1 Thimoti 3:3 - Bhibhiliya Nya Guage

³ Oyu a si dzi ningedzeligo wadwani, ambari gudwanisa, aholu, a kodzago gu timisela, a si vegigo likhulo, a siri mugoli nya dzitsapawu.

1 Thimoti 3:3 Iomraidhean Croise

Mavingu 1:19

Aya khu mahegiso nya vatshavbo va nya lidiwo ni wuphangi, va gufa khu wuphangi wawe.

Mavingu 15:27

Muthu nya makolo a gu thela libango ndrangani gwaye, gasi uye a gumba dzumela gu rengeledwa, a na vbanya.

Muhevbudzi 7:8

Mahegiso nya gilo i tshukwana guvbindra maphelelo yaye. I tshukwana gu timisela, guvbindra dzihanyi.

Isaya 28:1

Libango ga Samariya, gihugu nya matshandza nya sidhakwa sa Efrayimi! Lidhoropa li vbahidwego vbatshani nya kova nya gunone, wumburi nya wuzundzo waye wa gu fanana ni genge nya wumburi nya guwune gi vegidwego hungoni nya vathu va levidego.

Isaya 28:7

Aholu avo navo va ngu dhedhereka khu kotani nya vbinyu, kha va kodzi ni gu ema, kholu va sedego wadwa nya guvave. Ambari vaphasi nya mhamba ni vaprofeti va ngu dhedhereka khu kotani nya wadwa nya guvave ngudzu. Va levide khu vbinyu, va ngu dhedhereka khu kota nya wadwa; va gu profeta, va gu ganela mapongowongo, va tshomborosela mahungu gulamulani gwawe.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Ezekiyeli 44:21

Mwalo ni moyo muphasi nya mhamba a yelago gu sela vbinyu gikhati a belago likupakupani la ndrani.

Levhi 10:9

“Wa guta bela Tshatshani nya Tshangano, u nga seli vbinyu mwendro wadwa nya guvave, uwe ni sanana sago, kholu wa gu sela u nafa. Oyu nayo nya gupindruge ga sanana sanu,

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Mikeya 3:5

Pfhumu Nungungulu a ngu ganela kharati, mayelano khu vaprofeti va ndreyisago vathu vangu va va hodzago khu magwaha yawe, va huwelela, khavo: “Gurula!” Aholu va wugela khu dzinyimbi vale va gumba va thela gilo kanani.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Matewu 21:13

“Gu lovidwe, pwani: ‘Nyumba yangu yi na ranwa, pwani nyumba nya nombelo.’ Gasi enu mu yi vbindrugedzide mu yi gira liphala nya dzimbafa.”

Mithumo 20:33

Eni gima kha nya dogorela gya muthu, mwendro dzitsapawu nya parata mwendro nya ndralama, ambari guambala gwa muthu.

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

Vaefeso 5:18

Mu nga levi khu wadwa mu nga dwanisana, aholu khalani na mu tade khu Liphuvbo nya Guage.

1 Vatesalonika 5:14

Vandruye, hi ngu mi lomba gambe, kawukani va nya mihudzuri, tiyiselani ava va rerekago, sayisani vadwali, mu hunisela vatshavbo.

1 Thimoti 3:8

Khu magirelo ya mamowo, Vadhiyakoni navo gu vbwetega vari vathu va zundzegago ni gu ganela lisine, va si dzi ningedzeligo wadwani, ni maalakanyo nya guvbwete wutetema,

2 Thimoti 3:2

Kholu vathu va na dzi khusedza va khala va magundrele, va nya gugola dzitsapawu, va nya matshandza, va nya gu dzi gugumugisa, va nya gu wugela Nungungulu, gumba yingisa vavelegi, gumba bonga, va nyamba khodwa.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

Tito 1:7

Kholu muthangeli nya Libandla, a rwadego thumo nya gusayise silo sa Nungungulu, gu vbwetega nari muthu nyambana gihoso, nyamba dzi gugumugisa, nyambana wukhusu, a si gu bewudzi, nyambana sighirimuka, a si gu pari nya wugwewo nya guvivbe.

Tito 2:3

Embela nayo vasingalagadzi nya vanyamayi va vbanye nga vathu va agidego, va nga khali va nya milembo, ambari gu dzi gira dzikhumbi nya wadwa, aholu va na hevbudze esi si gu sadi,

Tito 3:2

Va laye va si ganeli guvivba khu muthu, aholu, va khale khu gurula ni wuwadi, vari ni mavbanyelo nya yadi ga vathu vatshavbo.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Jakobe 4:1

Ma guta khu hayi mayunga ni guhambana vbakari gwanu? Ma guta khu gunavela nya guvivbe gu dwanago gikhati gyatshavbo sivbangoni gwanu.

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.

Gutuledwa 1:9

Eni Johane nyi gu ndriyanu, muhengeli ni enu sigaradzoni, Gufumani, ni gutimiselani khu ga Jesu Kristo, nyi diromo gidwane gi ranwago Patimosi kotani nya gu pwadze mahungu ya Nungungulu ni gu fakazela Jesu Kristo.

1 Samuweli 8:3

Aholu, sanana saye kha sa nga landra dzindzila dza babe wawe; kholu va di ndreya khu gugola ngudzu dzitsapawu, va dzumela gu rengeledwa, va si lamuli khu lisine.