4

Nyi di va yisa Nyumbani ga Pfhumu Nungungulu, muhubheni ga sanana sa Hanani, gyanana gya Jigadaliya, muthu wa Nungungulu, a khadego vbafuvbi ni wulanga nya manganagana, gu khadego khu vbatshani nya nyumba ya Maseya, mwamana wa Salumi, ghadhi ya vbanyangwatunu.

Amosi 7:12

Khu guralo, Amaziya, a di embela Amosi, khuye: Uwe muwoni nya misihalo! Khuga avba, kha nyi gu vbweti! Thavela tigoni gwa Judha; umo u na guya manago guhodza u naya gira iyoyo wuprofeti wago.

Matewu 14:3

Khaguva khuye Herodhi a nga rumela gu modwa Johane a hungwa dzitshinga, a thedwa pasoni, khu kotani ya Herodhiya, mwangadzi wa ndriyaye, Filipi.

Matewu 26:68

“A ma Kristo wa gu bani uri muprofeti, nga tumba, khu mani a nga gu veta.”

Matewu 27:29

va di luga gihugu nya miba va mu ambagisa, va mu pharisa sengele khu libogo la nyamudye. Va di vbindra khu khovbeni gwaye, va mu khidzimela, va mu kasuwari, khavo: “Sewe, Mufumeli wa Vajudha!”

Marko 15:29

Vavbindri nya ndzila va di mu vala na va gu khiniga mihungo, khavo: “Ah! Uwe u pfhungumulago Nyumba ya Nungungulu u yi vbahedza khu matshigu mararu!

Marko 15:32

Uye Mesiya, Mufumeli wa Israyeli, a na tshige khu vbagihambanotunu, gasi hi mu wona, hi khodwa gwaye.” Ni vale a nga khokhothedwago navo, va di mu vala navo.

Luka 9:54

Khavbo avbo, vapizane va Jesu, Jakobe ni Johane, na va wonide esi, va di khavo: “Pfhumu, u ngu dzina gukhuwe hi ranise nilo wa Ndzadzini gasi vata dagarela, gani?”

Vahebheru 11:36

Vambe va di poyidwa, va khinyedwa. Vambe va di hungeledwa va thedwa mapasoni.

1 Samuweli 19:21

Avbo a nga tiviswago esi, Sawule a di rumela vambe vathu, avo navo va di guprofeta; khavbo avbo Sawule a di rumela gambe tsawa nya wuraru, avo navo diya guprofeta.