1 Thimoti 3:8 - Bhibhiliya Nya Guage

⁸ Khu magirelo ya mamowo, Vadhiyakoni navo gu vbwetega vari vathu va zundzegago ni gu ganela lisine, va si dzi ningedzeligo wadwani, ni maalakanyo nya guvbwete wutetema,

1 Thimoti 3:8 Iomraidhean Croise

Dzindzimo 12:2

Muthu ni muthu, a gu liphela muthu kwawe khu magana nya gusengedzele ni gupemba.

Dzindzimo 5:9

Kholu va mwalo lisine maganani gwawe; myonyo yawe yi tade khu maalakanyo nya guvivbe; migolo yawe marowo ma tulegidego, malimi yawe ma gu songa.

Dzindzimo 50:19

Wa gu tula likana lago gasi gu ganela guvivba, lidimi lago la gu vbaha malipha.

Dzindzimo 52:2

Lidimi lago la gu luga makungo nya guvivbe; kha nga ngala nya gulodzwe, la gu luga wukanganyisi.

Ezekiyeli 44:21

Mwalo ni moyo muphasi nya mhamba a yelago gu sela vbinyu gikhati a belago likupakupani la ndrani.

Levhi 10:9

“Wa guta bela Tshatshani nya Tshangano, u nga seli vbinyu mwendro wadwa nya guvave, uwe ni sanana sago, kholu wa gu sela u nafa. Oyu nayo nya gupindruge ga sanana sanu,

Varoma 3:13

Ngolo wawe, lithowo li tudwego, Lidimi lawe va gu li thumisa gupemba vathu. Magana yawe ma gu gamba wuhungu nya dzinyoga.

Vafilipi 1:1

Eni Pawulo ni Thimoti, sithumi sa Kristo Jesu, hi ngu lovela vathu vatshavbo va Kristo Jesu va vbanyago dhoropani ga Filipi, gumogo ni vathangeli vawe ni vaphasedzeli vakone.

1 Thimoti 3:12

Mudhiyakoni, gu vbwetega oyu a gu ni nyamayi moyo basi, a gu babe a dzi kodzago gu sayisa sanana saye ni ndranga yaye.

1 Thimoti 3:2

Kholu, muthangeli gu vbwetega muthu a lulamidego, mwama nya wadi nya gurule a gu ni nyamayi moyo basi, a dzi pharago, a gengedego, a kodzago gu hakha vapfhumba ni gu hevbudza.

1 Thimoti 3:3

Oyu a si dzi ningedzeligo wadwani, ambari gudwanisa, aholu, a kodzago gu timisela, a si vegigo likhulo, a siri mugoli nya dzitsapawu.

1 Thimoti 5:23

U nga seli mati basi, sela gambe vbinyu vbadugwana, khu kotani nya ndrani gwago, ni madwali yago nyamba kala.

Tito 1:7

Kholu muthangeli nya Libandla, a rwadego thumo nya gusayise silo sa Nungungulu, gu vbwetega nari muthu nyambana gihoso, nyamba dzi gugumugisa, nyambana wukhusu, a si gu bewudzi, nyambana sighirimuka, a si gu pari nya wugwewo nya guvivbe.

Tito 2:3

Embela nayo vasingalagadzi nya vanyamayi va vbanye nga vathu va agidego, va nga khali va nya milembo, ambari gu dzi gira dzikhumbi nya wadwa, aholu va na hevbudze esi si gu sadi,

Jakobe 3:10

Khu kanani ga gumogo, hi ngu dusa magana nya gurungudze ni magana nya guvale. Vandriyangu, kha gu vbwetegi kharato.

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.