1 Thimoti 2:11 - Bhibhiliya Nya Guage

¹¹ Gikhati nya sihevbulo, vanyamayi va na degule, vapwe, va dzi nogisa.

1 Thimoti 2:11 Iomraidhean Croise

Genesi 3:16

A di embela gambe nyamayi, khuye: “Nyi na gu gira u wona sigaradzo mimbani gwago, u na velega sanana khu wuvi nya wukhongolo, ambari ulo, u na khala lidora ngudzu nya mwama wago, aholu uye a na gu fumela.”

Esiteri 1:20

Gikhati thetho wowu wa mufumeli wu na tiviswago tigoni gwago gwatshavbo gu andridego ngudzu, vatshavbo vanyamayi va na ninga githawo ga vama vawe, gukhugela ga sitetema kala ga sisiwana.”

1 Vakorinto 11:3

Aholu, nya gu vbweta mu dzitini gukhenu Kristo khuye hungo a fumelago vathu vatshavbo, kha nga mwama a fumelago nyamayi, kha nga Nungungulu a fumelago Kristo.

Vakolosi 3:18

Vagadzi, yingelani vama vanu, kholu khiso si yelago ga vale va khodwago ga Pfhumu.

1 Thimoti 2:10

Va na ambale nga edzi gu yelago khidzo vanyamayi, va dzi garadze khu gu tsakisa Nungungulu khu mithumo ya yadi, kha nga edzi gu lombago khidzo ga vanyamayi va khodwago.

Tito 2:5

va kodze gu dzi phara ni gurula, ni gu sayisa dzindranga dzawe, va yingela vama vawe, gasi vathu va si ganeli guvivba khu Mahungu ya Nungungulu.

1 Pedro 3:1

Enu nenu vanyamayi mu guromo wugadzi, yingelani vama vanu, gasi va gu bani varomo vambe va si khodwigo, va ndrindrwe vata khodwa, nasiri khu magana, aholu khu mavbanyelo ya vagadzi vawe.