1 Thimoti 2:5 - Bhibhiliya Nya Guage

⁵ kholu womo Nungungulu moyo basi, ni Mutshanganisi moyo a tshanganisago Nungungulu ni vathu, khu Jesu Kristo a gu muthu nuye,

1 Thimoti 2:5 Iomraidhean Croise

Joba 9:33

Mwalo vbakari gwathu, a yelago gu hi tshanganisa eni Naye, a khala uye mulamuli wathu.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Matewu 1:1

Longoloko nya lihundzu la Jesu Kristo, Gyanana gya Dhavhidhe, Gyanana gya Abrahama.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Luka 14:22

Githumi gi di wuya gita, khigyo: ‘Pfhumu, nyi giride kha nga idzo u rumidego khidzo, aholu wu nga tshade wulanga.’

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Mithumo 4:12

Kha hi dzi kodzi gu mana guvbanyiswa khu mumbe muthu, kholu, mafuni gwatshavbo limwalo limbe lina li riyidwego vathu li gu ni tshivba nya gu hi vbanyise.”

Varoma 1:3

ma ganelago khu Mwanaye, a nga velegwago linyumbani la Dhavhidhe.

Varoma 10:12

Khu kharato, gumwalo gu hambana nya Vajudha ni va nya mayigo, kholu vatshavbo va na ni Pfhumu mweyo basi yi kavedzelago siningwa saye ga vatshavbo vale va mu lombago.

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

Vagalatiya 3:20

Gambe mutshanganisi khandri wa muthu moyo basi, aholu, Nungungulu moyo basi.

Vaefeso 4:6

Womo Nungungulu moyo basi, Babe wa vatshavbo, a fumago ga vatshavbo, a thumago khu vatshavbo, a vbanyago ga vatshavbo.

Dhewuteronome 6:4

Upwa, Israyeli! Pfhumu Nungungulu wathu, khuye basi a gu Pfhumu.

1 Thimoti 6:13

Nyi ngu gu lomba, mbeli ga Nungungulu a ningago guvbanya silo satshavbo, ni ga Kristo Jesu a nga ninga wufakazi nya lisine khovbeni ga Pontiyo Pilato.

Vahebheru 12:24

Ga Jesu a gu Mutshanganisi nya gidzumeledzwano nya giphya, uye a vbaladzidego Novba wu ganelago silo nya gu hi phase guvbindra novba wa Abheli.

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

Vahebheru 8:6

Khu lisine, Jesu pharisidwe thumo nya wuphasi nya wukhongolo guvbindra vaphasi vatshavbo. Gidzumeledzwano a giridego nya gutshanganise Nungungulu ni vathu gikhongolo, kholu, gi seketedwe khu gitumbiso nya gikhongolo ngudzu.

Vahebheru 9:15

Khu kotani nya isoso, Kristo khuye mutshanganisi nya gidzumeledzwano nya giphya, gasi vale va nga ranwa khu Nungungulu va hakhe makategwa nya gupindruge, aya Nungungulu a nga tumbisago. Esi si ngu girega khu kotani nya gufe gwaye gu nga vbulugisago vathu mugighohoni va giridego na gi nga gu thuma gidzumeledzwano nya guhegule.

1 Johane 2:1

Vanavangu, nya gu mi lovelani esi, gasi mu si giri gighoho. Aholu muthu a gu ghoha, hi na ni muemeli mbeli ga Babe: Khu Jesu Kristo, a gu mwalo gihoso.

Gutuledwa 1:13

Vbakari nya livbandre na dzimbili dzikandriya, nyi di wona moyo nya gufanane ni Mwamana wa Muthu, na ambade ngandzu nya gulaphe, na hungide libhandri nya ndralama vbakhanatunu.