1 Thimoti 2:9 - Bhibhiliya Nya Guage

⁹ Khu magirelo ya mamowo gu vbweta vanyamayi va ambala myendra yi yelago, khu githawo ni gu dzi phara, va nga dzi mburisi khu gu lugela ndzudzu, ni gu ambala ndralama ambari maniya ni dziphera ni myendra nya seda.

1 Thimoti 2:9 Iomraidhean Croise

Genesi 24:53

Gi di dusa sombo nya parata, sombo nya ndralama ni guambala gi ninga Rebheka; gi ninga gambe sombo nya lisima ga ndriyaye ni ga mayi waye.

2 Dzipfhumu 9:30

Jewu a dita Jezireyeli, Jezabheli, na pwide gu vboha gwaye, a di todza maho yaye, a mburisela hungoni gwaye, a khedzisela khu vbagihogwanatunu.

Esiteri 5:1

Na ma vbindride matshigu mararu, Esiteri a di ambala dzingandzu dzaye nya wupfhumugadzi, a ya bela nyumbani ga mufumeli vbafuvbi ni phatani nya wufumu. Mufumeli a di khade vbagikhalotunu gwaye nya wufumu gi khedzidego mwanyatunu.

Dzindzimo 149:4

Kholu Pfhumu Nungungulu a ngu tsakiswa khu vathu vaye; va nya gusolega, a gu va ninga wuzundzo nya gupale.

Mavingu 31:22

A gu dzi girela abune vholo, a dzi lugela sombo nya seda ni giwunguwungu.

Mavingu 31:25

Tshivba ni wudhumo, guambala gwaye, kha thavi sa mindru.

Mavingu 7:10

Nyamayi wule a di duga a mu khinga na ambade sombo nya wuphuphulu, monyo waye na wu tade khu wudambane.

Isaya 3:16

Pfhumu Nungungulu a ngu engedza a ganela, khuye: Kha nga olu vanyamahegyane va Siyoni va dzi gugumugisago, va gimbila na va khusedzide dzithamo, maho yawe na ma tade khu wukanganyisi, va gu gimbila gukhwatshi va di hungwa, na va gu dzumisa masindra ya mawundruni gwawe.

Isaya 61:4

Va na vbahedza nyaluphye marumbi ma pfhungumudwego gukhugela gikhati gya gale, va wusedza dzinyumba dzi khungumudwego khu gale, va vbahedza madhoropa ma pfhungumudwego gikhatini gya gale.

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 4:30

Gasi olu uwe Jerusalema, u tshadego wenga nuri marumbi, u na gira gambe ginani? Ambari u ambalago guambala nya giwunguwungu, u dzi mburisela khu siphatiphati nya ndralama, u engedzela gu pendra maho yago, ni gu tola mafura nya gunungele; sibhayi kha si gu khathaleli gambe, sa gu vbweta gu gu songa.

Matewu 11:8

Gasi ginani mu ngaya gi wona? Muthu nya guambale sombo nya gumbure? Avo va ambalago sombo nya gumbure va gu dugela mudzindrangani nya wufumu.

1 Thimoti 2:10

Va na ambale nga edzi gu yelago khidzo vanyamayi, va dzi garadze khu gu tsakisa Nungungulu khu mithumo ya yadi, kha nga edzi gu lombago khidzo ga vanyamayi va khodwago.