1 Thimoti 3:7 - Bhibhiliya Nya Guage

⁷ Gu vbwetega muthu a ningwago githawo ambari khu vambe vathu va walo, gasi a si solegi a thegela naphwini wu riyidwego khu Sathane.

1 Thimoti 3:7 Iomraidhean Croise

Marko 4:11

A di va hakha, khuye: Ga enu, mu ngu tiviswa misihalo nya Mufumo waye, gasi vale va guromo khu vbavbandze, satshavbo silo sesi, va gu embedwa khu sipimaniso,

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 22:12

“A diromo mwama moyo nya gupwani khu Ananiya, muthu nya ndruda khu Nayo. Vajudha vatshavbo va di gu ninga wukustumunyu khu wuwadi waye.

Mithumo 6:3

Khu kharato, vandruye, hathani vbakari gwanu livbandre na vavili vama nya ndruda nya gutale khu Liphuvbo ni guti, hi na va ninga avo thumo yoyo,

1 Vakorinto 10:32

Mu nga khali gikhunguvanyiso ga Vajudha, ga va nya mayigo mwendro ndrani nya libandla la Nungungulu.

1 Vakorinto 5:12

Ina i fanelo yangu gulamula avo va guromo vbavbandze, gani? Mu na ni fanelo nya gulamule ava va guromo ndrani nya libandla.

2 Vakorinto 6:3

Ethu kha hi khunguvanyisi muthu khu mavbanyelo yathu, gasi thumo wathu wu si solegi.

2 Vakorinto 8:21

Egi hi gi vbwetago khu wuwadi, hi si wu giri basi mbeli ga Pfhumu, aholu, hi wu gira gambe vbakari nya vathu.

Vakolosi 4:5

Vbanyani khu guti ni mapimo vbakari nya vale va si khodwigo, mu londrola gwadi gikhati mu gu nagyo.

1 Vatesalonika 4:12

Khu guralo, mu na mana lisima ga vathu va vbavbandze, mu vbanya nyamba lemedzani muthu.

1 Vatesalonika 5:22

ndreyani ga satshavbo esi nya guvivbe.

1 Thimoti 3:6

Kha gu vbwetegi oyu a gu muphya gukhodwani, a nga dzi khusedza a gu thega gighohoni gya Sathane.

1 Thimoti 5:14

Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

1 Thimoti 6:9

Aholu, ava va vbwetago gughanya, va gu thegela gulingwani ni naphwini nya guvbwete silo nya singi nyambana giphaso. Khiso si girago vathu va bela guvivbani, va mbemba ni wurumba wawe.

2 Thimoti 2:26

Khu kharato, va na vbuluga naphwini wa Sathane va hungidwego khuwo, gasi va gire edzi dzaye a dzinago.

Tito 2:5

va kodze gu dzi phara ni gurula, ni gu sayisa dzindranga dzawe, va yingela vama vawe, gasi vathu va si ganeli guvivba khu Mahungu ya Nungungulu.

Tito 2:8

Ganela silo nya lisine, gasi a si manegi muthu nya gu gu kawuke, va fela gu khala dzitshoni valala vathu khu gu hamuga gilo nya guganele khu mahungu yathu.

3 Johane 1:12

Vathu vatshavbo va gu zundza Dhemetriyo. Ambari lisine nilo li ngu mu zundza. Ethu nethu hi ngu mu zundza. Uwe u ngu dziti gukhuwe esi hi ganelago lisine.

1 Samuweli 2:24

Mu nga girini kharati, vanavangu; sitiviso si vbohago avbo gwangu na si gu ganela khu enu, khandri sadi. Mwa gu dzuwungela vathu va Pfhumu Nungungulu.