1 Thimoti 2:8 - Bhibhiliya Nya Guage

⁸ Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

1 Thimoti 2:8 Iomraidhean Croise

1 Dzipfhumu 3:11

Khu guralo, Nungungulu a di mu embela, khuye: “Kha nga u lombidego silo nya nga esi, u ngamba lomba gu ghanya, ni guvbanya matshigu nya gutale, ambari gukhuwe valala vago vafe, aholu u lombide mapimo nya gu kodze guti esi nya gululame u fela gu fumela vathu khu nayo ni lisine,

Joba 16:17

ambari nyi gu mwalo guvivba nyi giridego, nombelo wangu wu na age.

Dzindzimo 134:2

Khusedzani mandza yanu ma khedzisa wulangani nya guage, dhumisani Pfhumu Nungungulu.

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Dzindzimo 24:4

Khu uye a gu ni mandza ma lulamidego a gu ni monyo wu agidego, a si tumbigo vanungungulu nya malipha, a si sambanyigo malipha.

Dzindzimo 26:6

Nyi ngu hamba mandza yangu na nyi agide monyo, gasi nyi hidzimela vbagiluvelotunu gwago Pfhumu Nungungulu,

Dzindzimo 28:2

Yingisa lito langu nya gudilele gikhati nyi lilago avbo gwago, gikhati nyi khusedzago mandza, Pfhumu Nungungulu nyi nonedze wulanga wago nya guage ngudzu.

Dzindzimo 35:13

Gikhati avo va nga manwa khu madwali, eni nyi di ambala silendra nyi hala nyamba hodza gilo, nyi di wuyelela gu gira nombelo na nyi gu nogide,

Dzindzimo 63:4

Khu guralo, nyi na gu rungudza na nyi nga gu vbanya; matshigu yatshavbo nya guvbanye gwangu, nyi na khusedza mandza nyi gu bonga.

Dzindzimo 66:18

Naripwani nyi di alakanya guvivba monyoni gwangu, Pfhumu gima na sa nyi yingisa.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Matewu 21:21

Jesu a di hakha, khuye: “Khu lisine nyi ngu mi embelani, kheni: Mwa gu khodwani, nyamba kanakana, kha mu na gira basi esi nyi nga girago nguyu yoyu, aholu mwa gu ruma gigomo gegi, khenu: ‘Siguga khavbovbo, indra uya dzi dumwega phwani’, gu na girega kamwe.

Matewu 5:44

Gasi eni nyi ngu mi embelani gukheni: Golani valala vanu; lombelelani khu vale va mi sanisago.

Matewu 6:12

Hi pwele sihoso sathu, kha nga ethu hi va pwelago avo va hi hoselago.

Luka 23:34

Jesu a di khuye: “Baba, va tsetselele, kholu kha va giti igyo va girago.” Khavbo avbo, va di kabana dzingandzu dzaye, khu gu gira nyatumbatumbane.

Luka 24:50

Hwane nya matshigu, a di hongola navo Bhetaniya, na va vbohide, a di khusedza mandza a va kategisa.

Johane 4:21

Jesu a di mu embela, khuye: “Khodwa gwangu, nyamayi. Gi ngu vboha gikhati mu no khozelago Babe wangu nasiri gigomoni momu, mwendro saye Jerusalema.

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 10:31

a nga ta nyi embela, khuye: ‘Korineliyo, nombelo wago wu pwidwe, ni wuhindzi wago wu wonidwe khu Nungungulu.

Mithumo 10:4

Uye a di khala hwanga a khusa maho a khedza, a hakha, khuye: “Ginani, Pfhumu?” Ngilozi ya Nungungulu yi di mu embela, khiyo: “Milombelo yago ni wuhindzi wago yi pwidwe khu Nungungulu, khu kharato, a gu alakanyide.

Mithumo 21:5

Aholu, gu vbelani nya matshigu yoyo, hi di simama ni liendro lathu. Vakhodwa vatshavbo ni vanyamayi ni sanana va di hi bangaladza kala vbavbandze nya lidhoropa. Na hi dugide khu dhoropani, hatshavbo hi di khidzima funguni hi lombelela ga Nungungulu.

Mithumo 7:60

Khavbo avbo, na khidzimide a di khusedza ngudzu lito a lomba, khuye: “Pfhumu, U nga va rwegi nandru nya gighoho gegi.” Na ganede magana yaya a di lala.

1 Vakorinto 1:2

ha gu lovela Libandla la Nungungulu li guromo dhoropani ga Korinto, enu mu ranedwego gu khala sihathwa, mu agisidwego khu gutshanganiswa gumogo ni Kristo Jesu. Ha gu lovela gambe ni vatshavbo vale va phalalegidego ni litigo latshavbo va lombelelago khu lina la Pfhumu yathu Jesu Kristo, a gu Pfhumu yawe navo.

1 Vakorinto 7:7

Khu yangu mawonelo, nyi di gu gola gukheni vathu vatshavbo va vbanya nga eni. Aholu, muthu ni muthu a na ni giningwa gyaye, a ningidwego khu Nungungulu: Oyu ningidwe egi, mumbe a ningwa gile.

2 Vakorinto 2:14

A na rungudzwe Nungungulu, a endredzago mithumo yathu yi gimbila gwadi khu ga Kristo. Khu thumo wathu Nungungulu a ngu phalalegisa malangani yatshavbo mahungu nya gutivise Jesu kha nga mahema nya gunungele gwadi.

Vafilipi 1:12

Vandriyangu, nya gu vbweta gukheni mu dzitini gukhenu satshavbo iso si nyi dugeledego, si phasedzede gudandra Ivhangeli.

1 Vatesalonika 1:8

Gukhugela khavbo gwanu, mahungu ya Nungungulu ma di phalalega tigoni gwatshavbo ga Makedhoniya ni Akaya, gukhodwa gwanu ga Nungungulu gu di pwala malangani yatshavbo, khu isoso kha gu vbwetegi gu ganela gambe gimbe gilo.

1 Thimoti 5:14

Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

Tito 3:8

Gihevbudzo gegi gi tiyide. Nya gu vbweta uwe u simame ni mahungu yaya, gasi vale va khodwago ga Nungungulu, va dzi garadze khu gu gira esi nya sadi. Esi silo khyadi, gambe si ngu phasa vatshavbo.

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

1 Pedro 3:7

Enu nenu vama, vbanyani ni vagadzi vanu khu gurula ni githawo. Va phareni gwadi na mu gu dziti gukhenu nyamayi gyombo nya wukheta. Kholu avo navo va na hakha guvbanya gwa gumogo mu na gu hakhago nenu. Girani kharati gasi mu si dzuwungeli milombelo yanu.