1 Thimoti 4:10 - Bhibhiliya Nya Guage

¹⁰ Ethu ha gu dzi garadza, hi dzi songa khu gu thuma khu kotani hi vegidego gutumba gwathu ga Nungungulu a vbanyago. Uye khuye muvbanyisi nya vathu vatshavbo ngudzungudzu ga vale va khodwago.

1 Thimoti 4:10 Iomraidhean Croise

Dzindzimo 107:2

Va na ganele vale Pfhumu Nungungulu a va vbanyisidego, vale a va tshudego mandzani ya valala,

Dzindzimo 118:8

Gwadi ngudzu gu thavela ga Pfhumu Nungungulu guvbindra gu tumba muthu.

Dzindzimo 36:6

Nayo wago wu ngu fanana ni sigomo nya gulaphe ngudzu, gulamula gwago kha nga gueta nya gukhongolo. Pfhumu Nungungulu, U ngu vbanyisa vathu ni sirengo.

Dzindzimo 37:40

Pfhumu Nungungulu a ngu va phasa a va vbanyisa, a na va vbulugisa ga va nya guvivba, a va vbanyisa kholu va thavede gwaye.

Dzindzimo 52:8

Gasi eni, nyi na gira kha nga ngure nya gunyuge, Nyumbani ga Nungungulu; nyi ngu tumba wuhindzi wa Nungungulu matshigu yatshavbo kala gupindruga.

Dzindzimo 84:12

Pfhumu Nungungulu nya Tshivba Yatshavbo, va kategide avo va tumbago uwe.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Jeremiya 17:7

Kategide muthu wule a tumbago Pfhumu Nungungulu, a vegago gitumbo gyaye ga Pfhumu Nungungulu.

Dhaniyeli 3:28

Nabhukodhonosori a di ganela, khuye: “A na dhumiswe Nungungulu wa Sadraki, Misaki ni Abhedhi-Negho, a rumedego ngilozi yaye yita vbanyisa sithumi saye, si mu tumbidego, kholu kha va dzumela gu landrisa magana ya mufumeli, si hatha gu ningela sivili sawe, guvbindra gu khozela mumbe nungungulu, vbavbandze ga Nungungulu wawe.”

Nahume 1:7

Pfhumu Nungungulu khwadi, likhokhola nya wuthavelo litshigu nya wuvi. A ngu vhikela avo va mu tumbago,

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 27:43

Tumbide Nungungulu; a na vbulugiswe khuye a gu bani a mu gola, kholu ganede, khuye: ‘Eni nyi gyanana gya Nungungulu!’ ”

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 4:42

va di embela nyamayi, khavo: “Olu kha hi khodwi khu kotani nya magana yago; hi diya khu gupwa habune; hi ngu dziti nya gukhethu uye khu lisine khuye Kristo Muvbanyisi nya litigo.”

Johane 5:24

“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.

1 Vakorinto 15:10

Aholu khu wuhigo wa Nungungulu nyi womo kha nga idzo nyi gu idzo. Gambe wuhigo a nyi ningidego, kha nyi ninga mahala. Eni nyi ngu thuma ngudzu guvbindra vatshavbo vapostoli. Ambari ulo khandreni nyi girago esi satshavbo, wuhigo wa Nungungulu wu thumago gumogo ni eni.

2 Vakorinto 1:10

Khuye a nga hi vbulugisa, a na simama gu hi vbulugisa gikhati gyatshavbo dzimhangoni nya gufe: Hi vegide Gwaye gutumba gwathu nya gukhethu a na hi vbanyisa.

1 Thimoti 2:3

Khidzo gu vbwetegago khidzo. Khidzo a dzinago Nungungulu, Muvbanyisi wathu.

1 Thimoti 2:4

Uye a gu vbweta gukhuye vathu vatshavbo va vbanye ni guti lisine,

1 Thimoti 2:6

a nga ningelago guvbanya gwaye khu gufela gu vbanyisa vathu vatshavbo. Khayo Mahungu ma khalago wufakazi, ma vegidwego khu gikhati gyakone.

1 Thimoti 3:15

Aholu, nya gu hwela, khala nu gu dziti gukhuwe gu vbweta u khala makhalelo muni Nyumbani ga Nungungulu, a gu libandla la Nungungulu a vbanyago, a gu lidingo ni giseketelo nya lisine.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

Vahebheru 11:26

A di wona nari tshukwana gu nyenywa khu kotani ya Kristo guvbindra gu fuma dzithomba dzatshavbo dza Egipito. Maho yaye ma di khedza tshatshazelo wu nga gutago.

Vahebheru 13:13

Khu guralo, hongoleni nethu vbafuvbi ga Jesu Kristo, vbavbandze nya libhiyo hi ya saniseka ni gu poyidwa gumogo ni uye.

1 Pedro 1:21

Khavbo gwaye, enu mu ngu khodwa ga Nungungulu a mu wusidego khu ga vafudego, a mu ninga wudhumo. Khu guralo, gukhodwa ni gutumba gwanu gomo ga Nungungulu.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.