1 Thimoti 5:1 - Bhibhiliya Nya Guage

¹ U nga kawuki ni gu ronogela muthu nya khongolo nya guvbindre uwe, aholu, mu kawuke nga babe wago. Madzaha ma kawuke nga vandriyago.

1 Thimoti 5:1 Iomraidhean Croise

Levhi 19:32

U na khuga u ema u ninga githawo vathu nya dzinvi; mu ninga githawo vathu vakhongolo. Thava Nungungulu wago. Eni kheni Pfhumu Nungungulu.

Matewu 23:8

Gasi enu mu nga dzumelini gu ranwa Muhevbudzi khu muthu, kholu muhevbudzi wanu moyo basi; enu mwatshavbo mu vandruye.

Mithumo 14:23

Na va giride milombelo ni gu hala, va di hatha madhota khu libandla ni libandla va gu ma vega mandzani ga Pfhumu va khodwego gwaye.

Mithumo 15:4

Na va vbohide Jerusalema va di hakhwa gwadi khu libandla, ni Vapostoli, ni madhota, va tshamusela siliwugiso Nungungulu a nga girago khu avo.

Mithumo 15:6

Vapostoli ni madhota va di tshangana gasi gu hevbula mahungu yaya.

Mithumo 20:17

Pawulo, khu Mileto a di rumela mwango guya ranisa madhota nya libandla la Efeso, va ta wonana naye.

Varoma 13:7

Khavbo avbo, livbani muthu ni muthu esi a gu fanelo. Livbani mikhupo ni gikhaba ni mihengo ga vale mu gu ni fanelo nya gu va livbe; ningani githawo vale va gu ni fanelo nya guningwe githawo, mu gu rungudza wule a fanelago gu rungudzwa.

Vagalatiya 6:1

Vandriyangu, mwa gu wonani gukhenu moyo wanu ghohide, enu mu vbanyago khu Liphuvbo la Nungungulu mu kawukeni khu gwadi, mu gu mu khongotela kala a wuya ndzilani nya lisine. Mu dzi wonela gasi mu si lingwi nenu.

Dhewuteronome 33:9

wule U nga embelago babe ni mayi waye, khuwe: Gima nyi si gu mi woni; ni vandriyaye kha nga vati, uye a si khathaleligo sanana saye, kholu vegedzide magana yago ni gu landrisa gidzumeledzwano gyago.

1 Thimoti 5:17

Vathangeli nya libandla, vale va thumago gwadi thumo wawe, va ngu yela gu zundzwa guvbindra pimo, ngudzungudzu ava va tshumayelago ni gu hevbudza.

1 Thimoti 5:2

Vega githawo ga vanyamayi nya vakhongolo, nga vamayi; vale nya dzimbiri, nga vandriyago, khu githawo nya gikhongolo.

Tito 2:2

Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela.

Tito 2:6

Laya madzaha ma dzi vegisa nayo.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

Jakobe 5:14

A gu bani a gu dwala muthu, a na rane vathangeli nya Libandla vata gira milombelo ni gu mu todza mafura khu lina la Pfhumu.

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

2 Johane 1:1

Eni lidhota nyi ngu lovela singalagadzi a hathidwego ni sanana saye, avo nyi va golago khu lisine; nasiri eni basi, aholu ni vatshavbo vale va litigo lisine, va ngu mi golani.

3 Johane 1:1

Eni, lidhota nya Libandla, nyi ngu losa Gayo nyi mu golago khu lisine.

Gutuledwa 4:4

Na si randrede gikhalo gegi nya wufumu, si diromo magumavili na sina sikhalo nya wufumu, avbo gu nga bani gu khade magumavili na mana madhota, ma na ambade dzingandzu nya guage ni sihugu nya wufumu, nya gugirwe khu ndralama.