1 Thimoti 4:6 - Bhibhiliya Nya Guage

⁶ Wa gu hevbudza vandriyathu mahungu yaya u na khala muphasedzeli nya gutumbege wa Kristo Jesu. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego.

1 Thimoti 4:6 Iomraidhean Croise

Dzindzimo 19:7

Nayo wa Pfhumu Nungungulu wu lulamide, wu ngu hefemudza monyo; wufakazi wa Pfhumu Nungungulu wu tiyide, gihevbudzo ga oyu nyambati gilo.

Mavingu 4:2

Kholu gihevbudzo nyi mi ningago khyadi, khu guralo, mu nga tshuki mu hambana ni nayo wangu.

Jeremiya 15:16

Avbo nyi nga mana magana yago, ayo ma di khala guhodza gwangu; ayo ma di khala litsako ni gunengela nya monyo wangu, kholu nya gu ranwa khu lina lago, uwe Pfhumu Nungungulu nya Tshivba Yatshavbo.

Matewu 13:52

Khavbo avbo, a di va embela, khuye: “Khu kharato, muhevbudzi watshavbo nya Nayo a hevbudego iso si lumbago Mufumo wa Ndzadzini a ngu fanana ni mune ndranga a dusago khumo nya thomba yaye silo nya siphya niso sa gale.”

Luka 1:3

eni neni, hwane nya gu bani nyi si hevbude gwadi, gasi guti idzo si nga dugelelago khidzo guphelani, nyi wonide nya gukheni a diri gwadi gu gu lovela nuwe, Teyofilo, gigodwa gyangu, na nyi si sasamedzela khu dzindrima dzakone,

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 20:31

Khavbo avbo, dzi woneleni. Dundrugani gukhenu, rumba nya myaga miraru, gima kha nya garala khu gu luleka moyo ni moyo nya enu, na nyi gu lila wutshigu ni mihani.

Mithumo 20:35

Nyi mi yeyedzide khu magirelo yatshavbo gukheni, mwa gu thuma khu mawogo yanu khavbo mu na kodzago gu phasedzela vale va keneledwago. Dundrugani magana ya Pfhumu Jesu a gukhuye: ‘Kategide ngudzu oyu a ningago guvbindra oyu a hakhago.’ ”

Varoma 15:15

Ambari ulo nyi tiyide gu mi lovela mahungu yaya gasi mu khale na mu gu ma pima. Nya gu gira esi khu kota nya thumo nyi pharisidwego khu Nungungulu,

1 Vakorinto 4:17

Khu kotani nya kharato, nyi rumede guta iyo gwanu Thimoti, gyanana gyangu nya gigodwa gi tumbegidego ga Pfhumu. Uye a nata mi dundrugisa milayo nya mavbanyelo ya vale va khodwago ga Kristo, milayo nyi gimbilago nyi hevbudza malangani ni mabandlani gwatshavbo.

2 Vakorinto 11:23

Avo sithumi sa Kristo? Nya gu ganela nga gipumbu, nyi na ganela kheni, eni nyi womo mbeli ngudzu guvbindra avo. Nyi va vbindride mbeli ga mithumo yatshavbo; gu khothedwa mapasoni, gu kwamudwa khu dzimboma, gu vbuluga gufa gikhati nya gingi.

2 Vakorinto 3:6

Uye khuye a nga nyi gira nyi khala githumi nya gidzumeledzwano nya giphya, nasiri gidzumeledzwano nya gulowe, aholu nya Liphuvbo la Nungungulu; kholu nayo nya gulowe wu ngu songa, gasi Liphuvbo la Nungungulu la gu vbanyisa.

2 Vakorinto 6:4

Ga satshavbo hi ngu dzi wonegisa gukhethu hi sithumi sa Nungungulu, khu gu hunisela ngudzu, dzitshanisa, guhamuga, ni sigaradzo,

Vaefeso 6:21

Tikiko, ndriyangu nya gigodwa, a gu githumi nya gutumbege ga Pfhumu, a na mi tivisani mahungu yatshavbo nya guvbanye gwangu ni mithumo nyi girago.

Vafilipi 2:20

Mwalo mumbe muthu a hengelago gwadi ni eni sigaradzoni, a wuya a gu dzi garadza khu gu khathalela enu, kha nga uye.

Vafilipi 2:22

Gasi Thimoti, enu mu ngu pima gutumbega gwaye: A dzi garadzide gumogo ni eni thumoni nya gutivise Mahungu nya Yadi, kha nga gyanana gi phasedzelago babe waye.

Vafilipi 3:16

Aholu, ni ga mevbini magirelo, hongoleni hi simame gulandra khu ndzila yeyi hi tago na hi gu yi landra khu gale.

Vakolosi 2:19

Vathu vava va mwalo wuhengeli ni Kristo a gu uye hungo nya givili gyatshavbo, a tshanganisago sivbango saye nya guhambanelane, a si dandrisa khu edzi a golago khidzo Nungungulu.

Vakolosi 3:16

Mahungu ya Kristo ma na vbahe ndrani gwanu ma gu andra khu guti gwatshavbo hevbudzanani, mu ningana wusingalagadzi khu gyanu. Embelelani dzindzimo ni sizimba na mu gu bonga Nungungulu khu monyo wanu watshavbo.

Vakolosi 4:7

Tikiko, ndriyangu nya gigodwa, githumi nya gutumbege ni muphasedzeli wangu thumoni ga Pfhumu, a nata mi tivisa mahungu yatshavbo nya guvbanye gwangu.

1 Vatesalonika 3:2

nyi mi rumelani Thimoti, ndriyathu a guromo thumoni wa Nungungulu, a tshumayela Mahungu nya Yadi ya Kristo. Nyi mu rumide guta mi tivisani ni gu mi phasani gukhodwa gwanu,

1 Thimoti 1:10

ni vale va girago guvivba, va bhayana khu wama wawe, ni vale va sanisago vakwawe, ni va nya malipha, ni vale va sambanyago malipha, ni vale va girago ni gevbini gilo nya guhambane ni sihevbulo nya lisine,

1 Thimoti 4:16

Dzi wonele uwe wurumba wago, ni esi u hevbudzago. Simama gu ema ga silo sesi. Khu kharato, u na mana guvbanyiswa uwe ni vale va gu yingisago.

1 Thimoti 6:3

A gu bani a romo muthu a hevbudzago silo nya guhambane, a si landri sihevbulo nya lisine sa Pfhumu yathu Jesu Kristo, a gu sihevbulo nya gululame,

2 Thimoti 1:6

Khu kharato, nyi ngu gu laya kheni sayisa gwadi, gikhati gyatshavbo giningwa gya Nungungulu u hakhidego khu gu handzegwa mandza yangu.

2 Thimoti 3:10

Uwe u landrede gwadi sihevbudzo sangu, mavbanyelo, maalakanyo, gukhodwa, guhunisela, lihaladzo, gutiya,

2 Thimoti 4:3

Kholu, gi nata gikhati vathu va na gu bombago sihevbudzo nya guvbanyise; olu va gu ni dzindzeve nya gunyaganyele, va na dzi vbwetela vahevbudzi nya vangi, va na ganelago silo si tsakisago myonyo yawe.

Tito 2:1

Uwe hevbudza esi si longolokago ni sihevbudzo nya lisine.

1 Pedro 2:2

Khalani nga sanana si ngari gu velegwago, mu vbweta mahwe nya liphuvbo gikhati gyatshavbo, gasi mu sela, mu dandre, mu vbanyiswe.

2 Johane 1:9

Oyu a si emigo ndrani nya gihevbudzo gya Kristo, mwalo Nungungulu. Aholu, oyu a emago gihevbudzoni momo gya Kristo, khuye a gu ni Babe ni Mwamana.

Judha 1:5

Ambari ulo mu matigo gwadi mahungu yaya, nya gu vbweta gu mi dundrugisa gukheni Pfhumu, hwane nya gu na tshude vathu va na Israyeli, a va dusa tigoni ga Egipito, a di mbembisa vatshavbo ava va ngamba khodwa.