1 Thimoti 1:17 - Bhibhiliya Nya Guage

¹⁷ Khu guralo, ga uye Pfhumu nya gupindruge, rungudzo ni gidhumo si na vegwe gwaye Nungungulu nyamba fa nyamba wonwa khu maho khu gupindruga ni gupindruga Amen.

1 Thimoti 1:17 Iomraidhean Croise

1 Dzikoronika 29:11

Wugulu, tshivba, wuzundzo, gupala ni wufumu, sa gu lumba Uwe, kholu satshavbo si guromo ndzadzini ni mafuni, sa gu lumba Uwe; wufumu khwago Uwe Pfhumu Nungungulu, U khusegidego ngudzu, U fumago silo satshavbo.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 10:16

Pfhumu Nungungulu, a ngu fuma kala gupindruga; va nya mayigo va na tutumiswa tigoni gwaye.

Dzindzimo 106:48

A na rungudzwe Pfhumu Nungungulu wa Israyeli, olu kala gupindruga, vathu vatshavbo va na ganele, khavo: “Ameni!” Dhumisani Pfhumu Nungungulu!

Dzindzimo 145:13

Mufumo wago wu ngu simama kala gupindruga, Uwe u na fumela mimela ni mimelana yatshavbo, Pfhumu Nungungulu tumbegide gikhati gyatshavbo, a gu gira mithumo yaye yatshavbo khu lihaladzo.

Dzindzimo 41:13

A na bongwe Pfhumu Nungungulu wa Israyeli, gukhugela olu kala gupindruga! Amen ni amen!

Dzindzimo 45:1

Monyo wangu wu ngu vbalagela khu magana nya gutsakise. Ndzimo yeyi nya gu yi embelela ga Mufumeli; lidimi langu tenga wa mulovi nya gusamadzise.

Dzindzimo 45:6

Uwe Nungungulu, gikhalo gyago nya wufumu gi ngu simama kala gupindruga; ndronga nya gululame, i ndronga nya wufumu wago.

Dzindzimo 57:11

Nungungulu, wonegisa wugulu wago ndzadzini; Wudhumo wago wu na fenengedze litigo latshavbo.

Dzindzimo 90:2

Khu gale, sigomo na si ngari mwalo, na wu si gu vangi litigo ni mafu, uwe u Nungungulu kala gupindruga!

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 4:34

Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.

Dhaniyeli 4:37

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Malakiya 1:14

Kholu libango ga muthu nya mukanganyisi a pimisago gu nyi luva khu girengo nya gyadi gya tshambini gwaye, aholu a tumbisa guluva Pfhumu Nungungulu khu girengo nya guhase; kholu eni kheni Pfhumu nya Yikhongolo, a ngu ganela Pfhumu Nungungulu nya Tshivba Yatshavbo, lina langu li ngu ningwa githawo vbakari nya mayigo.

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Varoma 1:20

Kholu, makhalelo nyamba wonega ya Nungungulu, tshivba yaye nya gupindruge ni tumbunugo nya wu Nungungulu waye, si ngu wonegiswa gwadi gukhugela gu vangwa nya mafu, khu sigiro saye a si giridego. Khu kharato, va mwalo guditshedzwa.

Varoma 1:23

Va digide gu rungudza Nungungulu nya gupindruge, va gu khozela sifananiso nya vathu vafago, kala va gu khozela ni sifananiso nya sinyoni, nya dzinyoga ni simbe sirengo si khwirirago khu lididi.

Varoma 11:36

Satshavbo sa guta khu ga Nungungulu; satshavbo sa gu tumbuluga tshivbani gwawe gasi gu thumela uye. A na rungudzwe Nungungulu kala gupindruga. Amen.

Varoma 16:27

Wudhumo wu na vegwe gwa Nungungulu nya Tshivba Yatshavbo, Nungungulu wamoyo nya guti, khu ga Kristo, kala gupindruga. Amen.

Varoma 2:10

Aholu Nungungulu a na ninga wudhumo ni wuzundzo ni gurula ga vatshavbo vale va girago nya sadi, guphela khu Mujudha kala va nya mayigo.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Vakolosi 1:15

Khuye giwonelo nya Nungungulu a si wonegigo; velegidwe khu Babe na li si gu vangwi litigo.

Vahebheru 11:27

Khu gukhodwa, uye dugide khu Egipito nyambana hwanga khu likhulo la mufumeli. A di simama gutiya nga khwatshi a gu wona uye a si wonegigo.

Vahebheru 2:7

U mu giride, u mu vega vbavbatshi, gutshala vbadugwana basi gu fanana ni dzingilozi dzago gikhati gidugwanana, u mu khusedzide u gu mu tadza khu gidhumo ni rungudzo,

1 Pedro 5:11

Ga uye, wudhumo ni tshivba kala gupindruga! Amen.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.

1 Johane 4:12

Mwalo na moyo a nga wona Nungungulu; ethu ha gu haladzana khu gyathu, Nungungulu a ngu vbanya ni ethu ni lihaladzo laye gambe li tadzisegide avbo gwathu.

Judha 1:25

uye a gu Nungungulu moyo basi, Muvbanyisi wathu, a ngu yela gu hakha khu ga Pfhumu yathu Jesu Kristo: Wudhumo, wuzundzo, wugulu, tshivba, wufumu gukhugela guhegulani ga mimela yatshavbo ni olu, kala gupindruga! Amen.

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 19:1

Khu hwane nya satshavbo sesi, nyi dipwa nga lito nya lidhuma nya vathu na li gu tshiga khu ndzadzini, khilo: “Aleluya! Guvbanyisa, ni gidhumo, ni tshivba sa gu tumbuluga khu ga Pfhumu, Nungungulu wathu.

Gutuledwa 19:16

Vbatshokatunu nya mwendra wu fenengedzago giwunu gyaye, gu lovidwe pwani: “Pfhumu nya dzipfhumu; Mufumeli nya vafumeli.”

Gutuledwa 19:6

Nyi dipwa gambe nga lito nya likhongolo nya talo nya vathu, nga gudzuma nya talo nya mati, nga gudzuma nya libara, na va gukhavo: “Aleluya! Kholu Pfhumu, Nungungulu wathu nya Tshivba Yatshavbo a ngu fuma!

Gutuledwa 7:12

“Amen! Rungudzo ni gidhumo ni guti ni gubonga ni wuzundzo ni wufumu ni tshivba sa gu lumba Nungungulu wathu kala gupindruga. Amen!”